ဗြိတိသျှ ကျောင်းသားလေး သေနတ်တုဖြင့် ဘဏ်ဓားပြတိုက်

ပို့စ်တင်ချိန် - 9/30/2013 08:58:00 AM

"စံပြကျောင်းသား" အဖြစ်ဖော်ပြခံရသော ဗြိတိသျှကျောင်းသားလေး
တစ်ဦးသည် အင်္ဂါနေ့က သေနတ် အတုဖြင့် ဘဏ်တစ်ခုကို ဓားပြတိုက်ခဲ့
သည်ဟုဆိုသည်။

ဥပဒေရေးရာများအရ အမည်မဖော်ပြလိုသော အသက် ၁၅ နှစ်ရှိကျောင်း
သားသည် အင်္ဂလန် အနောက်တောင်ပိုင်းရှိ လီဗာပူးမှ ဘာကလေဘဏ်ခွဲ
တစ်ခုကို ဓားပြတိုက်ခဲ့ကြောင်း၊ ၎င်းသည် သော ကြာနေ့တွင် ပေါင် ၂၀၀၀ (ဒေါ်လာ ၃၂၀၀) နှင့်အတူ ထွက်ပြေးသွားကြောင်း မြို့တော်ကလေးတရား ရုံးက ပြောသည်။

သူ၏မိခင်က အခန်းထဲမှ ငွေထုပ်နှင့် သေနတ်အတုကိုတွေ့ရှိပြီးနောက် ရဲထံအပ်နှံခဲ့သည်။

၎င်း၏သား အနက်ရောက်ဝတ်စုံ၊ ရှပ်အင်္ကျီအဖြူ၊ နက်ခ်တိုင်နှင့် တရားရုံး
ထဲသို့ဝင်သွားသည်ကိုကြည့် ၍ မိခင်ဖြစ်သူမှာ တရားရုံးနောက်ဘက်၌ ငိုကြွေးနေခဲ့သည်။ အပြစ်ကိုလည်း အသနားခံခဲ့သည်ဟု ဆိုသည်။

တရားသူကြီး အီယန်လိုမက်စ်က ဤကလေးသည် ဗီဒီယိုဂိမ်းထဲကအတိုင်း သရုပ်ဆောင်ခဲ့ခြင်းဖြစ် သည်ဟု ဆိုသည်။

အမှုလိုက်အရာရှိ ဒီဘရာချန်ကပြောကြားရာတွင် ဤကလေးသည် ဘဏ်ထဲသို့မျက်နှာကို ပဝါအုပ်၍ ဝင်သွားခဲ့ကြောင်း၊ သူ၏သေနတ်ကို ဆွဲထုတ်လိုက်ကာ ငွေကိုင်များအာ "ဘာမှမလုပ်နဲ့ သေသွားမယ်။ ကျုပ်ကထောင်ငါးနှစ်ကျပြီး ခုလေးတင်လွတ်လာကာစရှိသေးတယ်" ဟု ပြောလိုက်သည်။

ငွေကိုင်များက ငွေထုပ်များကို အိတ်ထဲတွင်ထည့်ကြသည်။ သူက ငွေကို
အမြန်လိုချင်နေသည်။ တခြား သူများက မနာလိုဖြစ်မည်ကို စိုးရိမ်၍ဖြစ်
ကြောင်း အမှုလိုက်ကပြောသည်။

တရားရုံးက ကြားနာရာတွင်ဤကလေးမှာ ကျောင်း၌ "စံပြကျောင်းသား" ဖြစ်
ကြောင်း သူသည်မသင့် လျော်သော အပြုအမူကို မသိဟုဆိုသည်။

လူငယ်အား ဘဏ်ဓားပြတိုက်မှုနှင့် ပြစ်မှုကျူးလွန်ရန်ရည်ရွယ်၍ သေနတ်
အတုကိုင်ဆောင်မှုကြောင့် ကြောက်လန့်စေမှုကို ဖြစ်စေခဲ့မှုတို့ဖြင့် စွဲဆိုခဲ့သည်။ ၎င်းအား ခြွင်းချက်အာမခံဖြင့် လွှတ်ပေးခဲ့သည်။

၎င်းအား လီဗာပူးတရားရုံးက အောက်တိုဘာ ၁၅ ရက်တွင် စီရင်ချက်ချမည်။

Ref:APP
The Yangon Times Daily