အာဆီယံ အလှည့်ကျ ဥက္ကဋ္ဌတာဝန်ကို အောက်တိုဘာ ၁၀ ရက်တွင် ဘရူနိုင်းနိုင်ငံထံမှ လွှဲပြောင်းရယူမည်

ပို့စ်တင်ချိန် - 10/10/2013 12:00:00 PM

၂၀၁၄ ခုနှစ်အတွက် အာဆီယံ အလှည့်ကျ ဥက္ကဋ္ဌ တာဝန်ကို အောက်တိုဘာ ၁၀ ရက်တွင် မြန်မာနိုင်ငံက ဘရူနိုင်း နိုင်ငံထံမှ လွှဲပြောင်းရယူမည်ဖြစ်ကြောင်း သိရသည်။

(၂၃) ကြိမ်မြောက် အာဆီယံထိပ်သီး ဆွေးနွေးပွဲနှင့် ဆက်စပ်အစည်းအဝေးများကို ဘရူနိုင်း နိုင်ငံတွင် အောက်တိုဘာ ၉ ရက် (ယနေ့) ၌ စတင်ပြုလုပ်နေပြီး အောက်တိုဘာ ၁၀ ရက် ဒုတိယနေ့ အစီအစဉ်တွင် ထိပ်သီးဆွေးနွေးပွဲ ပိတ်ပွဲနှင့်အတူ အလှည့်ကျဥက္ကဋ္ဌ တာဝန်ကို လွှဲပြောင်းပေးအပ်ခြင်း အခမ်းအနားကို ပူးတွဲပြုလုပ်မည် ဖြစ်ပါသည်။

မြန်မာနိုင်ငံ အနေဖြင့် ၂၀၁၄ ခုနှစ်အတွက် အာဆီယံအလှည့်ကျ ဥက္ကဋ္ဌတာဝန်ကို လာမည့်ဇန်န၀ါရီလတွင် စတင်ထမ်းဆောင်ရမည် ဖြစ်သော်လည်း အာဆီယံထိပ်သီး ဆွေးနွေးပွဲများ၏ အစဉ်အလာအရ အလှည့်ကျဥက္ကဋ္ဌ တာဝန်ကို ကြိုတင်လက်ခံ ရယူခြင်း ဖြစ်ပါသည်။

၁၉၉၇ ခုနှစ်က အာဆီယံအဖွဲ့ဝင် နိုင်ငံအဖြစ် စတင်ပါဝင်ခဲ့သော မြန်မာနိုင်ငံသည် အာဆီယံအလှည့်ကျ ဥက္ကဋ္ဌတာဝန် ရယူရန်အတွက် အချိန် ၁၇ နှစ် ကြာမြင့်ခဲ့ပါသည်။ ထိုသို့ ကြာမြင့်မှုသည် အာဆီယံ သမိုင်းတစ်လျှောက် အလှည့်ကျဥက္ကဋ္ဌ တာဝန်ယူရန် အရှည်ကြာဆုံး စောင့်ခဲ့ရသည့် နိုင်ငံအဖြစ် မှတ်တမ်းဝင်ခဲ့ ပါသည်။

အာဆီယံ၏ ဖွဲ့စည်းပုံအရ အဖွဲ့ဝင် နိုင်ငံတစ်ခုချင်းစီ၏ ရှေ့အက္ခရာ အစီအစဉ်အတိုင်း အာဆီယံအလှည့်ကျ ဥက္ကဋ္ဌတာဝန်ကို ရယူရခြင်းဖြစ်ကာ ၂၀၀၆ ခုနှစ်တွင် မြန်မာနိုင်ငံက အာဆီယံအလှည့်ကျ ဥက္ကဋ္ဌတာဝန် ရယူရန် အခွင့်အလမ်း ပေါ်ခဲ့ပါသည်။

သို့သော် ထိုအချိန်က မြန်မာနိုင်ငံ၏ အခြေအနေအရ မြန်မာနိုင်ငံကို အာဆီယံအလှည့်ကျ ဥက္ကဋ္ဌတာဝန် ပေးသည်နှင့် အာဆီယံ ထိပ်သီးဆွေးနွေးပွဲများ အပါအ၀င် အာဆီယံနှင့် ဆက်နွှယ်သော ကိစ္စရပ်များ အားလုံးကို အမေရိကန်နှင့် ဥရောပနိုင်ငံများ သပိတ်မှောက်မည် ဆိုခြင်းကြောင့် ၂၀၀၅ ခုနှစ် ဇူလိုင်လတွင် အာဆီယံ အလှည့်ကျ ဥက္ကဋ္ဌတာဝန်ကို စွန့်လွှတ်ရန် မြန်မာနိုင်ငံက ဆုံးဖြတ်ခဲ့ပါသည်။ သို့သော် ၂၀၁၁ ခုနှစ် နိုဝင်ဘာလတွင် ၂၀၁၄ ခုနှစ်အတွက် အာဆီယံ အလှည့်ကျ ဥက္ကဋ္ဌတာဝန် မြန်မာနိုင်ငံအား ပေးအပ်ရန် အာဆီယံ ခေါင်းဆောင်များက သဘောတူခဲ့ ကြပါသည်။

"၂၀၁၄ ခုနှစ်မှာ မြန်မာနိုင်ငံဟာ ပထမဆုံး အကြိမ်အဖြစ် အာဆီယံဥက္ကဌ ရာထူးကို လွှဲပြောင်းရယူမှာ ဖြစ်ပါတယ်။ ဒါဟာ မြန်မာနိုင်ငံအတွက် အခွင့်အရေးသစ် တစ်ခုအဖြစ် ပေါ်ထွက်လာခဲ့တာပါ။ မြန်မာနိုင်ငံရဲ့ ဘက်စုံပြုပြင် ပြောင်းလဲမှုတွေ၊ ဒီမိုကရေစီ တန်ဖိုးတွေနဲ့ ကျင့်သုံးပုံ နည်းလမ်းတွေကို ဖော်ပြလိုက်တာပါပဲ။ မြန်မာနိုင်ငံဟာ လူပေါင်း သန်း ၆၀ နေထိုင်တဲ့ နိုင်ငံတစ်ခု ဖြစ်တဲ့အတွက် အာဆီယံဥက္ကဋ္ဌ ရာထူးတာဝန်တွေကို ဆောင်ရွက်ရင်း နိုင်ငံရေး စိတ်ဆန္ဒတွေနဲ့ လူ့စွမ်းအား အရင်းအမြစ်တွေ ကုန်ခန်းသွားတာမျိုး မဖြစ်နိုင်ပါဘူး။ မိတ်ဆွေနိုင်ငံတွေရဲ့ အကူအညီကြောင့် မြန်မာနိုင်ငံဟာ အာဆီယံ ဥက္ကဋ္ဌရာထူး တာဝန်ကို အောင်အောင်မြင်မြင် လုပ်ဆောင်နိုင်မယ်လို့ ယုံကြည်ပါတယ်" ဟု ဘရူနိုင်းနိုင်ငံဆိုင်ရာ မြန်မာသံအမတ် ဒေါ်ယဉ်ယဉ်မြင့်က အောက်တိုဘာ ၇ ရက်ထုတ် The Brunei Times သတင်းစာတွင် မြန်မာနိုင်ငံက အာဆီယံ အလှည့်ကျ ဥက္ကဋ္ဌတာဝန် ယူမည့်အပေါ် ပြောကြားသည်။

(၂၃) ကြိမ်မြောက် အာဆီယံထိပ်သီး ဆွေးနွေးပွဲနှင့်အတူ ဆက်စပ်အစည်းအဝေး ကိုးခုပြုလုပ်မည်ဖြစ်ကြောင်း အောက်တိုဘာ ၈ ရက်က ထုတ်ပြန်ခဲ့သော အစည်းအဝေး အစီအစဉ်များအရ သိရသည်။
နှစ်ရက်ကြာ ပြုလုပ်မည့် အဆိုပါ ထိပ်သီးဆွေးနွေးပွဲနှင့် ဆက်စပ်ဆွေးနွေးပွဲများအနက် အောက်တိုဘာ ၉ ရက်တွင် (၂၃)ကြိမ်မြောက် အာဆီယံထိပ်သီး ဆွေးနွေးပွဲ၊ (၁၆) ကြိမ်မြောက် အာဆီယံ-ဂျပန် ထိပ်သီးဆွေးနွေးပွဲ၊ (၁၆) ကြိမ်မြောက် အာဆီယံ-တောင်ကိုရီးယား ထိပ်သီးဆွေးနွေးပွဲ၊ (၁၆)ကြိမ်မြောက် အာဆီယံ-တရုတ် ထိပ်သီးဆွေးနွေးပွဲနှင့် ပထမအကြိမ် အာဆီယံ-အမေရိကန် ထိပ်သီးဆွေးနွေးပွဲများ ပြုလုပ်မည်ဖြစ်သည်။

အောက်တိုဘာ ၁၀ ရက်တွင် (၁၆) ကြိမ်မြောက် အာဆီယံ+၃ (ဂျပန်၊ တရုတ်၊ တောင်ကိုရီးယား) ထိပ်သီးဆွေးနွေးပွဲ၊ (၈)ကြိမ်မြောက် အရှေ့အာရှ ထိပ်သီးဆွေးနွေးပွဲ၊ (၁၁) ကြိမ်မြောက် အာဆီယံ-အိန္ဒိယ ထိပ်သီးဆွေးနွေးပွဲ၊ (၅) ကြိမ်မြောက် အာဆီယံ-ကုလသမဂ္ဂ ထိပ်သီးဆွေးနွေးပွဲ အစရှိသည်တို့ ပါဝင်ကြမည် ဖြစ်သည်။ ထိုအစည်းအဝေး အားလုံးကို ဘရူနိုင်းနိုင်ငံ၊ ဘန်ဒါဆရီဘီဂါဝန်မြို့ရှိ International Convention Center ၌ ပြုလုပ်သွားမည် ဖြစ်ပါသည်။

(၂၃) ကြိမ်မြောက် အာဆီယံ ထိပ်သီးဆွေးနွေးပွဲသို့ တက်ရောက်ရန် ဘရူနိုင်းနိုင်ငံသို့ ရောက်ရှိလာသော နိုင်ငံတော်သမ္မတ ဦးသိန်းစိန်အား တွေ့ရစဉ်

Eleven Media Group