ဗုံးစီးရီးတွေက သံသယများလျော့ကျသွားသလား
ပို့စ်တင်ချိန်
- 10/24/2013 11:28:00 AM
.jpg)
နိုင်ငံအနှံ့ဖြစ်ပွားခဲ့သည့် ပဋိပက္ခများက အစိုးရနှင့်ပြည်သူအကြား တည်ဆောက်ဆဲ ယုံကြည်မှုတို့ ကျိုးပြတ်ကာ မယုံကြည်မှုသံသယများကို တိုးပွားစေခဲ့သည်။ ယခုရက်ပိုင်းအတွင်း ဖြစ်ပွားခဲ့သော ဗုံးပေါက်ကွဲမှုများကို ကေအင်န်ယူနှင့်ပတ်သက်ကြောင်း အစိုးရကထုတ်ဖော်ပြောကြားပြီးနောက် တစ်ချိန်ကဗျူဟာများ ပြန်သုံးနေပြီလားဟု အစိုးရအပေါ် သံသယပိုမြင့်မားစေခဲ့သည်။ သို့သော် စွပ်စွဲခံရသည့် ကေအင်န်ယူတာဝန်ရှိသူများက မြန်မာအစိုးရနှင့် လာရောက်စကားပြောခြင်းဖြင့် ထိုသံသယများ လျော့ပါးသွားစေခဲ့သည်။ ထို့ကြောင့် ဗုံးပေါက်ကွဲမှုများမှ ထိုအမြတ်ရလိုက်သည်ဟု နိုင်ငံရေးသုံးသပ်သူတို့က ဆိုကြသည်။
တိတ်ဆိတ်နေသည့် ရန်ကုန်မြို့လယ် ညချမ်းသည် ကုန်သည်ကြီးများဟိုတယ်၏ အခန်းအမှတ် ၉၂၁ မှစတင်၍ လှုပ်လှုပ်ရွရွဖြစ်သွားခဲ့ရသည်။
အခန်းအမှတ် ၉၂၁ ဗုံးပေါက်ကွဲမှုမှ ဆူးလေဘုရားလမ်းပေါ် တစ်စဆီကြွေလင့်လာသည့် မှန်စများ၊ နည်းတူဆက်တိုက်ဖြစ်ပေါ်နေခဲ့သည့် ဗုံးပေါက်ကွဲမှုများကြောင့် မြန်မာနိုင်ငံ၏ ထွန်းသစ်စ အကူးအပြောင်းကာလသည်လည်း မှန်စများလို တစ်စဆီကြွေကျမလားဆိုသည့် မေးခွန်းများ တသီတတန်းကြီး ထွက်ပေါ်လာသည်။
ပေါက်ကွဲမှုများကလည်း တိုင်းပြည်၏နိုင်ငံရေးရေချိန်မြင့်နေချိန်နှင့် တိုက်ဆိုင်နေခဲ့သည်။ နိုင်ငံရေးပါတီများက ဖွဲ့စည်းပုံအခြေခံဥပဒေပြင်ဆင်ရန် ကြိုးစားနေချိန်၊ ရခိုင်ပြည်နယ်တွင် ပဋိပက္ခများဖြစ်ပွားနေချိန်၊ ငြိမ်းချမ်းရေးဆွေးနွေးပွဲများကျင်းပရန် ညှိနှိုင်းနေသည့်အချိန်များနှင့် ချိန်သားကိုက်ဖြစ်ပွားခဲ့သည့် ပေါက်ကွဲမှုများက လူများ၏သံသယစိတ်ကို ပိုမိုသက်ဝင်စေခဲ့သည်။
“ကျွန်တော်တို့ကတော့ ဇာတ်ညွှန်းတစ်ခုရေးပြီး ကပြန်ပြီ။ ဖွဲ့စည်းပုံပြင်ဖို့ကိစ္စကို အာရုံလွှဲပြန်ပြီလို့ တွက်လိုက်မိတယ်”ဟု တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီမှ အတွင်းရေးမှူးဦးစောဝင်းထွန်းကပြောသည်။
ဗုံးပေါက်ကွဲမှုများနှင့်ပတ်သက်ပြီး ယခင်က အစိုးရစွပ်စွဲလေ့ရှိသည့် မြေအောက်အဖွဲ့အစည်းများ၊ တိုင်းရင်းသားလက်နက်ကိုင်အဖွဲ့ အတော်များများသည်လည်း အစိုးရနှင့် ဆက်ဆံရေးကောင်း ရရှိထားခဲ့ပြီဖြစ်သောကြောင့် ဖောက်ခွဲမှုများနှင့်ပတ်သက်၍ ယခုတစ်ခေါက်တွင် အစိုးရက မည်သူ့ကို လက်ညှိုးထိုးမည်နည်းဆိုသည်မှာလည်း လူအများစိတ်ဝင်စားသည့်မေးခွန်း ဖြစ်ခဲ့ရသည်။
သို့သော်လည်း ယခုတစ်ခေါက်တွင် ယခင်အတိတ်နှင့်မတူခြင်းမှာ ပေါက်ကွဲမှုပြီးနောက် လက်သည်ကို ဖော်ထုတ်သည့်အပိုင်းတွင် လူအများအံ့အားသင့်စရာပင်ဖြစ်ခဲ့ရသည်။ ယခင်က ပေါက်ကွဲမှုဖြစ်တိုင်း တစ်ဖက်နှင့်တစ်ဖက် အပြစ်ဖို့ကြသည့် ဆန့်ကျင်ဘက်အဖွဲ့အစည်းနှစ်ခုသည် ယခုတစ်ခေါက်တွင်မူ အပြန်အလှန်နားလည်မှု တည်ဆောက်နိုင်ခဲ့ကြသည်။
ဆန့်ကျင်ဘက်အဖွဲ့အစည်းအဖြစ် နှစ်ပေါင်းခြောက်ဆယ်ကျော် ရပ်တည်ခဲ့သည့် အဖွဲ့အစည်းနှစ်ခုအကြား ပူးပေါင်းဖြေရှင်းကာ ကျော်လွှားနိုင်ခဲ့သည့် ယခုပြဿနာသည် တိုင်းပြည်၏ အမျိုးသားပြန်လည်သင့်မြတ်ရေးအတွက် စံနမူနာကောင်းတစ်ခု ဖြစ်လာလေမလားဆိုသည်မှာ စိတ်ဝင်စားစရာကောင်းနေတော့သည်။
“အစိုးရ၊ ဒါမှမဟုတ် MPC က ရှင်းရင်တောင် ကျွန်တော်တို့ ဒီလောက်ယုံမှာမဟုတ်ပါဘူး။ ဒါက ကျွန်တော်တို့ တိုင်းပြည်အတွက် နိုင်ငံရေးအရ အလားအလာကောင်းတဲ့ကိစ္စလုိ့ မြင်တယ်”ဟု အစိုးရနှင့် KIA အကြား ငြိမ်းချမ်းရေးဆွေးနွေးမှု အောင်မြင်စွာပြုလုပ်ကြရန် အမြဲတစေတိုက်တွန်းနေသည့် တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီ အတွင်းရေးမှူး ဦးစောဝင်းထွန်းကပြောသည်။
အတိတ်ကာလများက ယခုကဲ့သို့ ဆက်တိုက်ဗုံးကွဲမှုများမှာ မကြာခဏဆိုသလိုဖြစ်ခဲ့သည်။ အထင်ရှားဆုံးအဖြစ် ၂၀၀၅ ခုနှစ် ကုန်တိုက်များ ဗုံးခွဲတိုက်ခိုက်ခံရမှု၊ ၂၀၁၀ သင်္ကြန်တွင်း X2O မဏ္ဍပ် ဗုံးဖောက်မှုနှင့် ၂၀၁၁ မန္တလေး၊ ပြင်ဦးလွင် ဗုံးပေါက်မှုများပင်ဖြစ်သည်။ ယင်းပေါက်ကွဲမှုများ ဖြစ်ပွားတိုင်း အစိုးရနှင့် အတိုက်အခံတို့အကြား အပြန်အလှန်ပြစ်တင်မြဲဖြစ်သည်။
“အခြေအနေတွေပြောင်းသွားပြီလို့မြင်တယ်။ အစိုးရက နိုင်ငံရေးလိုအပ်ချက်အရ ပြည်တွင်းငြိမ်းချမ်းရေး တည်ဆောက်ချင်တယ်။ နှစ်ဖက်အကြားမှာ ငြိမ်းချမ်းရေးရဖို့လည်း တော်တော်လေးနီးစပ်လာပြီ။ တစ်နိုင်ငံလုံး ငြိမ်းချမ်းရေးလည်းဖြစ်လာနိုင်တဲ့ အနေအထားရှိနေတယ်။ ဒီလိုအမှားမခံတဲ့ကာလမျိုးမှာဖြစ်တဲ့ ဖောက်ခွဲမှုကို နှစ်ဖက်အကြား နားလည်မှုနဲ့ ဖြေရှင်းတာကို ကျွန်တော်တို့က ကြိုဆိုတယ်”ဟု ရှမ်းတိုင်းရင်းသားများဒီမိုကရေစီအဖွဲ့ချုပ်မှ ပြောရေးဆိုခွင့်ရှိသူ ဦးစိုင်းညွန့်လွင်ကပြောသည်။
ပေါက်ကွဲမှုတစ်ခုဖြစ်တိုင်း နိုင်ငံရေးသမားများအိမ်ရှေ့တွင် စောင့်ကြည့်တတ်သည့် ထောက်လှမ်းရေးများ ယခုတစ်ခေါက်တွင် ရောက်မလာခဲ့ခြင်းကလည်း ကောင်းမွန်သည့်တိုးတက်မှုဟု သူကရှုမြင်သည်။
ယခင်ကပေါက်ကွဲမှုများဖြစ်တိုင်း တစ်ဖွဲ့နှင့်တစ်ဖွဲ့ အပြန်အလှန်အပြစ်ဖို့လေ့ရှိသည့် အစိုးရနှင့် KNU တို့သည် ယခုတစ်ခေါက်တွင် တစ်ဖက်နှင့်တစ်ဖက် ကာကွယ်ပြောဆိုမှုများပင် ရှိခဲ့သည်။
“KNU အဖွဲ့အစည်းအနေနဲ့ ဒီကိစ္စမှာ လုံးဝပတ်သက်ခြင်းမရှိဘူးလို့ ယုံကြည်ပါတယ်”ဟု အောက်တိုဘာ ၁၈ ရက်က ရန်ကုန်မြို့၌ပြုလုပ်ခဲ့သည့် သတင်းစာရှင်းလင်းပွဲတွင် နိုင်ငံတော်သမ္မတ၏ ပြောရေးဆိုခွင့်ရှိသူ ဦးရဲထွဋ်က ထည့်သွင်းပြောကြားခဲ့သည်။
ဗုံးပေါက်ကွဲမှုဖြစ်စဉ်နှင့်ပတ်သက်ပြီး အစိုးရကပြုလုပ်ခဲ့သည့် သတင်းစာရှင်းလင်းပွဲများတွင် အစိုးရအရာရှိတစ်ဦးက ယင်းကဲ့သို့ပြောကြားသည်မှာ အထူးအဆန်းတစ်ခုလိုပင် ဖြစ်သည်။
ယခင်တုန်းက ဗုံးပေါက်ကွဲမှုတစ်ခုဖြစ်ပါက သတင်းစာရှင်းလင်းပွဲများတွင် တိုင်းရင်းသားလက်နက်ကိုင်များ၊ အတိုက်အခံနိုင်ငံရေးအဖွဲ့အစည်းများကို ပြင်းပြင်းထန်ထန် ပြစ်တင်လေ့ရှိခဲ့သည်။
“အရင်ကတော့ ပြေလည်မှုတွေမရှိသေးတော့ တစ်ခုခုဖြစ်ရင် တိုင်းရင်းသားလက်နက်ကိုင်နဲ့ တခြားအဖွဲ့အစည်းတွေကို ပုံချတာတွေရှိတာပေါ့။ စွပ်စွဲတာတွေရှိတာပေါ့။ အခုကတော့ ငြိမ်းချမ်းရေးဆွေးနွေးနေတဲ့ကာလ ဖြစ်တယ်။ KNU အနေနဲ့ ဒီကိစ္စမှာ ပူးပေါင်းဆောင်ရွက်တာကို လှိုက်လှဲဝမ်းသာပါတယ်”ဟု ပြည်သူ့လွှတ်တော်ကိုယ်စားလှယ် ဒေါ်ဒွဲဘူကပြောသည်။
ဒေါ်ဒွဲဘူပြောသလိုပင် ယခင်ကဖြစ်ပွားခဲ့သည့် ပြဿနာများတွင် လက်သည်တရားခံအား ရှာဖွေခြင်းအပြင် နိုင်ငံရေးအရ အသုံးချမှုများ၊ အမှန်တကယ်မကျူးလွန်သူများကိုပါ အမှုအတွင်း ထည့်သွင်းလေ့ရှိကြောင်း အစိုးရအား မကြာခဏဝေဖန်ခဲ့ကြသည်။
အထင်ရှားဆုံး အဖြစ်အပျက်များအနက် တစ်ခုအဖြစ် ၁၉၈၉ သန်လျင်ရေနံချက်စက်ရုံနှင့် ရန်ကုန်မြို့တော်ခန်းမ ဗုံးပေါက်ကွဲမှုဖြင့်သာ ဒီမိုကရေစီအဖွဲ့ချုပ်မှ ကိုညီညီကို ဖမ်းဆီးခဲ့ပြီး သေဒဏ်ချမှတ်ခဲ့ခြင်းပင်ဖြစ်သည်။ ၂၃ နှစ်ကြာ ထိန်းသိမ်းခံခဲ့ရပြီး အစိုးရသစ်တက်လာချိန်တွင် ပြန်လည်လွတ်မြောက်လာသည့် ကိုညီညီက ယင်းဖြစ်စဉ်ကို ကျူးလွန်ခြင်းမရှိဘဲ ကျူးလွန်ကြောင်းလည်း ၀န်ခံခဲ့သည့် KNU မှ ဗိုလ်မှူးကို ဖမ်းမိခဲ့သော်လည်း သူ့အား ဆက်လက်ထိန်းသိမ်းခဲ့ကြောင်း ပြန်လည်လွတ်မြောက်လာသည့်အချိန်က ဧရာဝတီသတင်းဌာနနှင့် တွေ့ဆုံစဉ် ပြောကြားခဲ့သည်။
လူသိများသည့် ၂၀၀၅ ခုနှစ် ဈေးဝယ်စင်တာများ ဗုံးခွဲတိုက်ခိုက်ခံရမှုများသည် KNU အပါအ၀င် တိုင်းရင်းသားလက်နက်ကိုင်အချို့နှင့် အတိုက်အခံ နိုင်ငံရေးသမားများလက်ချက်ဟု အစိုးရက တစ်ဖက်သတ် သတင်းစာရှင်းလင်းပွဲ ပြုလုပ်ခဲ့သည်။ အဆိုပါဖြစ်ရပ်အပြီး ရှစ်နှစ်အကြာ ယခုတစ်ကြိမ် ပေါက်ကွဲမှုများတွင် အခြေအနေများပြောင်းသွားခဲ့သည်။ သံသယရှိခံရသူများနှင့် ပတ်သက်သည့် အဖွဲ့အစည်းပါ ရှင်းပြခွင့်ရခဲ့သည်။
“ကျွန်တော်တို့ KNU ကလည်း ဒီလိုသတင်းစာရှင်းလင်းပွဲ လုပ်ချင်တာကြာလှပြီ။ အခွင့်အရေးမပေါ်လို့။ ကျွန်တော်တို့ ဒီလိုမြို့ပေါ်တက်ပြီး စကားပြောရတယ်ဆိုတာ နည်းတဲ့အခွင့်အရေးမှ မဟုတ်တာ။ ဒါ...ငြိမ်းချမ်းရေးရဲ့ အသီးအပွင့်တွေပဲလေ”ဟု ဖောက်ခွဲမှုများသည် ၎င်းတို့လက်ချက်မဟုတ်ကြောင်း KNU က အောက်တိုဘာ ၂၀ ရက်တွင် ရန်ကုန်မြို့၌ ပြုလုပ်သည့် သတင်းစာရှင်းလင်းပွဲ၌ KNU ၏ အလုပ်အမှုဆောင်အဖွဲ့ဝင် ဖဒိုမန်းငြိမ်းမောင်ကဖြေကြားခဲ့သည်။
ယခုကဲ့သို့ ဗုံးပေါက်ကွဲမှုများ ဆက်တိုက်ဖြစ်ပေါ်ပါက ခရီးသွားလုပ်ငန်း၊ ဟိုတယ်လုပ်ငန်းအပါအ၀င် တိုင်းပြည်စီးပွားရေးလုပ်ငန်းများ အကြီးအကျယ်ထိခိုက်မည်ကို စိုးရိမ်ကြောင်း ဟိုတယ်နှင့်ခရီးသွားလာရေးဝန်ကြီးဌာန ဒုတိယ၀န်ကြီး ဒေါက်တာစိုင်းကျော်အုန်းကဆိုသည်။ သို့သော်လည်း အဆိုးထဲကအကောင်းအဖြစ် ပြဿနာကိုဖြေရှင်းရာတွင် အစိုးရနှင့် KNU အကြား ပူးပေါင်းဆောင်ရွက်နိုင်ခဲ့ခြင်းဖြစ်ကြောင်း ၎င်းကပြောသည်။
သူစိုးရိမ်သလိုပင် ဗုံးပေါက်ကွဲမှုများက နိုင်ငံ၏ခရီးသွားများ အဓိကသွားလာရာနေရာအချို့ကို ဦးတည်နေသည်။
နှစ်ပေါင်းလေးဆယ်ကျော်အကြာတွင် ဒေသတွင်း အကောင်းဆုံး အားကစားသမားများ ပြန်လည်စုဝေးမည့် အရှေ့တောင်အာရှအားကစားပြိုင်ပွဲကျင်းပမည့် မြို့ကြီးများတွင် ဖြစ်ပွားသည့် အဆိုပါပေါက်ကွဲမှုများကြောင့် ပြိုင်ပွဲအတွက်စိုးရိမ်ကြောင်း နိုင်ငံအချို့ကဆိုလာသည်။
ဆီးဂိမ်းပြိုင်ပွဲကျင်းပမည့် အဓိကနေရာဖြစ်သည့် မြို့တော်သစ် နေပြည်တော်မှ မိုင် ၇၀ ခန့်သာကွာသည့် တောင်ငူတွင် အောက်တိုဘာ ၁၁ ရက်က စတင်သည့် ပေါက်ကွဲမှုပြီးနောက်ပိုင်းတွင် ဆက်တိုက်ဆိုသလို ပြိုင်ပွဲကျင်းပမည့် အခြားမြို့များဆီသို့လည်း ကူးစက်သွားသည်။
တောင်ငူပေါက်ကွဲမှုအပြီး နောက်နှစ်ရက်အကြာတွင် နိုင်ငံ၏ အဓိကလေကြောင်းဝင်ထွက်ပေါက်ဖြစ်သည့် ရန်ကုန်လေဆိပ်နှင့် ငါးမိနစ်ခန့် ခရီးအကွာအဝေးတွင်ရှိသည့် စော်ဘွားကြီးကုန်းကားမှတ်တိုင်တွင်လည်း ဗုံးပေါက်ခဲ့ပြန်သည်။
နောက်တစ်ရက်အကြာ အောက်တိုဘာ ၁၄ ရက်တွင်လည်း ဆီးဂိမ်းကျင်းပမည့် မြန်မာနိုင်ငံအလယ်ပိုင်းရှိ မန္တလေးမြို့တွင်လည်း ဗုံးတစ်လုံးပေါက်ကွဲခဲ့ပြန်သည်။ ယင်းနေ့တွင်ပင် ရန်ကုန်ရှိ
အကောင်းဆုံးဟိုတယ်နှင့် စားသောက်ဆိုင်စာရင်းဝင် ကုန်သည်ကြီးများဟိုတယ်၊ WesternPark Ruby 2 စသည့်နေရာများကို ဦးတည်၍ တိုက်ခိုက်မှုများဖြစ်ပွားခဲ့သည်။
အဆိုပါဖြစ်ရပ်များသည် နိုင်ငံခြားရင်းနှီးမြှုပ်နှံမှုများ တိုင်းပြည်တွင်းမလာရောက်စေရန် ရည်ရွယ်သည်ဟု အစိုးရဘက်ကဆိုသည်။ KNU ဘက်ကတော့ ရည်ရွယ်ချက်က ယခုထက်ပိုသည်ဟုဆိုသည်။ အစိုးရနှင့် KNU ကြား ငြိမ်းချမ်းရေးပျက်ပြားရန်နှင့် လူမျိုးရေး၊ ဘာသာရေးပဋိပက္ခများ ပြန်လည်ဖြစ်ပွားအောင် ရည်ရွယ်ကြောင်း ဖဒိုမန်းငြိမ်းမောင်ကဆိုသည်။
အဆိုပါဖြစ်ရပ်များ၏ နောက်ကွယ်မှ လက်သည်တရားခံမှာ မည်သူမည်ဝါဖြစ်ကြောင်း ယခုအချိန်အထိ မဖော်ထုတ်နိုင်သေး။
သို့သော်လည်း ယခုတစ်ခေါက် ဗုံးကွဲပြီးနောက်တွင် အစိုးရက အတိုက်အခံများအိမ်ရှေ့ လူလွှတ်၍လည်း စောင့်မနေတော့။ သတင်းထုတ်ပြန်သည့်အပိုင်းတွင်လည်း ထိန်းထိန်းသိမ်းသိမ်း
လုပ်ဆောင်ရန် သတင်းဌာနများကိုပါ ပြန်လည်တောင်းဆိုလာခဲ့သည်။ ထို့အပြင် တိုင်းရင်းသားလက်နက်ကိုင်များနှင့် ပထမဆုံးအကြိမ် ပူးပေါင်းဆောင်ရွက်မှုလည်း လုပ်နိုင်ခဲ့သည်။
“ဒီအချိန်မှာ ငြိမ်းချမ်းရေးမတည်ဆောက်နိုင်ရင် တိုင်းပြည်ကမလွယ်တော့ဘူး။ အပစ်အခတ်ရပ်စဲရေးအတွက် အလားအလာတွေရှိတယ်။ ဒီလိုအချိန်မှာတောင် ဒါမျိုးတွေဖြစ်တယ်။ ဒါတောင် နိုင်ငံရေးဆွေးနွေးပွဲတွေ မလာသေးဘူး။ နောင်ဖြစ်လာမယ့် ပြဿနာတွေအတွက်လည်း ဒီလိုပူးပေါင်းဆောင်ရွက်မှုဟာ စံနမူနာကောင်းလို့ထင်တယ်”ဟု ရှမ်းတိုင်းရင်းသားများဒီမိုကရေစီအဖွဲ့ချုပ်မှ ပြောရေးဆိုခွင့်ရှိသူ ဦးစိုင်းညွန့်လွင်ကပြောသည်။ ။
ရေးသားသူ- ခိုင်ထွန်း၊ မင်းဟိန်းကျော်
7Day News Journal
