ဖြူးမြို့နယ်တွင် ဇနီးမောင်နှံ နှစ်ဦး အသတ်ခံရမှု ဖြစ်ပွား
ပို့စ်တင်ချိန်
- 10/14/2013 12:14:00 PM
Monday, 14 October 2013
ဖြူးမြို့နယ် ခင်တန်းကြီး ကျေးရွာအုပ်စု ကျွဲမကူး ကျေးရွာရှိ ကျွန်းစိုက်ခင်းအတွင်း အောက်တိုဘာ ၁၂ရက် ညနေ ၆နာရီခန့်က ဇနီး မောင်နှံနှစ်ဦး အသတ်ခံရမှု ဖြစ်ပွား ခဲ့ပြီး အမျိုးသားမှာ ဦးခေါင်းဖြတ် အသတ်ခံရပြီး ဦးခေါင်း ရှာ မတွေ့ သေးကြောင်း သိရသည်။
ဖြစ်စဉ်မှာ ကျွဲမကူးကျေးရွာ အနောက်ဘက် ၁ ဖာလုံခန့်အကွာရှိ ဖြူးမြို့နေသူ ဒေါ်စန်းစန်းသွယ်၏ စိုက်ခင်းတွင် အစောင့်လုပ် ကိုင်နေသည့် ဦးဇော်မင်း ၅၆နှစ် (ဘ) ဦးဇသန်း ဗဟာဒူးနှင့် ဒေါ်တင်ရွှေ ၅၅နှစ် (ဘ)အမည် စုံစမ်းဆဲ ကျွဲမ ကူး ကျေးရွာနေသူ ဇနီးမောင်နှံ နှစ်ဦးသည် ညနေ ၅ နာရီခွဲ ကျော်သည်အထိ နေအိမ်သို့ ပြန်ရောက်ခြင်း မရှိသဖြင့် တစ်ရွာတည်းနေ ကိုဇော်နိုင်ဦးက အဖော်နှစ်ယောက် ခေါ်ဆောင်ပြီး ဦးဇော်မင်းတို့ ဇနီးမောင်နှံ အလုပ်လုပ် ကိုင်သည့် စိုက်ကွင်း အတွင်း သွားရောက်ကြည့်ရှုခဲ့သည်။
ကိုဇော်နိုင်ဦးနှင့် အဖွဲ့ ရောက်ရှိချိန်တွင် စိုက်ကွင်းရှိ တဲတွင်း မြေကြီးပေါ်တွင် ဦးဇော်မင်းမှာ လည်ပင်းပြတ်ရှလျက် (ဦးခေါင်းရှာ မတွေ့သေး) ယာရင်အုံ ထိုးသွင်းဒဏ်ရာ တစ်ချက်ဖြင့် သေဆုံးနေပြီး ၎င်း၏အနီးတွင် ဇနီးဖြစ် သူ ဒေါ်တင်ရွှေမှာ ဝမ်းဗိုက် နံဘေး ထိုးသွင်းဒဏ်ရာ တစ်ချက်ရရှိကာ အူများထွက်ပြီး သေဆုံး နေကြောင်း တွေ့ ရှိခဲ့သဖြင့် ဖြူးရဲစခန်းသို့ အမှုဖွင့် တိုင်ကြားခဲ့သည်။ ဖြစ်စဉ်နှင့် ပတ်သက်၍ ဖြူး မြို့မ ရဲစခန်းမှ (ပ) ၄၃၃/ ၂ဝ၁၃ ပြစ်မှု ဆိုင်ရာ ဥပဒေ ပုဒ်မ ၃ဝ၂၊ အမှုကြီး အမှတ် စဉ် ၇/၂ဝ၁၃ ဖြင့် အမှုဖွင့် အရေးယူထား ပြီး တရားခံ ဖမ်းဆီးရမိရေး ဆောင်ရွက်လျက်ရှိကြောင်း သတင်း ရရှိသည်။
မြ၀တီ
