မြန်မာဘာသာစကား ထည့်သွင်းထားသော ဟန်းဆက်များ ထုတ်လုပ်နိုင်ရန်စီစဉ်ဟု Ooredoo ပြောကြား

ပို့စ်တင်ချိန် - 10/09/2013 06:14:00 PM

မြန်မာနိုင်ငံအတွက်အသုံးပြုနိုင်ရန် မြန်မာဘာသာစကားထည့်သွင်းထားသော ဟန်းဆက်များထုတ်လုပ်နိုင်ရန် ဆောင်ရွက်သွားမည်ဖြစ်ကြောင်း Ooredoo မှ Chief Operating Officer Mr. Chris Bannister က ပြောသည်။     ၄.၁၀.၂၀၁၃ ရက်နေ့တွင်ကျင်းပသော 2nd Into Myanmar Telecoms & IT Submmit 2013 တွင် ပြောကြားခဲ့ခြင်းဖြစ်သည်။ ကျေးလက်ဒေသများတွင် အသုံးပြုနိုင်ရန်ရည်ရွယ်၍ အဆိုပါ ဟန်းဆက်များကို ဈေးကွက်အတွင်း ဖြန့်ဖြူးရောင်းချနိုင်ရန် စီစဉ်ဆောင်ရွက်သွားမည်ဖြစ်သည်ဟု ဆိုသည်။ “ကျေးလက်ဒေသမှာရှိတဲ့ လူအချို့အတွက် မြန်မာဘာသာစကားထည့်သွင်းထားတဲ့ ဟန်းဆက်တွေ ဈေးကွက်တွင်း ဆောင်ရွက်ဖို့လိုတယ်” ဟု ၎င်းကပြောသည်။ Ooredoo Myanmar အနေဖြင့် မြန်မာနိုင်ငံတွင်ဆောင်ရွက်မည့် ဆက်သွယ်ရေးဝန်ဆောင်မှုအတွက် အစီအစဉ်များ ရေးဆွဲလျက်ရှိသည်ဟု ဆိုသည်။       လက်ရှိကာလတွင် အော်ပရေတာလိုင်စင်ရရှိရန် စောင့်ဆိုင်းလျကရှိကြောင်း သိရသည်။ မိုဘိုင်းကွန်ရက်ကို တစ်နိုင်ငံလုံးဖြန့်ကြက်နိုင်ရန် ဆောင်ရွက်သွားမည်ဟု သတင်းထုတ်ပြန်ခဲ့ဖူးပြီး 3G ကွန်ရက်ကို အသုံးပြုနိုင်ရန် ဆောင်ရွက်သွားမည်ဖြစ်ကြောင်း သိရသည်။ ကွန်ရက်ပိုင်းဆိုင်ရာဆောင်ရွက်ချက်များကို အခြားအော်ပရေတာများနှင့် ပူးပေါင်းဆောင်ရွက်သွားမည်ဖြစ်ကြောင်း အထက်ပါ အစည်းအဝေးတွင် ပြောကြားခဲ့သည်။ Ooredoo ကုမ္ပဏီမှာ ကမ္ဘာ့အရှေ့အလယ်ပိုင်းဒေသ၊ မြောက်အာဖရိကတိုက်နှင့် အရှေ့တောင်အာရှဒေသများတွင် မိုဘိုင်းဖုန်းများ ကြိုးမဲ့အင်တာနက်စနစ်နှင့် ကြိုးလိုင်းအင်တာနက်စနစ်များကို ဖြန့်ချိရောင်းချပေးလျက်ရှိသော ဆက်သွယ်ရေး ကုမ္ပဏီဖြစ်သည်။       ထွန်းထွန်း

myanmarinternetjournal