ဒိုင်နမိုလိုရေပေါ်လမ်းလျှောက်ပြဦးမယ့်မြန်မာ့မျက်လှည့်ပညာရှင်မစ္စတာ တောပ့်နှင့်တွေ့ ဆုံခြင်း

ပို့စ်တင်ချိန် - 10/12/2013 11:17:00 AM

မေး- ဒိုင်နမိုရဲ့ ပြကွက်ကို ဒီလို ပြဖြစ်ဖို့ ဖြစ်ပေါ်လာပုံလေး ရှင်းပြပေး ပါလား။
ဖြေ- PEP သူဌေးက ကိုယ့်ပွဲ တွေကို Sponsor ပေးနေကျလေ။ တစ်နေ့ စကားဝိုင်းဖွဲ့ပြောရင်း သူက ဟာ ဒိုင်နမိုကွာ၊ ကားကြီးပေါ်မှာ ကပ်ပါသွား တာ အရမ်းမိုက်တယ်၊ လန်ဒန်က ဘတ်(စ)ကားပေါ်မှာ ပြသွားတာလေလို့ ဆိုတော့ ဟာ အန်ကယ် ကျွန်တော်လည်း လုပ်လို့ရတယ်။ ပိုက်ဆံတော့ တော်တော် ကုန်မယ် ပြောတော့ ကုန်ပါစေလုပ်မယ် ဆိုပြီး ကတိပေးသွားတယ်။ အစကတော့ သိပ်မယုံဘူး။ ကွန်တိန်ကားကြီးတွေ ဘာ တွေဝယ်ပြီးဆိုတော့မှ သူ အကုန်အကျခံပြီး ဒီလို လုပ်ဖြစ်သွားတာ။

မေး- ကုန်ကျစရိတ်များတယ်ဆို တော့ ဘယ်လောက်ကုန်ကျသလဲ၊ ခန့် မှန်းချေပေါ့
ဖြေ- ဒီ Instrument လုပ်တာကို တော်တော်ကုန်တယ်။ ဒီလေပေါ်မှာ ကပ်ပါဖို့ ပစ္စည်းက နိုင်ငံခြားမှာ လှမ်းမှာရင် ဒေါ်လာ ၁ သောင်းလောက် ရှိမယ်။ ဦးတော့ပ်တို့ ဒီက လက်မှုပညာရှင်နဲ့ လုပ် တာ သိန်း ၂၀ ကုန်တယ်။ အထွေထွေ ဆိုရင် ၂၇ သိန်းပေါ့။ ကားဝယ်တာ မပါ သေး စုစုပေါင်ဆိုရင်တော့ ဒီပြကွက် အတွက် သိန်း တစ်ရာကျော်မှာပေါ့။

မေး- ဒီပြကွက်အတွက် ဘယ် လောက်အချိန်ယူ လေ့ကျင့်ခဲ့ရလဲ။
ဖြေ- လေ့ကျင့်တာကတော့ တစ် ပတ်လောက်ပါ။ Finalကတော့ တစ်ရက် ပေါ့။ Rehearsalကတော့ တစ်နာရီ လောက်ပဲ ရှောရှောရှူရှူ အဆင်ပြေသွား တယ်။ တကယ်လုပ်တော့ တစ်နာရီခွဲကြာ သွားတာ၊ လူတော့ တော်တော် အောင့်ခံ ထားရတယ်။ ပရိသတ်က အားပေးနေ တော့ နာတာတွေ မေ့ပျောက်သွားတယ်။ ဒါပေမဲ့ နာတာကတော့ နာတာပါပဲ။ (ရယ်လျက်)

မေး- ဒိုင်နမိုရဲ့ပြကွက်တွေက ကျွန်တော်တို့ သာမန်လူတွေအနေနဲ့ အရမ်း အံ့ဩဖို့ ကောင်းတယ်။ ဆရာတို့ မျက် လှည့်ပညာရှင် တစ်ယောက်က ဘယ်လို မြင်လဲ။
ဖြေ- မျက်လှည့်ပဲလေ၊ မကြာခင် ဒိုင်နမိုပြကွက်တွေ PEPက စပွန်ဆာလုပ် ပြီး အကုန်ပြမယ်။ မကြာခင် OK သွား မှာပါ။ ရေပေါ်လမ်းလျှောက်တာတွေ၊ တိုက်ပေါ်တက်သွားတာတွေ ပါမယ်။ နည်း စနစ်တွေ အကုန်ရထားပြီးပြီ။ ဒါပေမဲ့ ငွေ ကုန်ကြေးကျ သိပ်များတယ်။ ငွေကုန်ပါစေ လုပ်မယ်လို့ PEP သူဌေးက ကတိပေး ထားတယ်။ ပြခွင့်ရတော့မယ်။ အခု ပြတာ ကိုလည်း မကြာခင် တီဗွီဖန်သားပြင်မှာ မြင်ရတော့မယ်။ ဒိုင်နမိုBus ကားကြီးပေါ် ပါသွားတာ အရမ်းမိုက်တယ်ဆိုတဲ့ သူတွေ ဦးတော့ပ်က မြန်မာပြည်မှာ ပထမဆုံး လုပ်ခွင့်ရတာ မြင်ရမှာပေါ့။ ကမ္ဘာမှာတော့ (၄)ယောက်မြောက်ပေါ့။ နောက် ဒီကားနဲ့ သွားတာဆိုရင် ဒုတိယစံချိန်ပြန်တင်ရင် ကမ္ဘာမှာ အချိန်အကြာဆုံးက ဦးတော့ပ်ပဲ အရမ်းပင်ပန်းတယ်၊ ဒိုင်နမိုလည်း မလုပ် လောက်ဘူး၊ ပင်ပန်းလို့။

မေး- မျက်လှည့်က သာမန်လူ တွေကြားထဲမှာ မှော်တို့၊ အောက်လမ်းလို့ ပြောကြတယ်။ အဲဒီအပေါ်ကို ဘယ်လိုရှင်း ပြချင်လဲ။
ဖြေ- မျက်လှည့်မှာ အောက်လမ်း မရှိဘူး။ All magic is not real, All magic is trick. မျက်လှည့်အားလုံးသည် လှည့်စားမှုတွေကြီးပဲ၊ လူမသိအောင် လှည့် စားတာပဲ။ အခု ဒီကားကြီးပေါ် ပါတာကို ဘာလဲ၊ ဈာန်ရတာလား၊ ဘာဈာန်မှ မရဘူး။ ဦးတော့ပ် လျှို့ ၀ှက်ချက်ရှိလို့ လုပ်လို့ရတာ။ လူပဲ ဘယ်လိုလုပ် လေပေါ်ရပ် လို့ ရမလဲ။ အထောက်အကူပစ္စည်း တစ်ခု ခုရှိလို့ ရတာပေါ့။ အဲဒါ ဘာလဲဆိုတာ တော့ ပြောလို့ မရဘူး။ ပြောရင် သိသွား မှာပေါ့။ (ရယ်လျက်)

မေး- မျက်လှည့်ပြတဲ့ သူက လျှို့ ဝှက်ချက်ကို ဖုံးကွယ်ပြီးပြတယ်၊ ကြည့်တဲ့ သူကလည်း လှည့်ဖျားမှန်းသိတယ်။ အဲဒီ ခံစားချကို ပြောပြပါဦး။
ဖြေ- အဲဒီမှာ သူတို့က မှော်လို့ ထင်တော့တာပဲ။ ဘာမှော်မှမဟုတ်ဘူး၊ မှော်ဆိုတာ ရေကန်ထဲမှာပဲ ရှိတာ။ အောက်လမ်းကိုရော သိလား၊ အဲဒါ ကမ်း နားလမ်းကို ပြောတာ။ (ရယ်လျက်)

မေး- ဦးတော့ပ် ဘယ်သူတွေဆီ မှာ ပညာသင်ယူခဲ့တာလဲ။
ဖြေ- ပြည်တွင်းက ဦးမိုးအောင်တဲ့ ဆုံးသွားပြီ။ ဒုတိယယိုးဒယား၊ တတိယ ဂျပန်က၊ စတုတ္ထပြင်သစ်ဆရာ သူ့ဆီက နည်းပညာအားလုံး ရလိုက်တယ်။ ဒါတွေ ကို ပြခွင့်ရဖို့ ကြိုးစားနေတာ (၂) နှစ်ရှိပြီ။ PEP နဲ့တွေ့မှ ပြခွင့်ရတာ။ သူလည်း မျက် လှည့်ဝါသနာပါတယ်။

မေး- ဒါဆို ဆရာပြချင်တာတွေ ဆန္ဒပြည့်ပြီလို့ ပြောလို့ရလား၊ ဘာတွေ ထပ်လုပ်ဦးမလဲ။
ဖြေ- ဟုတ်တယ်၊ ရပြီ၊ PEP က ကူညီပေးရင်ပေါ့လေ (ရယ်လျက်)၊ မကြာ ခင် ရွေ့လျားမျက်လှည့်ှ့Show ပွဲတိုင်း ပြည်ထဲက မြို့အနှံ့ အခမဲ့ ပြမယ်။ လာ မယ့်လမှာဖြစ်မယ်။ အဲဒါပြီးရင် ၂၀၁၄ နှစ် ကုန်ခါနီး မိုင်ဒါကွင်းမှာ အကြီးကျယ်ဆုံး Magic Show ပွဲကြီးလုပ်မယ်။ လပ်(စ) ဗီးဂတ်(စ်)မှာ နောက်ဆုံးပြတဲ့နည်းတွေ ချည်းပဲ။ အဲဒီပွဲမှာ ပြမယ်။ ဒီမှာ မပြဘူး သေးတဲ့ ပြကွက်တွေချည်းပဲ။

မေး- ဆရာ့အနေနဲ့ ကမ္ဘာပေါ်မှာ အကြိုက်ဆုံး မျက်လှည့်ပညာရှင်က ဘယ်သူဖြစ်မလဲ။
ဖြေ- ဦးတော့ပ်က မျက်လှည့်ဆရာ ဆို အကုန်ကြိုက်တယ်။ အကြိုက်ဆုံးကို ရွေးရမယ်ဆို ဒေးဗစ်ကော်ပါးဖီးပဲ။ ဒိုင်နမို ကတော့ နောက်ဆုံး လူကြိုက်များတော့ ကြိုက်တယ်။

မေး- ဒေးဗစ်ကော့ပါးဖီးကို ဘာ ကြောင့်ပိုကြိုက်လဲ။
ဖြေ- ဒေးဗစ်ကော့ပါးဖီးက ချစ် စရာကောင်းလို့ ဆွဲဆောင်မှုလည်း ရှိ တယ်။ ဒိုင်နမိုက မှော်ဆန်ပြီး သပ်ရပ် တယ်၊ ပြတာကောင်းတယ်။

မေး- မျက်လှည့်ဆရာ အများစု က အတည်အခန့်ပြနေချိန်မှာ ဦးတော့ပ် က ဟာသဆန်ဆန် ရယ်စရာလုပ်ပြတဲ့ အကြောင်းလေး ပြောပြပေးပါ။
ဖြေ- ဦးတော့ပ်က ဦးမောစ့်ရဲ့ တပည့်လေ ပထမ မျက်လှည့်ပြနေရင်းက ဟာသသရုပ်ဆောင်လုပ်ပြီး ဗီဒီယိုလိုင်းထဲ ဝင်သေးတယ်။ ကားပေါင်း သုံးဆယ်ကျော် ရိုက်ဖြစ်ခဲ့တယ်။ အဲဒီကနေ မျက်လှည့်ကို ဟာသနဲ့တွဲပြီး လုပ်ရင်ကောင်းမှာပဲလို့ အိုင် ဒီယာရလာပြီး လုပ်ဖြစ်တာ။

မေး- ဒီလိုအခက်အခဲတွေကြားထဲ က ဦးတော့ပ်ပြချင်တဲ့ မျက်လှည့်ကို ပြ ခွင့်ရပြီး ပရိသတ်ကိုရော ဘာပြောချင် သေးလဲ။
ဖြေ- ဦးတော့ပ် ပြောချင်တာက ဦးတော့ပ် ဂုဏ်ယူသလို ဂုဏ်ယူနေမယ်လို့ မျှော်လင့်တယ်။ ဒါနဲ့ တစ်ဆက်တည်း ၂၀၁၄ မိုင်ဒါကွင်းမှာ လုပ်မယ့် ပွဲကိုလည်း အားပေးပါဦး။ အဲဒီမှာ လုပ်မယ့်ဟာက ၂၀၁၃ မှာ ပြခဲ့တဲ့ နည်းတစ်ခုမှ မပါဘူး။ လုံးဝ နောက်ဆုံးပေါ်တွေ ပြမယ်။ အားပေး တဲ့ ပရိသတ်တွေအတွက် ကြိုးစားသွား မယ်လို့လည်း ကတိပေးပါတယ်။

ကိုခက်
News Watch(စောင့်ကြည့်သတင်းဂျာနယ်)