သီလ၀ါစက်မှုဇုန် ပူးပေါင်း တည်ထောင်နိုင်ရေးအတွက် မြန်မာအစိုးရနှင့် ဂျပန်နိုင်ငံ၏ အကြီးဆုံး ကုန်သွယ်ရေး ကော်ပိုရေးရှင်းသုံးခု သဘောတူညီချက် လက်မှတ်ရေးထိုး

ပို့စ်တင်ချိန် - 10/30/2013 02:25:00 PM

ဂျပန်နိုင်ငံ၏ အကြီးဆုံး ကုန်သွယ်ရေး ကော်ပိုရေးရှင်းကြီးများထဲမှ သုံးခုသည် မြန်မာနိုင်ငံ၊ သီလ၀ါ၌ စက်မှုဇုန်တစ်ခုကို နှစ်နှစ်အတွင်း ထူထောင်နိုင်ရန်အတွက် မြန်မာအစိုးရနှင့် ပူးပေါင်း လုပ်ဆောင်သွားရန်အတွက် သဘောတူညီလိုက်သည်ဟု Bloomberg သတင်းဌာန၏ ဖော်ပြချက်အရ သိရသည်။
သီလ၀ါစီမံကိန်းကို မစ်ဆူဘီရှီ ကော်ပိုရေးရှင်း(Mitsubishi Corp)၊ ဆူမီတိုမို ကော်ပိုရေးရှင်း (Sumitomo Corp)၊ မာရူဘီနီ ကော်ပိုရေးရှင်း (Marubeni Corp) သုံးခုက ၄၉ ရာခိုင်နှုန်း ပိုင်ဆိုင်မည်ဖြစ်ပြီး မြန်မာအစိုးရနှင့် ဒေသခံကုမ္ပဏီများက ကျန် ၅၁ ရာခိုင်နှုန်းကို ပူးတွဲ ပိုင်ဆိုင်မည်ဖြစ်သည်။ ယခုစီမံကိန်းအတွက် စွမ်းအင်၊ ရေနှင့် သယ်ယူပို့ဆောင်ရေး အခြေခံ အဆောက်အအုံများ တည်ဆောက်ရန် ယန်း ၁၇ ဘီလျံ(ဒေါ်လာ ၁၇၄ မီလျံ) အသုံးပြုမည် ဖြစ်သည်။
ယခုစီမံကိန်းသည် ကားနှင့် ဆောက်လုပ်ရေး လုပ်ငန်းသုံး ပစ္စည်းများကို ပြည်တွင်းအတွက် ထောက်ပံ့နိုင်မည့်အပြင် ဂျပန်နိုင်ငံ၊ တရုတ်နိုင်ငံနှင့် အာရှရှိ အခြားနိုင်ငံများသို့ တင်ပို့နိုင်ရေးအတွက်ပါ အလားအလာကောင်းသော စီမံကိန်းတစ်ခု ဖြစ်ကြောင်း မာရူဘီနီ ကော်ပိုရေးရှင်း၊ သယ်ယူပို့ဆောင်ရေး အခြေခံ အဆောက်အအုံ စီမံကိန်း ဒုတိယအကြီးအကဲ Toru Kabeya က တိုကျိုမြိုတွင် ပြုလုပ်သော သတင်းစာရှင်းလင်းပွဲတွင် ပြောကြားသည်။
သီလ၀ါစီမံကိန်းသည် စဦးတည်ဆောက်ခါစတွင် မြေ ဟက်တာ ၄၀၀ (၉၈၈ဧက) ကျယ်ဝန်းမည်ဖြစ်ပြီး ဆက်လက်၍လည်း မြေ ဟက်တာ ၂၀၀၀ ကို အသုံးပြု၍ ရနိုင်ခင်း ရှိ၊ မရှိကို လေ့လာလျှက် ရှိသည်ဟု ဂျပန် စက်မှုဝန်ကြီးဌာန စီးပွားရေးဗျူရို ညွှန်ကြားရေးမှူး Tomayo Sato က သတင်းစာ ရှင်းလင်းပွဲတွင် ပြောကြားသည်။
Sato က ဆက်လက်ပြောဆိုရာတွင် ဂျပန်သည် ရန်ကုန်မြို့၏ တောင်ဘက် ၁၄ မိုင် အကွာတွင်ရှိသော သီလ၀ါဖွံ့ဖြိုးရေးအတွက် အမျိုးသားရေး စီမံချက်ဖြင့် ပြုလုပ်မည် ဖြစ်ကြောင်း ပြောဆိုခဲ့ပြီး ၎င်းနေရာတွင် လမ်းများ၊ စွမ်းအင်နှင့် ရေဆိုး စွန့်ပစ်အခြေခံ အဆောက်အအုံများရှိရင် လိုအပ်သည်ဟု ပြောကြားသည်။
ဆယ်စုနှစ်ငါးခုကြာအုပ်ချုပ်ခဲ့သည့် စစ်တပ်အုပ်ချုပ်မှု လတ်တလောတွင် အဆုံးသတ်ခဲ့သည့် မြန်မာနိုင်ငံတွင် နိုင်ငံတကာသို့ စီးပွားရေး အခွင့်အလမ်းများ ဖွင့်ပေးလိုက်ခြင်းသည် ဂျပန်နိုင်ငံအတွက်လည်း စရိတ်နည်း ကုန်ထုတ်လုပ်မှု နေရာတစ်ခု တည်ထောင်နိုင်ရန် အခွင့်အရေးရရှိခဲ့သည်။ မြန်မာနိုင်ငံသည် စစ်အစိုးရလက်ထက်တွင် နိုင်ငံတကာသို့ ၁၁ ဘီလျံ ပမာဏရှိသည့် ကြွေးမြီများ ပေးအပ်ရန် ရှိနေပြီး ၎င်းတို့ထဲမှ အများစုမှာ ဂျပန်နိုင်ငံသို့ ပေးဆောင်ရမည် ဖြစ်သည်။

Eleven Media Group