ရှင်သန်နေဆဲ လာဘ်လာဘယဉ်ကျေးမှု
ပို့စ်တင်ချိန်
- 10/24/2013 08:46:00 AM
ရေးသားသူ- မိုးညို
ကိုလိုနီလက်ကျန်အဆောက်အအုံထဲမှ အထင်ကရအဆောက်အအုံတစ်လုံးအဖြစ် ရန်ကုန်မြို့လယ်က ထင်ရှားသည့် မြို့တော်ခန်းမအဆောက်အအုံနံဘေးရှိ ၁၀ ထပ် အဆောက်အအုံအနီး၌ အရောင်အသွေးစုံ စာရွက်စာတမ်းဖိုင်ကြီးများ ကိုင်ဆောင်ထားသူများဖြင့် အမြဲလိုလိုရှုပ်ယှက်ခတ်နေတတ်သည်။
ထိုနေရာမှာ ပြည်တွင်းဆောက်လုပ်ရေးလုပ်ငန်းရှင်များ မလာမဖြစ်လာရောက်ရသည့် ရန်ကုန်မြို့တော်စည်ပင်သာယာရေးကော်မတီ အင်ဂျင်နီယာဌာန (အဆောက်အအုံ)ပင်ဖြစ်သည်။
မြေဈေးနှင့်တိုက်ခန်း၊ ကွန်ဒိုဈေးနှုန်းများ ကြီးမြင့်လာနေသည့် စီးပွားရေးမြို့တော်ရန်ကုန်တွင် အဆောက်အအုံများတည်ဆောက်လိုသူ၊ ရင်းနှီးမြှုပ်နှံလိုသူများက နေ့စဉ်နှင့်အမျှ သူ့ထက်ငါ အလုအယက်ကြိုးစားနေကြသည်။
အထပ်မြင့်တိုက်ခန်းများ၊ ကွန်ဒိုများ၊ လူနေအဆောက်အအုံရုံးခန်းများ တည်ဆောက်ရန်အတွက် အမြန်ဆုံးတည်ဆောက်ခွင့်ကျရန် တစ်ဆင့်ခံပွဲစား (သို့မဟုတ်) ရုံးဝန်ထမ်းအဆင့်ဆင့်မှ ထိုရုံးခန်းတံခါးပေါက်များဆီသို့ ငွေထုပ်ဖြင့်ချဉ်းကပ်ရသည်။ မဟုတ်လျှင် အချိန်ကြန့်ကြာမှုများ ကြုံတွေ့ကြရတော့သည်ဟု ဆောက်လုပ်ရေးလုပ်ငန်းရှင်များကဆိုသည်။
အောက်ခြေမှသည် အဆင့်ဆင့်လုပ်ပိုင်ခွင့်အလိုက် စာအိတ်အထူအပါးကလည်း ကွာခြားသွားသည်။ ယင်းကဲ့သို့ လာဘ်လာဘယဉ်ကျေးမှုသည် ထိုဌာနတစ်ခုတည်းတွင်သာမဟုတ် လုပ်ပိုင်ခွင့်ရှိသည့် အစိုးရဌာနတိုင်းတွင် ပုံစံမျိုးစုံနှင့်ရှိနေဆဲဖြစ်သည်။
“ပွဲစားနဲ့လုပ်ရင် ခွင့်ပြုချက်မြန်မြန်ကျတယ်။ ဌာနတွင်းမှာလည်းရှိသလို ပြင်ပကနေလုပ်ပေးတဲ့ပွဲစားတွေလည်းရှိတယ်”ဟု ဆောက်လုပ်ရေးကုမ္ပဏီတစ်ခုမှ အမည်မဖော်လိုသူ မန်နေဂျာတစ်ဦးကပြောသည်။
မြို့တော်ရန်ကုန်တွင် နေ့ချင်းညချင်း လူနေတိုက်ခန်းများ အဆောက်အအုံအများစု တဖြည်းဖြည်းများပြားလာနေပြီး အဆောက်အအုံတည်ဆောက်ခွင့်အတွက် ကြန့်ကြာမှုများအပေါ် ဆောက်လုပ်ရေးလုပ်ငန်းရှင်အများစုက မေးခွန်းထုတ်ကြသည်။
အဆောက်အအုံတည်ဆောက်မှုဆိုင်ရာ ဒီဇိုင်းကို ပြင်ပပညာရှင်နှင့်ရေးဆွဲပါက ခွင့်ပြုချက်ရရန် ကြန့်ကြာနိုင်ပြီး ဌာနတွင်းအင်ဂျင်နီယာတစ်ဦးဖြင့် ရေးဆွဲပါက တည်ဆောက်ရန်ခွင့်ပြုချက် ပို၍မြန်ကြောင်း အဆိုပါမန်နေဂျာကပြောသည်။
နိုင်ငံတွင်းပြည်သူများနှင့် အနီးစပ်ဆုံးတည်ရှိနေသည့် အစိုးရဌာနများတွင် ရန်ကုန်မြို့တော်စည်ပင်သာယာရေးကော်မတီဌာန အများစု၏ ၀န်ဆောင်မှုအားနည်းခြင်းကြောင့် တိုင်ကြားလေ့ရှိသော တိုင်ကြားစာများ လစဉ်ပါဝင်နေပြီး စည်ပင်ဌာနလက်အောက်မှ ဌာနငယ်အများစု အမြဲပါဝင်နေကြောင်း ပြည်သူ့ဝန်ဆောင်မှု စွမ်းဆောင်ရည်အကဲဖြတ်အဖွဲ့မှ ဦးတင်မောင်သန်းကပြောသည်။
ရန်ကုန်မြို့၏ အဆောက်အအုံများ တည်ဆောက်ခွင့်နှင့်ပတ်သက်ပြီး တံစိုးလက်ဆောင်များယူဆောင်၍ ပြီးစလွယ်ခွင့်ပြုနေခြင်းများ ရှိနေသည့်အပြင် အောက်ခြေအထိ တာဝန်ရှိသူများကဆင်း၍ မစစ်ဆေးသဖြင့် ရန်ကုန်တိုင်းဒေသကြီးလွှတ်တော်တွင် အကြိမ်ကြိမ်တင်ပြမှုများရှိခဲ့သော်လည်း အာဏာရပါတီ လွှတ်တော်ကိုယ်စားလှယ်များ၏ ပယ်ချမှုများကြောင့် အဆိုတင်သွင်းနိုင်မှုမရှိခဲ့ရကြောင်း ရန်ကုန်တိုင်းဒေသကြီး လွှတ်တော်ကိုယ်စားလှယ်ဦးကျော်ကပြောသည်။
“ရပ်ကွက်တွေထဲက တိုက်တွေမှာ လူနေထိုင်ခွင့်မရသေးဘဲ နေထိုင်နေကြတာတွေ စည်ပင်ကအင်ဂျင်နီယာက လက်မှတ်ထိုးပြီး အောက်ခြေအထိဆင်းမစစ်တာတွေ အများကြီးပဲ”ဟု လွှတ်တော်ကိုယ်စားလှယ် ဦးကျော်ကပင်ဆက်လက်ပြောကြားသည်။
ရန်ကုန်တိုင်းဒေသကြီး လွှတ်တော်အစည်းအဝေးများတွင် မကြာခဏဆိုသလို တင်ပြလေ့ရှိသည်။ ရန်ကုန်မြို့တော်စည်ပင်သာယာရေးကော်မတီအနေဖြင့် ပြုပြင်ပြောင်းလဲမှုများကို အမြန်ဆုံးပြုပြင်ပေးနိုင်ရန်အတွက် အားလုံးက ၀ိုင်းဝန်းပူးပေါင်းဆောင်ရွက်သင့်ကြောင်း ရန်ကုန်တိုင်းဒေသကြီး လွှတ်တော်ကိုယ်စားလှယ် ဒေါက်တာညိုညိုသင်းကပြောကြားသည်။
“မြို့တော်ဝန်ကြီးကလည်း လွှတ်တော်ထဲမှာ ခဏခဏပြောပါတယ်။ စည်ပင်ဌာနတစ်ခုလုံးကို သန့်ရှင်းအောင်လုပ်ရဦးမယ်လို့ မကြာခဏ၀န်ခံတယ်”ဟု အထက်ပါ လွှတ်တော်ကိုယ်စားလှယ်က
ပြောသည်။
နိုင်ငံတော်သမ္မတက ၎င်း၏မိန့်ခွန်းများတွင် အစိုးရ၀န်ကြီးဌာနအများစု၌ လာဘ်ပေးလာဘ်ယူမှုများ ကင်းရှင်းစေရမည်ဟု ပြောဆိုထားသော်လည်း အထက်ပါဌာန၏ အောက်ခြေ၀န်ထမ်းများမှစ၍ ပြင်ပမှပွဲစားများအပါအ၀င် အဆင့်ဆင့်ငွေတောင်းခံမှုများကြောင့် ပေးနေရဆဲဖြစ်ကြောင်း ဆောက်လုပ်ရေးလုပ်ငန်းရှင်အချို့က စွပ်စွဲပြောကြားသည်။
နိုင်ငံတစ်ဝန်း ၀န်ကြီးဌာနအများစုတွင် လာဘ်ပေးလာဘ်ယူ ကင်းရှင်းရေးအတွက် ၂၀၁၃ ခုနှစ် ဇန်န၀ါရီ ၈ ရက်က လာဘ်ပေးလာဘ်ယူမှုတိုက်ဖျက်ရေး ဆောင်ရွက်ရေးကော်မတီကို နိုင်ငံတော်သမ္မတ၏အမိန့်ဖြင့် စတင်ဖွဲ့စည်းခဲ့ပြီး ၀န်ကြီးဌာနများအတွင်း အရေးယူမှုများ စတင်လုပ်ဆောင်ရန် စစ်ဆေးလျက်ရှိကြောင်း ယင်းကော်မတီတွင်ပါဝင်သည့် အဖွဲ့ဝင်တစ်ဦးက ပြောသည်။
အဆိုပါစစ်ဆေးမှုများတွင် ရန်ကုန်မြို့တော်စည်ပင်သာယာရေးကော်မတီမှ ဌာနအချို့ပါဝင်သော်လည်း အသေးစိတ်ထုတ်ဖော်ပြောဆိုသွားခြင်း မရှိပေ။
ထို့ကြောင့် စစ်အစိုးရလက်ထက်က ကြွင်းကျန်ရစ်နေသည့် အရိုးစွဲနေသော အဂတိလိုက်စားမှုရပိုင်ခွင့်နှင့် လုပ်ကိုင်ခွင့်များအပေါ် အသုံးချ၍ လုပ်ကိုင်နေသူများနှင့်သာ ဆက်စပ်ပြီး ဆောင်ရွက်နေရမြဲဖြစ်ကြောင်း ဆောက်လုပ်ရေးလုပ်ငန်းရှင်များကဆိုသည်။
ယင်းကဲ့သို့ ဌာနတွင်းအောက်ခြေတွင် ပုံစံအမျိုးမျိုးဖြင့် ဆောင်ရွက်နေခြင်း၏အဖြစ်မှန်ကို သိရှိစေရန်အတွက် အင်ဂျင်နီယာဌာန(အဆောက်အအုံ)သို့ သုံးရက်တိတိ သွားရောက်မေးမြန်းသော်လည်း ဌာနမှူးမရှိသဖြင့် တွေ့ဆုံမေးမြန်းခွင့်မရခဲ့ပေ။
ထို့ကြောင့် အောက်တိုဘာ ၂၁ ရက် နေ့လယ် ၃ နာရီဝန်းကျင်တွင် တယ်လီဖုန်းဖြင့် မေးမြန်းခဲ့ရာ၌ “အဲဒီလိုစွပ်စွဲပြောတဲ့ ဆောက်လုပ်ရေးလုပ်ငန်းရှင်ကို ဌာနကိုလွှတ်လိုက်ပါ။ ဘယ်သူလဲဆိုတာ သိချင်ပါတယ်။ ဌာနတွင်းမှာ ငွေယူပြီးလုပ်တဲ့ဝန်ထမ်းရှိရင် လာပြောပါ။ ကျွန်တော်ကိုယ်တိုင် အရေးယူပါ့မယ်။ ပြင်ပကပွဲစားနဲ့ လုပ်တယ်ဆိုတာက သူတို့ကိစ္စပါ။ ကျွန်တော်တို့နဲ့ မဆိုင်ပါဘူး”ဟု ဌာနမှူးဦးမောင်မောင်ဇော်ကပြောသည်။
ဆက်လက်၍ ယင်းကိစ္စနှင့်ပတ်သက်ပြီး တစ်စုံတစ်ရာ မှတ်ချက်ပေးပြောကြားလိုခြင်းမရှိကြောင်း ၎င်းကဆိုသည်။ အဆောက်အအုံတည်ဆောက်ရာတွင် ဌာနကသတ်မှတ်ထားသည့် အချက်အလက်ပြည့်စုံပါက အဆောက်အအုံဆောက်လုပ်ခွင့်မှာ ၄၅ ရက်ထက်ပင် ပိုပြီးမကြာမြင့်နိုင်ကြောင်း ဌာနမှူးဦးမောင်မောင်ဇော်၏ ပြောကြားချက်ကို စက်တင်ဘာ ၂၇ ရက်ထုတ် တပ်မတော်ပိုင်မြ၀တီသတင်းစာတွင် ဖော်ပြထားသည်။
“အဓိကကတော့ မြေပိုင်ဆိုင်မှုပါပဲ။ မြေပိုင်ဆိုင်အမည်ပေါက်မှန်ရင်၊ သတင်းအချက်အလက်ပြည့်စုံရင် အလွန်ဆုံး ၄၅ ရက်ပဲကြာမယ်”ဟု ဦးမောင်မောင်ဇော်က ပြောကြားထားကြောင်း အထက်ပါသတင်းစာတွင် ဖော်ပြထားသည်။
ဆောက်လုပ်ခွင့်နှင့်ပတ်သက်ပြီး တစ်ဦးနှင့်တစ်ဦး တန်းတူညီမျှမှုမရှိဘဲ ဆောက်လုပ်ခွင့်ချထားပေးနေကြောင်း တော်ဝင်ဆောက်လုပ်ရေးကုမ္ပဏီအကြီးအကဲ ဦးကိုကိုထွေးကပြောသည်။
“အဆောက်အအုံကို လူကြီးမကြိုက်လို့ မလုပ်ရဘူးဆိုပြီး ကန့်သတ်တာတွေလည်းရှိတယ်။ ခွင့်ပြုမိန့်ကို ပေးချင်တဲ့သူကိုပေးပြီး မပေးချင်တဲ့သူကိုလည်း မပေးဘူး။ အရင်မြို့တော်ဝန်လက်ထက်က သိပ်မကြာဘူး။ အခုမြို့တော်ဝန်လက်ထက်မှာ ပိုကြာနေတယ်”ဟု ဦးကိုကိုထွေးကပင်ပြောသည်။
အဆောက်အအုံတစ်ခု တည်ဆောက်ရန်အတွက် ပုံစံစစ်ဆေးခအနေဖြင့် တစ်ပေပတ်လည်လျှင် ငွေကျပ် ၃၆ ကျပ်နှုန်းယူထားပြီး ပျှမ်မျှအားဖြင့် အဆောက်အအုံတည်ဆောက်ခွင့်ရရှိရန်အတွက် မြို့နယ်နှင့် မြေအကျယ်အ၀န်းပေါ်မူတည်ကာ ငွေကျပ် ၁၀ သိန်းကျော်အထိ ကုန်ကျကြောင်း စမ်းချောင်းမြို့နယ်မှ လိုင်စင်ရ ကန်ထရိုက်တာတစ်ဦးကပြောသည်။
ယင်းကဲ့သို့ ၀န်ဆောင်ခယူပြီး လုပ်ဆောင်ပေးနေသည်မှာ လုံးချင်းအိမ်များထက် အထပ်မြင့်တိုက်များတွင် အများဆုံးဖြစ်နိုင်ပြီး ငွေကြေးကိုအသုံးပြုကာ အလုပ်ရှုပ်မခံချင်သူများက ယင်းကဲ့သို့ ဌာနတွင်းမှဝန်ထမ်းများအား ၀န်ဆောင်ခပေး၍ လုပ်ဆောင်စေခြင်းလည်းဖြစ်ကြောင်း Three Friends ဆောက်လုပ်ရေးကုမ္ပဏီမှ မန်နေဂျာကပြောသည်။
ယိုယွင်းမှုအချို့ဖြင့် ပြင်ဆင်ရန် လိုအပ်နေသေးသည့် အဆောက်အအုံဆောက်လုပ်ခွင့်ကို ဆောက်လုပ်ရေးလုပ်ငန်းရှင်များဘက်က မချိတင်ကဲပြောဆိုနေကြသော်လည်း ဌာနအနေဖြင့် လိုအပ်သည့် အဆောက်အအုံများအပေါ် ခေါ်ယူသတိပေးခြင်း၊ လိုအပ်သည့်အချက်အလက်များပြင်ဆင်ရန် ပြောကြားမှုများကို လစဉ်တွေ့ဆုံပွဲများပြုလုပ်၍ ဆောင်ရွက်လျက်ရှိသည်ဟု ရန်ကုန်မြို့တော်စည်ပင်သာယာရေးကော်မတီ အထပ်မြင့်အဆောက်အအုံများ စစ်ဆေးရေးအဖွဲ့မှ ဦးဆန်းရီကပြောသည်။
ထို့ကြောင့် လုပ်ငန်းရှင်များနှင့် ဌာန၏အားပြိုင်မှုများအလွန် အကျင့်ပျက်ချစားမှုမကင်းသည့် ဌာနတွင်းမှ ၀န်ထမ်းများအကြား မြန်မာနိုင်ငံ၏ ဆောက်လုပ်ရေးလုပ်ငန်းများ ယခုကဲ့သို့ ဆက်လက်လည်ပတ်နေဦးမည်သာဖြစ်သည်။
ဓာတ်ပုံ- နစ်ကီ
7Day News Journal
