ကမ္ဘာကျော် Pepsi နှင့် Coca-cola အချိုရည် ကုမ္ပဏီကြီးများမှ လွယ်ဟိန်း ကုမ္ပဏီတစ်ခုလုံးအား အပြတ်ဝယ်ယူရန် အကြိမ်ကြိမ် ကမ်းလှမ်းခဲ့မှုကို လွယ်ဟိန်းမှ ပယ်ချခဲ့
ပို့စ်တင်ချိန်
- 10/17/2013 03:58:00 PM
ကမ္ဘာကျော် Pepsi နှင့် Coca-cola အချိုရည် ကုမ္ပဏီကြီးများမှ လွယ်ဟိန်း ကုမ္ပဏီတစ်ခုလုံးအား အပြတ်ဝယ်ယူရန် အကြိမ်ကြိမ် ကမ်းလှမ်းခဲ့မှုကို လွယ်ဟိန်းမှ ပယ်ချခဲ့သည်။ သို့သော် Pepsi နှင့် Coca-cola အချိုရည် ကုမ္ပဏီကြီးများသည် ပြည်တွင်း လုပ်ငန်းရှင်အချို့ကို ရှယ်ယာအနည်းငယ် ထည့်ဝင်စေသည့် စနစ်ဖြင့် ပြည်တွင်းဈေးကွက်သို့ ၀င်ရောက်လာနိုင်ခဲ့ကြသည်။ ထိုသို့ ၀င်ရောက်လာသည့်အတွက် လွယ်ဟိန်းကုမ္ပဏီအနေဖြင့် ၎င်းတို့နှင့် မည်သို့ယှဉ်ပြိုင် ရပ်တည်နေရသည်၊ ရေရှည်တွင် မည်သို့ယှဉ်ပြိုင် ကြမည်ဟူသော အကြောင်းအချက်များကို လည်းကောင်း၊ ယင်းအပြင် ဦးအိုက်ထွန်း ခေါင်းဆောင်သည့် တရုတ်ကုန်သည် အဖွဲ့သည် ဒေါက်တာစိုင်းဆမ်ထွန်းနှင့် ပတ်သက်နေသည်ဟူသော သတင်းထွက်ပေါ်မှုများကို လည်းကောင်း စသည်တို့ကို သိရှိနိုင်စေရန် လွယ်ဟိန်းကုမ္ပဏီ ဒေါက်တာစိုင်းဆမ်ထွန်းနှင့် တွေ့ဆုံမေးမြန်းခဲ့ပါသည်။
မေး - Pepsi နဲ့ Coca-cola တို့က လွယ်ဟိန်းကို အပြတ်ဝယ်ဖို့ ကြိုးစားခဲ့သေးတယ် ဆိုတာနဲ့ ပတ်သက်လို့ သိချင်ပါတယ်။
ဖြေ - ဟုတ်ပါတယ်။ လေးကြိမ်၊ ငါးကြိမ် လောက်အထိ ကမ်းလှမ်းခဲ့တယ်။ ဆွေးနွေးခဲ့တယ်။ သူတို့က အပြတ်ဝယ်မှာ ကျွန်တော် မရောင်းခဲ့ဘူး။ ဒါပေမဲ့ သူတို့ အနေနဲ့ကတော့ အခြား ပြည်တွင်း လုပ်ငန်းရှင်အချို့ကို ရှယ်ယာအချို့ ပါဝင်ခိုင်းပြီး ၀င်လာပါတယ်။ သူတို့က ၉၀၊ ၉၅ ရာခိုင်နှုန်း၊ ပြည်တွင်း လုပ်ငန်းရှင်က ၁၀ ရာခိုင်နှုန်း၊ ၅ ရာခိုင်နှုန်း အနေအထားပေးပြီး ၀င်လာတဲ့သဘောမျိုးပါ။
မေး - Pepsi နဲ့ Coca-cola ၀င်လာတော့ လွယ်ဟိန်းအနေနဲ့ ဘယ်လို ရပ်တည်နေရလဲ။
ဖြေ - လဲမသွားအောင် ရှင်သန်နိုင်ရေးအတွက် အဓိကထား လုပ်နေပါတယ်။
မေး - ရေရှည်ဆိုရင် ပြိုင်နိုင်ပါ့မလား Pepsi , Coca-cola တို့နဲ့ ရေရှည် ယှဉ်ပြိုင်နိုင်ဖို့ ဘယ်လိုစီစဉ်ထားလဲ။
ဖြေ - ရေရှည်မှာ ကိုယ်မြှုပ်နှံနိုင်တဲ့ အရင်းအနှီးအား တစ်ခုတည်းနဲ့မရတော့ဘူး။ အဲဒီအတွက် ကမ္ဘာ့နံပါတ်တစ် ရေကုမ္ပဏီရယ် ဂျပန်နိုင်ငံရဲ့ ထိပ်တန်း အချိုရည်ကုမ္ပဏီ စာရင်းမှာပါတဲ့ ကုမ္ပဏီတစ်ခုရယ် အဲဒီကုမ္ပဏီနှစ်ခုနဲ့ ပူးပေါင်းပြီး လုပ်ဖို့စီစဉ်နေတယ်။ ဒီလိုပေါင်းပြီး ရေရှည်မှာ ပြိုင်မယ်။ ထုတ်ကုန်အသစ်တွေ ထပ်ထုတ်ဖို့ပြီး ယှဉ်ပြိုင်ဖို့လည်း စီစဉ်ထားတယ်။
မေး - အရင်းအနှီးဆိုအားဆိုတော့ လက်ရှိလွယ်ဟိန်းက တစ်ဦးတည်း မြှုပ်နှံတာလား အခြားရှယ်ယာရှင် ပါသေးလား။
ဖြေ - မပါဘူး၊ တစ်ဦးတည်း မိသားစုပိုင် ကုမ္ပဏီပါ။
မေး - ဒေါက်တာစိုင်းဆမ်ထွန်းဟာ တရုတ်လူမျိုးစပ်တယ်၊ တရုတ် ၁၀၀ အဖွဲ့မှာ ပါဝင်နေတယ်ဆိုတဲ့ သတင်းထွက်နေတာနဲ့ ပတ်သက်ပြီးလည်း သိချင်ပါတယ်။
ဖြေ - ကျွန်တော်ဟာ ရှမ်းလူမျိုးစစ်စစ် တစ်ယောက်ပါ။ တရုတ်သွေး တစ်စက်ပါတယ်လို့ ပြနိုင်ခဲ့ရင် အခုရှာထားသမျှ စည်းစိမ်အကုန်လုံး ပေးပါ့မယ်။ ကျွန်တော့်ဇာတိက မူဆယ်ဘက်ကပါ။ လက်ရှိလည်း လားရှိုး မူဆယ်ဘက်မှာ ဆွေမျိုးတွေ ရှိပါသေးတယ်။ မေးလို့ တွေ့လို့ရပါတယ်။
မေး - တရုတ်အဖွဲ့နဲ့ ပတ်သက်တာကရော။
ဖြေ - အဲဒီအဖွဲ့ကို ဦးအိုက်ထွန်းက ဥက္ကဋ္ဌအနေနဲ့ ဦးဆောင်တာပါ။ ဒီအဖွဲ့ထဲမှာပါတဲ့ အဖွဲ့ဝင်တွေက ရှယ်ယာတွေထည့်ပြီး လုပ်ငန်းလုပ်ကြတယ်။ အဖွဲ့ဝင်တွေစုပြီး ခရီးသွားတာတွေလည်း လုပ်တယ်။ ပြည်ပနိုင်ငံစုံက ကုန်သည်အဖွဲ့တွေ လာရင်လည်း လက်ခံတွေ့ဆုံတယ်။ ဦးအိုက်ထွန်းက ပရောဂျက်ရှာပြီး ပရောဂျက်ရရင် ရှယ်ယာဝိုင်းထည့်ပြီး လုပ်နေကြတာတော့ သိတယ်။
မေး - ရှမ်းလူမျိုးဖြစ်ပြီး ဘာလို့ တရုတ်အဖွဲ့မှာ ဒုတိယဥက္ကဋ္ဌ အဖြစ်လုပ်ကိုင်ခဲ့တာလဲ။
ဖြေ - အဲဒီအဖွဲ့မှာ ဒုတိယဥက္ကဋ္ဌ လုပ်ခဲ့တာမှန်ပါတယ်။ ၂၀၀၃ ခုနှစ်ကနေ ၂၀၀၇ ခုနှစ် လောက်အထိ လေး၊ ငါးနှစ်အတွင်းမှာ ကျွန်တော်အစည်းအဝေး ၁၀ ကြိမ်လောက်တော့ တက်ဖူးတယ်။ ကျွန်တော့်ကို လုပ်ဖို့ပြောလို့ လုပ်တာ။ အစည်းအဝေး တက်တာကလည်း ခရီးသွားဖို့ရှိတယ်။ လိုက် မလိုက်မေးတယ်၊ နောက် ပြည်ပက အဖွဲ့တွေလာရင် လက်ခံတွေ့ဆုံပေးဖို့ ခေါ်တာမျိုးပါ။ ကျွန်တော် အဲဒီကို လုံးဝမသွားတာ အခုဆို ငါးနှစ်လောက်ရှိပြီ။ လုံးဝ အဆက်အသွယ် ပြတ်နေတဲ့အတွက် ထွက်လိုက်ပြီလို့ ပြောလို့ရတယ်။ ပြီးတော့ ဒုတိယ ဥက္ကဋ္ဌကလည်း ကျွန်တော်တစ်ယောက်တည်း မဟုတ်ဘူး။ တရုတ်ထဲကလည်း နှစ်ယောက် သုံးယောက်လောက် ဒုတိယ ဥက္ကဋ္ဌအဖြစ် လုပ်နေတာတွေရှိတယ်။
မေး - အဲဒီ အဖွဲ့ထဲမှာရော ဦးအိုက်ထွန်းရှာပေးတဲ့ ပရောဂျက်တွေထဲမှာရော ရှယ်ယာပါထားသေးလား။
ဖြေ - ကျွန်တော် ဒီနေ့အထိ တစ်ပြားမှ အဲဒီအဖွဲ့မှာ ရှယ်ယာမထည့်ခဲ့ဘူး။ လက်ရှိ ဦးအိုက်ထွန်းရဲ့ အခြား စီမံကိန်းတွေမှာလည်း လုံးဝရှယ်ယာမပါဘူး။ တစ်ပြားမှကို မပါတာ။ တစ်ခါမှလည်း မထည့်ဖူးဘူး။ သူတို့က ရှယ်ယာ ထည့်ဖို့လည်း ကျွန်တော့်ကို တစ်ခါမှ မခေါ်ဖူးဘူး။ သူတို့တွေ ဘာပရောဂျက်ရလို့ ဘယ်လောက် မြတ်လဲဆိုတာလည်း မသိဘူး။ ကျွန်တော် အစည်းအဝေးသွားတုန်းကလည်း သူတို့ခရီးသွားရင် လိုက် မလိုက်နဲ့ ပြည်ပဧည့်သည် လက်ခံတွေ့ဖို့အတွက်ပဲ သွားဖူးတာမို့ မသိတာ။
မေး - အဲဒီတရုတ်အဖွဲ့ထဲမှာ အားလုံး တရုတ်တွေချည်းပဲလား ပြည်ပက ငွေတွေကိုယူပြီး မြှုပ်နှံတာရော ရှိပါသလား။
ဖြေ - ကျွန်တော် လွန်ခဲ့တဲ့ ငါးနှစ်လောက်က သွားတုန်းကတော့ တရုတ်တွေအပြင် အိန္ဒိယနဲ့ ပါကစ္စတန်တွေလည်း ပါတာတွေ့ရတယ်။ ပြည်ပကငွေတွေ ပါ၊ မပါကတော့ ကျွန်တော် အတိအကျမသိဘူး။
မေး - တရုတ်အဖွဲ့ဆီကိုလာတဲ့ ပြည်ပကုန်သည် အဖွဲ့တွေက ဘယ်နိုင်ငံတွေက လာတာများလဲ။
ဖြေ - ကျွန်တော် ကြားသိရသလောက်တော့ တရုတ်နိုင်ငံကအစ နောက် ရုရှားလို နိုင်ငံအဆုံး နိုင်ငံစုံက လာကြတယ်။
မေး - အဲဒီတရုတ်အဖွဲ့က ဘယ်မှာ မြှုပ်နှံနေလဲ။
ဖြေ - သူတို့တွေ ရှယ်ယာထည့်ပြီး ပိုင်ဆိုင် လုပ်ကိုင်နေတဲ့ စီမံကိန်းတွေ အများကြီးရှိတာတော့ သေချာသိတယ်။ စီမံကိန်း ဘယ်နှစ်ခုဆိုတောတော့ အတိအကျမသိဘူး။
မေး - အဲဒီအဖွဲ့ကို လုပ်ငန်းရှင်တွေ ကြားထဲမှာ ပြည်တွင်း ပြည်ပက ရလမ်းမပြနိုင်တဲ့ ငွေတွေကို ငွေကြေးခ၀ါချပေးတဲ့ အဖွဲ့လို့တာင် မြင်နေကြတာရှိတယ်။ ငွေကြေးခ၀ါချတာ ရှိ၊ မရှိ သိနိုင်မလား။
ဖြေ - ကျွန်တော့်ကို ရှယ်ယာလာထည့်ပါလို့လည်း တစ်ခါမှ မခေါ်ဖူးသလို အဲဒီအဖွဲ့နဲ့ကျွန်တော် လုံးဝ အဆက်သွယ်ပြတ်နေတာ ကြာပြီဖြစ်လို့ ငွေကြေးခ၀ါချတာနဲ့ ပတ်သက်ပြီး ကျွန်တော့်ဆီမှာ တိကျတဲ့ သက်သေအထောက်အထား မရှိတဲ့အတွက် ပြောဖို့ခက်ပါတယ်။ ဒါပေမဲ့ တရုတ်အဖွဲ့က ငွေကြေးခ၀ါချမှု ရှိချင်လည်းရှိနိုင်တယ်။ မရှိချင်လည်း မရှိနိုင်ဘူး။
မေး - လွယ်ဟိန်း ကုမ္ပဏီအနေနဲ့ အခွန်ထမ်း ၅၀၀ ဦးစာရင်းမှာ ပါမလာဘူး။ အဲဒီတော့ လွယ်ဟိန်းက နိုင်ငံတော်ကို အခွန်ဆောင်ထားမှု ရှိ၊ မရှိ သိလိုပါတယ်။
ဖြေ - ဆောင်ထားပါတယ်။ မနှစ်က တစ်နှစ်စာ ပေးသွင်းတဲ့နေရာမှာ အချိန်နောက်ကျသွားတဲ့အတွက် အခွန်ထမ်းစာရင်းမှာ မပါလာတာပါ။ ကျွန်တော် ၁၉၉၂-၉၃ ကစပြီး အခုအချိန်အထိ ကျပ်သိန်းပေါင်း ၆၀၀၀၀ နီးပါး ဆောင်ထားပြီးပါပြီ။ လာမယ့်နှစ်အတွက်လည်း အခွန်ငွေကျပ် သိန်း ၅၀၀ ကြိုတင် ပေးဆောင်ထားပါတယ်။ အခွန်ရှောင်တာ မဟုတ်ပါဘူး။
မေး - လွယ်ဟိန်း ကုမ္ပဏီအနေနဲ့ အများပြည်သူကို ဘာများ ပြောကြားလိုသေးလဲ သိပါရစေ။
ဖြေ - ကျွန်တော်ပြောလိုတာ ၂၀၁၄ ခုနှစ်မှာ လွယ်ဟိန်း ကုမ္ပဏီအနေနဲ့ အလုပ်အကိုင်သစ် ၁၅၀၀ အထိထပ်ပြီး ဖန်တီးပေးဖို့ ရှိတယ်။ စက်ရုံသစ်တွေ ဆောက်နေပါပြီ။ ကမ္ဘာကျော် အချိုရည် ကုမ္ပဏီတွေနဲ့ ရေရှည် ယှဉ်ပြိုင်နိုင်အောင် လုပ်နေတယ်။ လက်ဝါးကြီးအုပ် လုပ်ငန်းရှင်လည်း မဟုတ်ပါဘူး။ ကျွန်တော်ဟာ ရှမ်းစစ်စစ်ပါ။ တရုတ်သွေး တစ်စက်ပါတယ်လို့ပြနိုင်ရင် ရှာထားသမျှ စည်းစိမ်အားလုံး ပေးပါ့မယ်။
Eleven Media Group
