ပြင်ဆင်ပြီးမှ လှလာတဲ့အလှမျိုးကို လုံးဝမကြိုက်ဘူးလို့ ဆိုတဲ့ ချစ်သုဝေ
ပို့စ်တင်ချိန်
- 9/09/2013 04:14:00 PM
အောင်မြင်မှုရဲ့ အနုပညာ လမ်းကြောင်းပေါ်မှ အောင်မြင်မှုရဲ့ လျှို့ဝှက်ချက်တွေအကြောင်းကို တေးသံရှင် တစ်ယောက် အဖြစ်သာမ မင်းသမီး တစ်ယောက် အနေနဲ့ပါ ကျော်ကြားမှုတွေ ရထားပြီ ဖြစ်တဲ့ ချစ်သုဝေ နဲ့ဆုံပြီး စကားတွေ ပြောဖြစ်ခဲ့ပါတယ်။ အောင်မြင်မှု လမ်းကြောင်းပေါ် တက်ရောက်နိုင်ဖို့အတွက် ချစ်သုဝေ တစ်ယောက် ဘယ်ပုံဘယ်နည်း ကြိုးပမ်းခဲ့ရတယ် ဆိုတာကို သူမရဲ့ပရိသတ်တွေ လေ့လာဆန်းစစ်ကြည့်လိုက်ကြရအောင်လား။။။။။။။။။။
ကိုယ့်ကိုကိုယ် အောင်မြင်လာတာ ဘာကြောင့်လို့ ထရီဇာထင်လဲ
ဟုတ်လား။ ထရီဇာက အောင်မြင်လို့လား။ ထရီဇာကတော့ ကိုယ့်အောင်မြင်မှုကို ဘယ်လို တွက်လဲဆိုတော့ ကိုယ်တိုင် စိတ်ချမ်းသာရမယ်။ ဖြစ်သင့်တာလေးတွေ၊ လုပ်ချင်တာလေးတွေက တစ်ထပ်တည်းကျပြီး ပျော်ပျော်ရွှင်ရွှင် နေရတာဟာ ထရီဇာ အောင်မြင်တာပဲ။တချို့နေ့တွေဆို ထရီဇာ အောင်မြင်သလို တချို့နေ့တွေဆို ထရီဇာ မအောင်မြင်ဘူး။ တချို့နေ့တွေမှာ ကျရှုံးသလို တချို့နေ့တွေမှာ အောင်မြင်တာရှိတယ်။ အဲဒီအတွက်ကြောင့်မို့ ထရီဇာ ဒီမေးခွန်းကို မဖြေတက်ဘူး။
ပရိသတ်တွေကရော ထရီဇာကို ဘာကြောင့် ကြိုက်တယ်လို့ ထင်လဲ
အဲဒါက ထရီဇာ့ကို ကြိုက်တဲ့ ပရိသတ်ရှိသလို မကြိုက်တဲ့ ပရိသတ်ရှိတယ်။ ထရီဇာက ရိုးရိုးရှင်းရှင်းလေးပဲ စဉ်းစားတယ်။ ထရီဇာက လူတွေကို ချစ်တယ်။ ထရီဇာ ပရိသတ်တွေအပေါ် တာဝန်ကျေတယ်။ လေးစားတယ်။ အလုပ်ကို ကောင်းကောင်းမွန်မွန်လုပ်တယ်။ အဲဒီအတွက် ထရီဇာကိုလည်း ချစ်ရင်းစွဲအခံရှိတယ်။ ထရီဇာ အလုပ်ကိုလည်း နှစ်သက်တယ်။ ချစ်မြတ်နိုးတဲ့ ပရိသတ်တွေက ထရီဇာ့ကို ချစ်ကြတယ်။ အသွားအပြန်ပေါ့။ အဲဒါကြောင့်လို့ပဲ ထရီဇာ မြင်မိတယ်။
ရှုတင်မှာ မိတ်ကပ်တွေ လိမ်းရတဲ့အခါမှာ
မင်းသမီးဖြစ်လာတဲ့အတွက် ကိုယ့်အလုပ်အပေါ်မှာ လေးစားတယ်။ လှလှပပနေရတဲ့ အပိုင်းလေးတွေ ရှိတယ်။ အဲဒါကြောင့် မိတ်ကပ်လိမ်းရတာကို ကြိုက်လား ဆိုရင် တစ်ခါတစ်လေ မိတ်ကပ် မလိမ်းချင်တဲ့ အခါရှိသလို တစ်ခါတစ်လေ မိတ်ကပ်လေး လိမ်းပြီး လှလှပပလေး နေချင်တဲ့ အခါလည်း ရှိတယ်။ အဲဒီတော့ ထရီဇာ စိတ်ကို သေချာတွက်ချက်ပြီး ပုံသေနည်း ပြောလို့ မရဘူး။
ထရီဇာ တစ်ယောက်တည်းရှိနေတဲ့အချိန်
ထရီဇာ တစ်ယောက်တည်း ရှိနေရင် အိပ်တယ်။ စားတယ်။ ဒါမှမဟုတ် ဘုရားရှိခိုးတယ်။ ဂီတာတီးတယ်။ သီချင်းနားထောင်တယ်။ ဒါပါပဲ။
ထရီဇာ ခန္ဓာကိုယ်မှာရော ကိုယ်တိုင်သတ်မှတ်ထားတဲ့ လှပတယ်လို့ထင်တဲ့ အစိတ်အပိုင်း ဘာဖြစ်မလဲ
ထရီဇာကို လူတော်တော်များများ ပြောကြတာတော့ တစ်နေရာမှ လှတဲ့အရာ မရှိဘူးဆိုပဲ။ ထရီဇာက အဲဒီလို မသတ်မှတ်ထားဘူး။ တစ်ခုပဲ..ထရီဇာက မလှရင်လည်း ပြင်မှာ မဟုတ်ဘူး။ ပြင်ဆင်ပြီးမှ လှတဲ့ အလှမျိုးကို မကြိုက်ဘူး။ Natural ကိုပဲ သဘောကျတော့ ဘုရားပေးတဲ့အတိုင်းလေး၊ အမေမွေးတဲ့ အတိုင်းလေးပဲ သဘောကျတယ်။ ဘယ်နေရာမှ သိပ်လှလှပပ မရှိသလို ကိုယ့်ကိုကိုယ် ခံစားရတယ်။ ထရီဇာက စိတ်လှအောင်လို့ပဲ ကြိုးစားတယ်။
ဆိုပြီး မေးမြန်းဖြစ်ခဲ့သမျှ ပြောပြပေးသွားခဲ့သူကတော့ နာမည်ရ အဆိုတော် သရုပ်ဆောင် ချစ်သုဝေ ပဲဖြစ်ပါတယ်။
Friday(Malay)
Myanmar Daily News
