မြန်မာ၏ အတိတ်နှင့်ပစ္စုပ္ပန်သို့ တံခါးဖွင့်လေ့လာခြင်း

ပို့စ်တင်ချိန် - 9/09/2013 08:53:00 AM

ပုဂံမြို့...
ရှေးဟောင်းယဉ်ကျေးမှုပြတိုက်
ပြတိုက်မှန်ပုံးထဲက သူ့အတွက် သတ်မှတ်ထားသော နေရာလေးတွင် ကြာပွင့်ပုံစံဖော်ထားသည့် အနုစိတ်လက်ရာတန်ဖိုးဖြတ်ခြင်းငှာ မစွမ်းနိုင်သော သက်တမ်းအနှစ်တစ်ထောင်ခန့်ရှိ ကြေးဗုဒ္ဓဆင်းတုတော်လေးက စံနေတော်မူပါသည်။

အမေရိကန်နိုင်ငံမှ ရောက်ရှိလာသော ပြတိုက်မှူးအဖွဲ့က လက်နှိပ်ဓာတ်မီးများနှင့် အဆိုပါကြေးရုပ်တုကို ထိုးကြည့်ကြပြီး ကြာပန်းပုံဖော်ထား သည့် ကြေး ရုပ်တုလေး၏ ပန်းပွင့်ဖတ်များကို ဖွင့်လိုက်ပိတ်လိုက်လုပ်နိုင်သည်ကို သဘောအကျကြီးကျနေကြပါသည်။ ထိုရုပ်တုလေးမှာ လွန်ခဲ့သည့် အနှစ်လေးဆယ်က ငလျင်လှုပ်ခတ်မှုကြောင့် ကျောက်သေတ္တာတစ်ခုထဲတွင် ပိတ်လျက်သားပုံစံနှင့် မြေပြင်ပေါ်ပေါ်ထွက်လာကာ ရှာဖွေတွေ့ရှိခဲ့ခြင်းဖြစ်သည်။

ထိုကြေးရုပ်တုကဲ့သို့ မြန်မာနိုင်ငံတစ်ဝန်းရှိ ပြတိုက်များနှင့် ဖုန်တက်နေသော သိုလှောင်ခန်းများမှ ရှားပါးပြီးမြင်ရခဲသည့် ရှေးဟောင်း ပစ္စည်းများကို အမေရိ ကန်နိုင်ငံ နယူးယောက်မြို့၌ ၂၀၁၅ခုနှစ်တွင် အာရှလူ့အဖွဲ့အစည်းပြတိုက်က ကျင်းပသည့် မြန်မာ့ပျောက်ကွယ်နေသော ဗုဒ္ဓလက်ရာများပြပွဲတွင် ခင်းကျင်းပြသသွားမည်ဖြစ်ပါသည်။

မြန်မာနိုင်ငံ၌ ဒီမိုကရေစီ စနစ်သို့ သွားရာလမ်းကြောင်းတွင် ပြဿနာများနှင့် ရှုပ်ထွေးနေပြီး ဗုဒ္ဓဘာသာအစွန်းရောက်များက မွတ်ဆလင်လူနည်းစုများကို တိုက်ခိုက်နေသည်ဆိုသည့် အသံများပေါ်ထွက်နေသည့်အချိန်တွင် ဗြိတိသျှကိုလိုနီခေတ်နှင့် စစ်အစိုးရခေတ်များ၌ တိမ်မြုပ်နေခဲ့သည့် အစောပိုင်းဗုဒ္ဓဘာသာ အနုပညာလက်ရာများက မြန်မာနိုင်ငံ၏ တမူကွဲပြားခြားနားမှုပုံစံ တစ်မျိုးကို ပြသနေပါသည်။

အမေရိကန်ပြတိုက်မှူးများက လှောင်အိုက်နေသော ပုဂံပြတိုက်မြေအောက်ထပ်ကို ရှာဖွေမွှေနှောက်ကြည့်ခဲ့ရာမှာ တစ်ချိန်က ဧရာဝတီမြစ်ကမ်းဘေးနန်းတော်မှာ ခမ်းနားစွာအသုံးပြုခဲ့သော နန်းတွင်းသုံးအိုးကြီးများကို တွေ့ခဲ့ရပါသည်။ ရွှေရောင်ဆေးသုတ်ထားသော သစ်သားဘုန်းကြီးကျောင်းသေတ္တာများတွင် သိမ်းထားသည့် ထန်းရွက်၊ ပေရွက်များ၊ စာမူများကလည်း ဆေးများပြယ်နေပါပြီ။ ပြည်မြို့မှ စာကြည့်တိုက်ဟောင်းတစ်ခုမှာ ရွှံ့များဖုံးနေသည့် မှန်ပုံးများထဲက စဖနင်ပုံစံရုပ်တုများကိုလည်း သူတို့ကခက်ခက်ခဲခဲ လေ့လာကြည့်ရှုခဲ့ကြ သည်။

“ဒီပြပွဲက မြန်မာကို ပြန်လည်ပေါ်ထွက်လာစေလိမ့်မယ်။ နှစ်ပေါင်းများစွာ ပိတ်ဆို့နေခဲ့တဲ့နိုင်ငံလေ။ ဒီပြပွဲက တကယ့်ကို မြန်မာဆိုတာ သိသိသာသာဖြစ်လာစေမယ်လို့ ကျွန်မထင်တယ်။ အရင်တုန်းက တစ်ခါမှမမြင်ဖူးတာတွေ ပြမှာဖြစ်ပါတယ်။ ဗုဒ္ဓဘာသာက မြန်မာနိုင်ငံရဲ့
ဘာသာဖြစ်ပြီး နေ့စဉ်ဘ၀မှာ အရေးပါတဲ့ အခန်းကဏ္ဍမှာရှိနေပါတယ်” ဟု ၂၀၁၅ တွင်ပြသမည့် ပြပွဲကို စီစဉ်နေသူ အာရှလူ့အဖွဲ့ အစည်းပြတိုက်မှ ညွှန်ကြားရေးမှူး မယ်လီဆာချူးက ပြောသည်။

ပြတိုက်မှူးများအဖွဲ့က မြန်မာနိုင်ငံ၏ မြို့တော်ဟောင်းရန်ကုန်၊ မြို့တော်သစ်နေပြည်တော်၊ ပြည်နှင့် ၁၃ ရာစုနှစ်မှာ ဘုရင့်နေ ပြည်တော်ဖြစ်ခဲ့ဖူးသည့် ဘုရားပုထိုးများတည်ရှိရာ ပုဂံဒေသတို့ တွင် ရှာဖွေမှုများ ပြုလုပ်ခဲ့ပါ သည်။ မြန်မာ၏ အကျော်ကြားဆုံး ခရီးသွားဒေသတစ်ခုဖြစ်သည့် ရှေးဟောင်းမြို့တော်ပုဂံမှ ရှေးဟောင်းရွှေလက်ဝတ်ရတနာ များကို ယနေ့တိုင် လယ်သမားများက တူးဖော်ရရှိနေသည့် နေရာဖြစ်ပါသည်။

ယခုကဲ့သို့ ပြပွဲအတွက်ရှေးဟောင်းပစ္စည်းများ လိုက်လံရှာဖွေခြင်းကို သမ္မတဦးသိန်းစိန်က ပံ့ပိုးခဲ့ပါသည်။ သမ္မတဦးသိန်းစိန် အမေရိကန်ပြည်ထောင်စုကို လာရောက်စဉ်က ၂၀၁၅ ခုနှစ် နယူးယောက်မြို့တွင် ပြသမည့် ပြပွဲအတွက် ဒါဇင်နှင့်ချီသည့်
ရှေးဟောင်းအနုပညာလက်ရာများကို ငှားရမ်းရန် အတည်ပြုပေးခဲ့သည့်အပြင် သာမန်လူများအား ခွင့်မပြုခဲ့သည့် နေရာများကိုလည်း အမေရိကန်ပြတိုက်မှူးများ သွားခွင့်ပေးခဲ့ပါသည်။ ပြပွဲတွင် ပြသရန် ရည်ရွယ်ထားသည့် ပစ္စည်းအမျိုး ၇၀ အနက် သုံးပုံတစ်ပုံမှာ မြန်မာနိုင်ငံမှ ခေတ္တငှားယူထားသည့် ရှေးဟောင်းပစ္စည်းများဖြစ်သည်ဟု မစ္စစ်ချူးကဆိုသည်။

မြန်မာအနုပညာလက်ရာများကို ခေတ္တငှားယူပြသခြင်းအတွက် အပြန်အလှန်အစီအစဉ်အရ အာရှလူ့အဖွဲ့အစည်းကလည်း ရှေးဟောင်းပစ္စည်းများထိန်းသိမ်းခြင်းနည်းပညာများကို မြန်မာပြတိုက်ဝန်ထမ်း သင်တန်းပေးရန် သဘောတူခဲ့ပါသည်။
အမေရိကန်ဒေါ်လာ တစ်သိန်းခန့်ရှိ အစိုးရအသုံးစရိတ်ဖြင့် အဆိုပါဝန်ထမ်းများက မြန်မာပြတိုက်များကို လျှပ်စစ်မီး၊ လေအေးပေး
စက်များအတွက် လောက်ငအောင် သုံးစွဲနေရပါသည်။ လိုအပ်သည်များကို ၀ယ်ယူရန်လည်း ငွေကြေးမရှိပါ။

အမေရိကန်ပြတိုက်မှူးများအား သူတို့စိတ်ကြိုက်ပြသရန် မြန်မာအစိုးရကပစ္စည်းများ ငှားရမ်းခဲ့သော်လည်း အချို့ပစ္စည်းများမှာ နယူးယောက်ကို သယ်ယူရန် အလွန်တန်ဖိုးကြီးလွန်းလှပါသည်။ ထိုအထဲတွင် ၁၈၈၅ ခုနှစ်၌ မန္တလေးနန်းတော်မှ ဗြိတိသျှ
စစ်တပ်ဝင်ရောက်မဖျက်ဆီးမီ နန်းတွင်းတရားရုံးမှ ပုံထုထွင်းထားသည့် တံခါးလည်းပါဝင်သည်။

ထိုတံခါးရွက်က နိမ့်နိမ့်လေးဖြစ်ပြီး မြန်မာဘုရင်ဆီကို အခစားဝင်သူမှန်သမျှ ဦးမညွှတ်ဘဲ ၀င်ရန်မဖြစ်နိုင်အောင် ပြုလုပ်ထားခဲ့ဟန်တူသည်။ အမေရိကန်ပြတိုက်မှူးများက ထိုပစ္စည်းကို ငှားချင်သော်လည်း အမျိုးသားပြတိုက်မှူး၊ ညွှန်ကြားရေးမှူးများက တစ်ချက်လွှတ်အာဏာသုံးကာ ပယ်ချခဲ့သော ပစ္စည်းများထဲကတစ်ခုဖြစ်ပါသည်။

“ဘယ်ဖြစ်ပါ့မလဲ” ဟု အမျိုးသားပြတိုက် ဒုတိယညွှန်ကြားရေးမှူးဟောင်း ဒေါ်နုမရဇံကပြောကြားသည်။

သို့သော်လည်းသူတို့မှာ ရွေးချယ်စရာကျောက်တုံး၊ ကြေးနှင့် သစ်သားဗုဒ္ဓရုပ်တုတော် အတော်များများ ကျန်ရှိပါသည်။ တချို့ရုပ်တုများက တခြားနာမည်ကြီး ဆင်းတုများနှင့် ခပ်ဆင်ဆင်တူ၏။ တချို့ရုပ်တုများမှာ အတုဟု ဆုံးဖြတ်ခံရသည်လည်း ရှိသည်။ သို့သော်လည်း တကယ့်ကို အမြောက်အမြားဖြစ်နေသည့်အတွက် ပြပွဲအတွက် ဘယ်အရာကို ရွေးရမည်လဲဆိုသည်ကို ဆုံးဖြတ်ရခက်လှကြောင်း ပြတိုက်မှူးများက ဆိုသည်။

၁၂ ရာစုခေတ်က ဗုဒ္ဓဘုရားရှင်က မယ်တော်နတ်သားကို တရားဟောပြီး နတ်ပြည်မှ ပြန် ကြွလာဟန် သစ်သားရုပ်လုံးကြွကမူ ပြတိုက်မှူးများ၏ ပထမဦးစားပေးစာရင်းထဲတွင် ပါဝင် သည်။

“အဲဒါကတော့ တကယ့်ကို အရမ်းကောင်းတဲ့ လက်ရာပါပဲရှင်။ ဒါကို ထိန်းသိမ်းထားနိုင်တာ ကံကောင်းလိုက်တာ။ ဒါက ဘုရားတစ်ခုရဲ့ အတွင်းထဲမှာ ဒါမှမဟုတ် အရိပ်ရတဲ့နေရာမှာ ရှိခဲ့လို့ဖြစ်မယ်”ဟု ထိုရုပ်ကြွလက်ရာကို သဘောကျနှစ်သက်သည့် ပြပွဲမှူးတစ်ဦးဖြစ်သည့် ဆာလီဗီယာဖရာဇာဘူလကပြောပါသည်။

နယူးယောက်မှ ရှေးဟောင်း အနုပညာလက်ရာများကို သဘောကျသည့်ပရိသတ်များအတွက် ၁၁ ရာစုနှစ်လက်ရာသိဒတ္တမင်းသား တောထွက်ပြီး ဆံပယ်နေသည့်ပုံထွင်းထားသည့် ကျောက်ဆစ်လက်ရာတစ်ခုကိုလည်း ပြတိုက်မှူးများက သဘောကျကြသည်။ “အဲဒီအရုပ်ကတော့ ပြပွဲရဲ့ သင်္ကေတတစ်ခုတောင် ဖြစ်လာနိုင်တယ်” ဟု အာရှလူ့အဖွဲ့အစည်းအနုပညာပြတိုက်ညွှန်ကြားရေးမှူး
မစ္စစ်ချူးကဆိုသည်။

နှစ်ပေါင်းများစွာ ရှေးဟောင်းပစ္စည်းဖောက်ထွင်းသူများက မြန်မာရှေးဟောင်းယဉ်ကျေးမှုလက်ရာများကို ဖျက်ဆီးဖောက်ဖျက်ခဲ့ကြသည်။ ၁၈၈၅ ခု နှစ် အင်္ဂလိပ်မြန်မာစစ်ပွဲတွင် ကြေးမုံများ၊ ပေစာများ၊ လက်ဝတ် ရတနာများကို ဗြိတိသျှစစ်သားများက ခိုးယူလုယက်ခဲ့ကြသည်ဟု ၁၉၇၀ ပြည့်နှစ်က မြန်မာပြည်တွင် နေခဲ့ဖူးသည့် မစ္စစ်ချူးကရှင်းပြသည်။ ၁၉၂၀တွင် ဂျာမန်ရှေးဟောင်းပစ္စည်းရှာဖွေသူများက ဘုန်းကြီးကျောင်းများ၏ နံရံများကို ခွာယူခဲ့ကြသည်။

၁၉၆၂ မှ ၂၀၁၁ ခုနှစ် စစ်အစိုးရအာဏာရှင်များ လက်ထက်တွင် ဘုန်းကြီးကျောင်းများရှိ ရှေးဟောင်းပစ္စည်းများကို အစိုးရနှင့်ပတ်သက်သည့် ပစ္စည်းခိုးထုတ်သူများရန်မှ ကာကွယ်ရန် ဘုန်းကြီးများကကာကွယ်စောင့်ရှောက်ခဲ့ရသည်ဟု ဘုန်းတော် ကြီးများက မစ္စစ်ချူးကိုပြောကြားခဲ့ သည်။

အချို့ကျောက်ဆင်းတုဗုဒ္ဓရုပ်ပွားတော်များကမူ ခိုးသူများသယ်ဆောင်ရန်အတွက် အလွန်ကြီးနေသဖြင့် မြန်မာနိုင်ငံတွင် ရှိနေဆဲဖြစ်ပါသည်။ ထို့အတွက် နယူးယောက်တွင်ပြသမည့် ပြပွဲ က မြန်မာနိုင်ငံ၏ ပြင်ပတွင် ထို ဆင်းတုတော်များကို ပထမဆုံး အကြိမ် ပြသမည့်ပွဲလည်း ဖြစ်ပါ သည်။

“မြန်မာပြည်အပြင်ဘက်မှာ ပုဂံခေတ်လက်ရာ ကျောက်ဆင်းတု တစ်ဆူမှမရှိသေးဘူး” ဟု မြန်မာဗုဒ္ဓအမွေအနှစ်စာအုပ်များကို ရေးသားခဲ့သူ စာရေးဆရာ ဒေါ် နယ်လ်စထရက်တာနာကဆိုသည်။

အမေရိကန်ပြတိုက်မှူးများ၏ နောက်ဆုံးခရီးစဉ်က ပြည်မြို့မှ ပြတိုက်ပဲဖြစ်ပါသည်။ ထိုပြတိုက်တွင် မြေကြီးထဲမှတူးဖော်ရရှိခဲ့သည့် အနှစ် ၁၅၀၀ သက်တမ်းရှိ ကြေးဗုဒ္ဓရုပ်တုအား အစိမ်းရောင်ပလတ်စတစ်စားပွဲခင်းပေါ်တွင် မတ်တတ်ရပ်စံနေသည်ကို သူတို့တွေ့ခဲ့ကြသည်။ ထိုဆင်းတုကို လယ်သမားတစ်ဦးက ၂၀၀၅ ခုနှစ်တွင် လယ်ထွန်ရင်းရလာခဲ့သည်ဟု ရှေးဟောင်းယဉ်ကျေးမှုဌာနက ဒုတိယညွှန်ကြားရေးမှူး ဦးသိန်းလွင်က ပြောကြားသည်။

“အဲဒီလယ်သမားက ဒါကိုထွန်မိတာပဲ။ ကံကောင်းတာက မကျိုးပဲ့ခဲ့ဘူး”

မာကျောသောကြေးဗုဒ္ဓရုပ်တုများကို နယူးယောက်ကို သယ်ယူရသည်မှာ အန္တရာယ်သိပ်မများပါ။ ပြဿနာမရှိပါ။ သို့သော်ကျိုးပဲ့လွယ်သည့် ပုဂံရှိ ကြာပွင့်ပုံ ရှေးဟောင်းပစ္စည်းများကို နိုင်ငံအပြင်ဘက် သယ်ယူရန် အစိုးရဆီမှ အထူးခွင့်ပြုချက်လိုသည်ဟု မစ္စစ်ချူးက ရှင်းပြသည်။

ပုဂံပြတိုက်မှ ဒုတိယညွှန်ကြားရေးမှူး ဒေါ်ဘေဘီက ထိုကြာပန်းပွင့်လက်ရာကို နယူးယောက်တွင် ခေတ္တပြသရန် ယူသွားသင့်သည်ဟုဆိုပါသည်။

“ဒီမှာပြထားတဲ့ ပစ္စည်းတွေ အားလုံးကျွန်မရင်ထဲမှာ စွဲနေအောင် မှတ်ထားတယ်။ နေ့တိုင်းပြတိုက်က ပစ္စည်းတစ်ထောင်ကို ကျွန်မစစ်ရတယ်။ နယူးယောက်ပြတိုက်ကို ခဏငှားပြတာ ပြဿနာမရှိပါဘူး။ ဒါပေမဲ့ အမြဲတမ်းတော့ ဘယ်ဟုတ်ပါ့မလဲရှင်”

(နယူးယောက်တိုင်းမ်သတင်းစာပါ ဆောင်းပါးရှင် Jane Parlez ၏ Opening a Door to Burmese Past, and the Present, Tool ကို ထားထားမြင့် ဘာသာပြန်ဆိုသည်)
7Day News Journal