ရန်ကုန်မြို့လယ်ဧရိယာကို ကမ္ဘာ့ယဉ်ကျေးမှုအမွေအနှစ် စောင့်ကြည့်စာရင်းတွင် ထည့်သွင်း

ပို့စ်တင်ချိန် - 10/10/2013 11:44:00 AM

ရန်ကုန်မြို့တွင် သမိုင်းဝင်အဆောက်အအုံ ၁၈၉ လုံးရှိသည့်အနက် ၈၉ လုံးမှာရန်ကုန်မြို့လယ်တွင် တည်ရှိခြင်းကြောင့် ယင်းမြို့လယ်ဧရိယာအား ယဉ်ကျေးမှုအမွေအနှစ် နေရာတစ်ခုအဖြစ် ၂၀၁၄ ခုနှစ် World Monument Watch က စောင့်ကြည့်မည့် စာရင်း ထည့်သွင်းရန် ရွေးချယ်လိုက်ကြောင်း World Monument Fund ၏ အောက်တိုဘာ ၉ ရက် ထုတ်ပြန်ချက်အရ သိရသည်။ အဆိုပါ စောင့်ကြည့်စာရင်းဝင် နေရာများကို နိုင်ငံတကာနှင့် ပြည်တွင်းရှိ အစိုးရတာဝန်ရှိသူများ အပါအ၀င် ထိန်းသိမ်းစောင့်ရှောက်ရေး လုပ်ကိုင်သူများအဖွဲ့ က အဆိုပြုခြင်းဖြစ်သည်။

ရန်ကုန်မြို့လယ်သည် သမိုင်းအထောက် အထားနှင့် ဗိသုကာတန်ဖိုးများ မြင့်မားစွာ စုဝေးနေသည့် အချက်အချာနေရာတစ်ခုဖြစ်ပြီး ရန်ကုန်မြို့၏ သမိုင်းဝင် အဆောက်အအုံများစာရင်းဝင် အဆောက်အအုံ ၈၉ လုံးမှာ ယင်းနေရာတွင် တည်ရှိနေသည့်အပြင် ကမ္ဘာပေါ်တွင် အလွယ်တကူ ရှာဖွေတွေ့ရှိနိုင်မည် မဟုတ်သည့် ဘာသာပေါင်းစုံ၊ လူမျိုးပေါင်းစုံတို့၏ အတူတကွ ယှဉ်တွဲနေထိုင်သည့်ပုံစံကိုလည်း တွေ့ရမည်ဖြစ်သည်။ ထို့ပြင် ရန်ကုန် မြို့လယ်သည် အရှေ့တောင်အာရှတွင် ဘာသာရေးဆိုင်ရာ အမွေအနှစ်များသာမက ၁၉ ရာစုနှောင်းပိုင်းနှင့် ၂၀ ရာစုအစောပိုင်း ကိုလိုနီခေတ် ဗိသုကာလက်ရာများကိုပါ အများဆုံးစုဝေး တွေ့ရှိနိုင်မည့် နေရာလည်းဖြစ်ကြောင်း သိရသည်။

အဆိုပါ ထုတ်ပြန်ချက်ကို ကမ္ဘာအနှံ့ အပြားရှိ ဗိသုကာလက်ရာများနှင့် ယဉ်ကျေးမှု အမွေအနှစ်များအား ထိန်းသိမ်းစောင့်ရှောက်သည့် ထိပ်တန်း အဖွဲ့အစည်းတစ်ခုဖြစ်သော အမေရိကန်နိုင်ငံအခြေစိုက် World Monument Fund တည်ရှိရာ နယူးယောက်မြို့တွင် ပြုလုပ်သော သတင်းစာရှင်းလင်းပွဲ၌ ထုတ်ပြန်ကြေညာခဲ့ခြင်းဖြစ်ကြောင်း သိရသည်။

အဆိုပါ စောင့်ကြည့်စာရင်းသည် အနာဂတ် မျိုးဆက်များအတွက်သာမက ဆန်းသစ်သည့် စိတ်ကူးစိတ်သန်းများနှင့် စီးပွားရေး အရင်းအမြစ်အသစ်များအဖြစ် ထိန်းသိမ်းနိုင်ရန် လိုအပ်နေသော ကမ္ဘာအနှံ့မှ ယဉ်ကျေးမှုအမွေအနှစ်များအား တစ်စုတစ်ဝေးတည်း စုစည်းထားခြင်းဖြစ်ကြောင်း World Monument Fund ၏ ဥက္ကဋ္ဌဖြစ်သူ Bonnie Burnhanm ၏ ပြောကြားချက်အရ သိရသည်။

ရန်ကုန်မြို့၏ မြို့ပြအမွေအနှစ်များအား ထိန်းသိမ်းရန်နှင့် ပြန်လည်ရှင်သန်လာစေရန် လက်ရှိ ဗိသုကာလက်ရာ အခင်းအကျင်းကို မဖြစ်မနေ ပေါင်းစပ်ထည့်သွင်းပြီး ၂၁ ရာစု ရန်ကုန်မြို့အဖြစ် ဖြစ်ပေါ်လာစေရန် ကြိုးပမ်း ဆောင်ရွက်နေကြောင်း Yangon Heritage Trust (YHT) ဥက္ကဋ္ဌ ဒေါက်တာသန့်မြင့်ဦး၏ ပြောကြားချက်အရ သိရသည်။

''ရန်ကုန်မြို့ရဲ့ သမိုင်းအလှည့်အပြောင်းကို ရောက်နေပါပြီ။ ဒီလို စောင့်ကြည့်စာရင်းထဲ ထည့်သွင်းခံရတာကြောင့် နိုင်ငံတကာရဲ့ အာရုံစိုက်မှုကို ပိုမိုဆွဲဆောင်စေနိုင်မှာဖြစ်သလို မြို့အမွေအနှစ်တွေကို ထိန်းသိမ်းစောင့်ရှောက်ဖို့ အရေးကြီးပုံကို ပြသနိုင်မယ့် ကြီးမားတဲ့ အပြောင်းအလဲတစ်ခု ဖြစ်လာနိုင်ပါတယ်'' ဟု ဒေါက်တာသန့်မြင့်ဦးက ပြော ကြားသည်။

World Monument Fund သည် ၁၉၉၆ ခုနှစ်မှ စတင်ကာ ကမ္ဘာ့အမွေအနှစ်များ စောင့်ကြည့်စာရင်းကို နှစ်နှစ်လျင်တစ်ကြိမ် ထုတ်ပြန်လျက်ရှိကြောင်း သိရသည်။ World Monument Fund မှ ထုတ်ပြန်သည့်
စောင့်ကြည့်စာရင်းကြောင့် လက်နက်ကိုင် ပဋိပက္ခများ၊ စီးပွားရေးတိုးတက်လာမှု၊ သဘာဝဘေးဒဏ်နှင့် ရာသီဥတု အပြောင်းအလဲ စသည်တို့၏ ခြိမ်းခြောက်မှုများ ခံစားနေရသော၊ ဥပက္ခာပြုခံထားရသည့် ကမ္ဘာအနှံ့ရှိ ယဉ်ကျေးမှုအမွေအနှစ်နေရာများအား နိုင်ငံတကာ၏ အာရုံစိုက်မှုကို ပိုမိုရရှိစေခဲ့ကြောင်း ထုတ်ပြန်ချက်အရ သိရသည်။

ရန်ကုန်ဘူတာကြီးနှင့် အနီးတစ်ဝိုက်မြင်ကွင်း (ဓာတ်ပုံ- အောင်မျိုးသန့်)
Eleven Media Group