Dysentery ဝမ်းကိုက်ရောဂါ

ပို့စ်တင်ချိန် - 10/26/2013 10:40:00 AM

အင်္ဂလိပ်လို Bloody diarrhoea သွေးဝမ်းသွားတယ်လို့ အရေးများတယ်။ ဆေးစာနဲ့ဆို Dysentery ခေါ်တယ်။ WHO ကနေသတ်မှတ်ထားတာက ဝမ်းအရည်သွားပြီး သွေးပါတာတဲ့။ အမေရိကန် CDC ကတော့ ဝမ်းသွားတာထဲမှာ မြင်သာတဲ့သွေး ပါနေတာကို သတ်မှတ်တယ်။

ကူးစက်ရောဂါဖြစ်တယ်။ စအိုကထွက်-ပါးစပ်က ဝင်လာတာဖြစ်တယ်။ ဗက်တီးရီးယားပိုးကနေဖြစ်ရင် Bacillary dysentery လို့ခေါ်ပြီး Entamoeba histolytica (အမီးဘား) ပိုးကနေဖြစ်ရင် Amoebic dysentery လို့ခေါ်တယ်။ တခြား E coli, Salmonella နဲ့ Campylobacter ပိုးတွေကနေလဲဖြစ်တယ်။ ဒါ့အပြင် သန်ကောင်တွေ၊ ဓါတုဆေး နဲ့ ဗိုင်းရပ်စ် တွေကနေလဲ ဖြစ်နိုင်သေးတယ်။ ဝမ်းကို ဓါတ်ခွဲခမ်းမှာ စစ်ရင် အတိအကျ သိရမယ်။

အများဆုံးဖြစ်စေတာ Shigella ဗက်တီးရီးယားကြောင့်ပါ။ Bacillary dysentery ခေါ်တယ်။ သူ့ဖါသူပျောက်နိုင်တယ်။ Amoeba Entamoeba histolytica ကြောင့်ဖြစ်တာကို Amoebic dysentery ခေါ်တယ်။ ဆိုးတယ် နောက်ဆက်တွဲ ရောဂါတွေ ဆက်ဖြစ်တတ်တယ်။ ဥပမာ အသဲရောင် (အသားမဝါ)၊ ဦးနှောက်ရောင်။

ဝမ်းခဏခဏသွားမယ်၊ သွားရင် ဗိုက်ရစ်ပြီး နာမယ်။ သွေးက မများဘူး။ ဝမ်းမှာ အကျိအချွဲပါမယ်။ တချို့မှာ ကိုယ်နဲနဲပူတတ်တယ်။ တချို့က ကိုယ်မပူဘူး။ တချို့မှာ နဲနဲသာခံရပြီး တချို့ကြ ဆိုးလှတယ်။ ရက်တိုသူ၊ ရှည်သူ ရှိတယ်။ အူမကြီးမှာ ရောင်တာ၊ နာတာ၊ ဝမ်းခဏခဏသွားမယ်။ ဝမ်းထဲသွေးပါမယ်၊ ကိုယ်ပူမယ်၊ ဗိုက်နာမယ်၊ အားယုတ်မယ်။

ဘယ်လိုကုမလဲ။ ရေများများသောက်ပါ၊ ဓါတ်ဆားရည်သောက်ပါ။ နားပါ။ တကိုယ်ရေ သန့်ရှင်းရေး ပိုလုပ်ပေးပါ။ ပါးစပ်ထဲဝင်တာ မှန်သမျှ ဂရုစိုက်ပါ။ ရေသန့်မယ်၊ အစားအစာသန့်မယ်ဆိုရင် မဖြစ်နိုင်တော့ပါ။ ပူအောင်လုပ်ထားတဲ့ အစာထဲ၊ ရေထဲမှာ ပိုးမပါနိုင်ပါ။

(၁) Bacterial dysentery ဗက်တီးရီးယား ဝမ်းကိုက်ရောဂါအတွက် -
• Ceftriaxone 250 mg ကနေ 2 grams အထိ၊ တနေ့ တကြိမ်ကနေ ၂ ကြိမ်ခွဲပေးတယ်။ ၇-၁၄ ရက်။ ကလေးတွေဆိုရင် 50-100 mg/kg တနေ့ တကြိမ်ကနေ ၂ ကြိမ်ခွဲပေးတယ်။ ၇-၁၄ ရက်။
• Ciprofloxacin 500 mg ကို ၁၂ နာရီတခါ၊ ၅-၇ ရက်။
• Trimethoprim-sulfamethoxazole (Bactrim, Septra, Septrin) တခါသောက် ၂ ပြား၊ တနေ့ ၂ ကြိမ်၊ ၅-၁ဝ-၁၄ ရက်။

(၂) Amebic dysentery (အမီးဘား) ဝမ်းကိုက်ရောဂါအတွက် -
• Amebic dysentery (အမီးဘား) ဝမ်းကိုက် = Metronidazole 750 mg တနေ့ ၃ ကြိမ်၊ ၅-၁ဝ ရက်။

Metronidazole (Flagyl) ဆေးအကြောင်းလေးပါ ထည့်ရေးပါရစေ။ အသုံးလဲများ ဆေးအဆလဲ ကွာခြားလို့ပါ။ ရောဂါအတော်များများမှာ သုံးတယ်။

• Amebic Giardia (ဂိုင်ယားဒီယား) ပိုးကြောင့် ဝမ်းပျက်ခြင်း = 250 mg တနေ့ ၃ ကြိမ်၊ ၅ ရက်။
• Amebic gingivitis (အမီးဘား) သွားဖုံးရောင်၊ Metronidazole 400 mg TDS x 5-7 days
• Amebic liver abscess (အမီးဘား) အသဲပြည်တည်ခြင်း = Metronidazole 250 မှ 750 mg တနေ့ ၃ ကြိမ်၊ ၅-၁ဝ ရက် သောက်ပါ။
• Amebic Urethritis (ဂိုင်ယာဒီးယား) ပိုးဝင်၍ ကျား-မ ဆီးပြွန်ရောင်ခြင်း၊ Metronidazole 500 mg BD x 7 days
• Anaerobic Bacterial Infections လေမကြိုက်တဲ့ ပိုးကြောင့် အူမကြီးရောင်ခြင်း၊ ထိုးဆေး 500 mg TDS (30 mg/kg/dose) IV တနေ့ ၃ ကြိမ်။ စားဆေး = 7.5 mg/kg တနေ့ ၄ ကြိမ်၊ ၇-၁ဝ ရက်။ တနေ့မှာ 4 grams ထက်မပိုရ။
• Bacterial Vaginosis မွေးလမ်းရောင်ခြင်း = Metronidazole 750 mg တနေ့ ၁ ကြိမ် ၇ ရက် သောက်ပါ။ Metronidazole Vaginal cream တနေ့ ၁=၂ ကြိမ် ၅ ရက် ညအချိန်မှာ မွေးလမ်းထဲ ထည့်ပါ။
• Clostridium difficile infection (ကလောဆထွိုင်ဒီးယား) ဝမ်းပျက်ရောဂါ = 250-500 mg တနေ့ ၄ ကြိမ်၊ ဒါမှမဟုတ် 500-750 တနေ့ ၃ ကြိမ်။
• H pylori infections အစာအိမ်အနာ Metronidazole 800-1500 mg နေ့စဉ် + ကို Clarithromycin and Omeprazole နဲ့တွဲပေးသည်။
• Pelvic inflammatory disease (PID) တင်ပါးဆုံတွင်း အင်္ဂါတွေရောင်ခြင်း = 500 mg တနေ့ ၂ ကြိမ်၊ ၁၄ ရက်၊ အခြားဆေးများနဲ့ တွဲပေးပါ။
• Rosacea အရေပြားနီရဲနေတဲ့ရောဂါ လိမ်းဆေး = Gel 0.75-1% တနေ့တကြိမ် လိမ်းပါ။ Metronidazole ကလွဲရင် Diloxanide furoate, Paromomycin (Humatin), or Iodoquinol (Yodoxin) ဆေးတွေကိုလဲ သုံးပါသေးတယ်။ Traveler's diarrhea ခရီးသွားဝမ်းလျှောခြင်း၊ Metronidazole 250 mg TDS x 5-7 days
• Trichomoniasis ပိုးကြောင့် STD/STI လိင်ကတဆင့် (ထရွိုင်ကိုမိုးနပ်စ်) နှင့် (ဂိုင်ယာဒီယား) ပိုးများကြောင့် မွေးလမ်းကြောင်း-သားအိမ်ရောင်ခြင်း၊ Metronidazole 2 grams တခါထဲသောက်ပါ။ ဒါမှမဟုတ် 1 gram ကို ၂ ခါခွဲ တရက်ထဲ သောက်ပါ။ ဒါမှမဟုတ် တခါသောက်။ ဒါမှမဟုတ် 250 mg တနေ့ ၃ ကြိမ်၊ ဒါမှမဟုတ် 375 mg တနေ့ ၂ ကြိမ်၊ စုစုပေါင်း ၇ ရက် သောက်ပါ။
• ဦးနှောက်ပြည်တည်ခြင်း၊ Metronidazole 7.5 mg/kg orally QID not to exceed 4 grams daily + Penicillin or (Cefixime, Cefdinir, Cefoperazone, Cefotaxime, Cefpodoxime, Ceftazidime, Ceftizoxime, Ceftriaxone)

ဘေးထွက်-ဆိုးကျိုးများ၊ အစာအိမ်ရောင်၊ ပျို့-အန်၊ အစာမကျေ၊ FDA ကနေ Pregnancy (B) လို့ သတ်မှတ်ထားတယ်။ ဆိုလိုတာက အကျိုးဟာ ဘေးထွက်-ဆိုးကျိုးတက် ပိုရင် သောက်နိုင်တယ်။

Dr. Tint Swe