မြောက်ဥက္ကလာပမြို့နယ်၊ မေဓါဝီလမ်းပေါ်တွင် အမျိုးသားတစ်ဦး ဦးခေါင်းပြတ်ရှ ဒဏ်ရာများဖြင့် သေဆုံး

ပို့စ်တင်ချိန် - 10/26/2013 10:28:00 AM

ရန်ကုန်၊ အောက်တိုဘာ ၂၄

၂၄.၁၀.၂၀၁၃ရက်နေ့ ၀၄၀၀အချိန် မြောက်ဥက္ကလာပမြို့နယ်၊ (ဈ)ရပ်ကွက်၊ မေဓါဝီလမ်းပေါ်တွင် ဦးခေါင်း သွေးထွက်ဒဏ်ရာများဖြင့် အမျိုးသားတစ်ဦး သေဆုံးနေ၍ ယာဉ်ထိန်းတပ်ဖွဲ့စု - ၂ မှ တပ်ဖွဲ့ဝင်များသည် မြောက်ဥက္ကလာပဆေးရုံသို့ ပိုအပ်ခဲ့ပြီး ၁၀၀၀အချိန် မှုခင်းဆရာဝန်မှ ရင်ခွဲစစ်ဆေးခဲ့ရာ သေဆုံးသူ အောင်နိုင်ဦး (ဘ)ဦးကျော်ဦး၊ (က)ရပ်ကွက်၊ မြောက်ဥက္ကလာပမြို့နယ်နေသူတွင် ဦးခေါင်းဝဲဘက်ပြတ်ရှဒဏ်ရာ (၁)ချက်၊ ငယ်ထိပ်ပြတ်ရှဒဏ်ရာ (၁)ချက်၊ ငယ်ထိပ်ဘေးပြတ်ရှဒဏ်ရာ (၁)ချက်တို့ရရှိကာ ဦးနှောက်အမှေးပေါက်ပြီး ဦးနှောက်အတွင်း သွေးဝင်သေဆုံးခြင်းဖြစ်ကြောင်း သိရှိရသဖြင့် မြောက်ဥက္ကလာပမြို့မရဲစခန်း(ပ)၈၅၈/၂၀၁၃၊ ပုဒ်မ ၃၀၂ ဖြင့် အမှုဖွင့်ပြီး တရားခံဖမ်းဆီးရမိရေး စုံစမ်းဆောင်ရွက်လျက်ရှိကြောင်း သတင်းရရှိပါသည်။

Yangon Police