ဂျပန်-မြန်မာ ပူးပေါင်းပြီး ဆန်စက်၊ ပေါင်းဆန်စက်၊ ဆန်ထွက်ပစ္စည်း၊ ဖွဲနုဆီတို့ ထုတ်လုပ်မည့် Myanmar Japan Rice Industry Co., Ltd ဖွဲ့စည်းခွင့်ရရှိ

ပို့စ်တင်ချိန် - 10/01/2013 01:11:00 PM

ဂျပန်နိုင်ငံ အခြေစိုက် Mitsui Corporation နှင့် မြန်မာလယ်ယာ စီးပွားရေး အများပိုင် ကော်ပိုရေးရှင်း (MAPCO) တို့ ပူးပေါင်းကာ ဆန်နှင့်ဆန်ထွက် ပစ္စည်းများ ထုတ်လုပ်မည့် Myanmar Rice Industry Co., Ltd ကို စက်တင်ဘာ နောက်ဆုံးပတ်တွင် ဖွဲ့စည်းခွင့် ရရှိခဲ့ကြောင်း သတင်းရရှိသည်။

Myanmar Rice Industry Co., Ltd ကို ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ စက်တင်ဘာ ၂၇ ရက်၌ ယာယီဖွဲ့စည်း မှတ်ပုံတင်ခွင့် ပြုခဲ့ပြီး ကုမ္ပဏီ မိတ်ဆက်ပွဲကို စက်တင်ဘာ ၃၀ ရက်က UMFCCI တွင် ပြုလုပ်ခဲ့ကြောင်း သိရသည်။

Myanmar Rice Industry Co., Ltd သည် ဆန်စက်၊ ပေါင်းဆန်စက်၊ ဆန်ထွက် ပစ္စည်းများ ဖြစ်သော ဆန်ကွဲ၊ ဖွဲနု၊ ဖွဲနုဆီ၊ ခေါက်ဆွဲ၊ ဆန်မှုန့် စသည်တို့ ထုတ်လုပ်နိုင်သည့် စက်ရုံများကို နေရာလေးနေရာတွင် တည်ဆောက်ရန် စီစဉ်ထားပြီး ရင်းနှီးမြှုပ်နှံမှု ပမာဏ အမေရိကန်ဒေါ်လာ သန်း ၁၀၀ ခန့် ရှိမည်ဖြစ်ကြောင်း MAPCO တာဝန်ရှိသူများထံမှ သတင်းရရှိသည်။

အဆိုပါ စက်ရုံများ ပါဝင်သည့် စက်မှုဇုန်များကို တွံတေး၊ နေပြည်တော်၊ ကျိုက်လတ်နှင့် လက်ပံတန်းမြို့များတွင် တည်ဆောက် သွားမည်ဖြစ်ပြီး ၂၀၁၅ နှစ်မကုန်မီ အပြီးတည်ဆောက် သွားမည်ဖြစ်သည်။ တည်ဆောက်မည့် စက်မှုဇုန်များအတွင်း နိုင်ငံတကာ အဆင့်မီ ပေါင်းဆန်ထုတ်လုပ်မည့် စက်ရုံများ၊ ဆန်ဖြူကြိတ်ခွဲမည့် စက်ရုံများ၊ ဖွဲနုဆီစက်ရုံ၊ ဆန်ကြာဆံစက်ရုံ စသည့် တန်ဖိုးမြှင့် ကုန်စည်ထုတ်လုပ်မည့် စက်ရုံများ ပါဝင်မည် ဖြစ်ကြောင်း သိရသည်။

မြန်မာနိုင်ငံသည် ယခုနှစ် ဇွန်လမှ စတင်ပြီး ဂျပန်နိုင်ငံသို့ ဆန်ပြန်လည် တင်ပို့နိုင်ခဲ့သည်။ ထိုသို့ တင်ပို့နိုင်ခြင်းသည် နှစ်ပေါင်းလေးဆယ်ကျော်အတွင်း ပထမဦးဆုံးအကြိမ် ပြန်လည်တင်ပို့ နိုင်ခြင်းဖြစ်ပြီး တန်ချိန် ၅၀၀၀ ခန့် တင်ပို့နိုင်ခဲ့ခြင်း ဖြစ်သည်။

ယင်းကဲ့သို့ ဂျပန်နိုင်ငံသို့ ဆန်တင်ပို့မှုများကို MAPCO နှင့် Mitsui Co.,Ltd တို့ ပူးပေါင်းစီစဉ် တင်ပို့ခြင်းဖြစ်ပြီး ဂျပန်နိုင်ငံမှ ယခုလအတွင်း ခေါ်ယူမည့် တင်ဒါတွင်လည်း မြန်မာနိုင်ငံမှ ၀င်ရောက်ယှဉ်ပြိုင်မည် ဖြစ်ကြောင်း သိရသည်။

၂၀၁၃-၂၀၁၄ ဘဏ္ဍာရေးနှစ် ဧပြီ ၁ ရက်မှ စက်တင်ဘာ ၁၃ ရက်အထိ လယ်ယာထွက်ကုန် တန်ချိန် ၁ ဒသမ ၅၇ သန်းကျော် တင်ပို့ခဲ့ပြီး အမေရိကန်ဒေါ်လာ ၉၆၆ ဒသမ ၄၃၈ သန်း ရရှိခဲ့သည်။

မြန်မာနိုင်ငံသည် ယခုနှစ်မှ စတင်ကာ ဂျပန်နိုင်ငံသို့ ဆန်ပြန်လည် တင်ပို့နိုင်ခဲ့သော်လည်း အရည်အသွေးမြင့်ဆန်များ တင်ပို့နိုင်ရန် စိန်ခေါ်မှုများရှိနေပြီး လက်ရှိအချိန်အထိ မြန်မာ့ဆန်များကို တရုတ်၊ အာဖရိကနှင့် ရုရှားနိုင်ငံတို့ကိုသာ အဓိက တင်ပို့နေရဆဲ ဖြစ်သည်။

မြန်မာနိုင်ငံမှ ပေါင်းဆန်များကို ရုရှားဈေးကွက်သို့ အဓိကတင်ပို့လျက် ရှိသော်လည်း ၂၅ မှတ် ဆန်များကိုမူ တရုတ်နိုင်ငံနှင့် အာဖရိကဈေးကွက်သို့ အဓိကတင်ပို့ လျက်ရှိကြောင်း၊ ပြည်ပတင်ပို့မှု စုစုပေါင်း၏ ရာခိုင်နှုန်း ၈၀ မှာ တရုတ်နိုင်ငံသို့ တင်ပို့နေခြင်း ဖြစ်ကြောင်း သိရသည်။

ဂျပန်နိုင်ငံ ဆိပ်ကမ်းသို့ ရောက်ရှိနေသည့် မြန်မာ့ဆန်များကို တွေ့ရစဉ် (ဓာတ်ပုံ-MAPCO)
Eleven Media Group