သုမနကျောမှာ ဒါဏ်ရာတွေနဲ့

ပို့စ်တင်ချိန် - 9/16/2013 08:04:00 PM

ကျနော့်သူငယ်ချင်းတစ်ယောက် နေပြည်တော်က ဖုန်းလှမ်းဆက်တယ်။ မြန်မာမီနီ သိန်းခြောက်ဆယ် နဲ့ စက်မှုဝန်ကြီးဌာနက သူတို့ အရာထမ်းတွေကို ရောင်းပေးမယ် ဝယ်လိုက်ရင် ဘယ်လိုနေမလဲပေါ့။
ကျနော်လည်း သတင်းစာမှာ ဖတ်လိုက်ရတယ်ပေါ့။ အသိတစ်ယောက် ချယ်ရီတစ်စင်း ၅၅ - သိန်းလောက်နဲ့ ပြန်ထုတ်ခြင်တာ ဝယ်သူမရှိပါဘူးလို့။
ခင်ဗျားတို့ စဉ်းစားကြည့်လေ... အစိုးရက ဝန်ထမ်းတွေ ကားပိုင်ဖြစ်ဖို့ လုပ်ငန်းလုပ်စားနိုင်ဖို့ သက်သာချောင်ချိဖို့ စေတနာထားတယ်ဆိုရင် အပြင်ပေါက်ဈေးထက် နိမ့်တဲ့ ဈေးနဲ့ ရောင်းမပေးသင့်ဘူးလား? သူရောင်းမှာက မြန်မာမီနီနော်... ချယ်ရီတောင်မဟုတ်ဘူး။ နဲနဲကွာသေးတာ ခင်ဗျားတို့ သိပါတယ်။
နောက် အပြင်မှာ ဖင်ထောင် ဖင်ကောက် ၃/က ၄/က တစ်စီး သိန်း ၇၀ - ၈၀ နဲ့ ရနေတာ အားလုံးအသိ။ ဂျပန်ကားနဲ့ တရုပ်ကား ဘယ်ဟာစီးမလဲလို့။ ခင်ဗျားတို့ အသိပါ။ ကျနော်တို့ နိုင်ငံမှာ ဂျပန်ကားတစ်စီး အနှစ် နှစ်ဆယ် သုံးဆယ်စီးကြတာ။ စလစ်ပြန်ရောင်းလည်း မရှုံးဘူးလို့။ တရုပ်ကားက ဘယ်နေ့ ဂျုန်းဂျုန်းကျ မယ်သိတာမဟုတ်။ ဒီခေတ်ကြီးထဲမှာ ကိုးရီးယားက လူစီးကားတွေတောင် စီးသူ ခပ်ရှားရှား။ တရုပ်ဆို စဉ်းစားကြည့်ပေါ့။

အင်း... ခက်တာက ကျနော်တို့ တစ်တွေအတွက်က ကားစီးနိုင်ဖို့ ဆိုတာ အနှစ်နှစ် အလလက မက်ခဲ့တဲ့ အိပ်မက်ပေါ့။ တစ်လုံး တစ်ခဲထဲ ကလည်း မဝယ်နိုင်။ အရစ်ကျစနစ်တွေ ပေါ်လာတော့ အိမ်မက်တွေ ခပ်ရေးရေး အကောင်အထည် ပေါ်လာသလိုပေါ့။
ကျနော့်သူငယ်ချင်းက သူ့ယောက်ခမကြီးကို တက္ကစီလုပ်ပေးချင်တယ်ပေါ့။ တစ်နေ့ တစ်သောင်းလောက် စုသွင်းနိုင်ရင် လနှစ်ဆယ်ဆို ကားပိုင်ဖြစ်မယ်ပေါ့။ အင်း... အရာအားလုံးက စာရွက်ပေါ်ချတွက်သလို အစဉ်ပြေရင်တော့ ကောင်းတာပေါ့။

ကျနော်လည်း ကျနော့် အဒေါ်တစ်ယောက် အကြောင်း ပြောပြလိုက်တယ်။ ကျနော့်အဒေါ် ယောက်ကျားက အလုပ်က ပင်စင်ယူကာစ။ မြန်မာမီနီတွေ ချယ်ရီတွေကလည်း ခေတ်စားနေချိန်။ ယောက်ကျားကလည်း ထိုင်မနေချင်။ တက္ကစီမောင်းမယ်ဆိုပြီး ချယ်ရီ(QQ) တစ်စီး သိန်း တစ်ရာ့ သုံးဆယ်နဲ့ ဝယ်လိုက်တယ်။ တက္ကစီဆွဲတာပေါ့။ မဆိုးပါဘူး။ အစပိုင်းတော့ တစ်နေ့ တစ်သောင်းနဲ့ နှစ်သောင်းကြား ကျန်ပါတယ်။ အုံနာကြေးမှ မပေးရတာ။ မကြာပါဘူး။ အစိုးရက ကုမ္ပဏီတွေ တက္ကစီတွေ သွင်းခွင့်ပြု။ စည်းမျဉ်းစဉ်းတွေလျော့ပေး။ ကားတွေများလာ။ တက္ကစီဆွဲရတာလည်း အရင်ကထက် ကြပ်လာ။ နောက်ဆုံးပြန်ရောင်းတော့ သိန်းခြောက်ဆယ်ပဲ ရတယ်လို့။ လူလည်းပင်ပမ်းသေး ငွေလည်းရှုံးသေး။ ထိုင်နေအကောင်းသားလို့။ အခုတော့ မင်းသားဖြစ်မှ တီးလုံးဆန်းပေါ်။ ကိုယ်ရင်ဝတ်တဲ့နှစ်မှ ဝါကြီးထပ်။ အခုလည်း နောက် သုံးလေးလကြာရင် ခင်ဗျား မီနီ သိန်းသုံးလေးဆယ် မဖြစ်ပါဘူး ပြောနိုင်မလားပေါ့။

သူနဲ့ သူ့မိန်းမကတော့ စိတ်အားထက်သန်နေတယ်။ ကျနော်လည်း စဉ်းစားပါဦးပေါ့။ တော်ကြာ ခြောက်လလောက်ရှာလို့ရတဲ့ငွေ ကျသွားတဲ့ ဈေးမမှီလို့ ဟုတ်ပေ့ ဖြစ်နေမှ။ နောက် သူ့ယောက်ခမက နေ့စဉ် ကျန်းကျန်းမာမာ အဆင်ပြေပြေရှာနိုင်မှ။ မသုံးမိအောင်စုနိုင်မှ။ ဒီလိုမဟုတ်လို့ အိပ်ထဲက စိုက်ရင် လင်မယားနှစ်ယောက် ရတဲ့လခက နှစ်သိန်းခွဲမပြည့်။ ပြောရရင် ဘေးပေါက်လည်းရတာမဟုတ်။ ဒုက္ခရောက်နေမှ။ စားဖို့မရှိ လျော်ဘို့ရှိ။ အပြင်လူက ဒူးဖက်တောင်းပန်ရင်ရတယ်။ အစိုးရအကြွေးက မဆပ်နိုင်ရင် ပုဒ်မပိုကြီးတယ်။

ခက်တာက တက္ကစီသမားတွေ လတ်တလော ဘာဖြစ်နေတယ်ဆိုတာ သူမသိတာဘဲ။ တစ်မိုးလုံး ဖျောက်ဆိပ် ဆိုသလို ရန်ကုန်တစ်မြို့လုံး နေ့ရော ညရော တက္ကစီတွေ ဖြစ်နေပြီလေ။ နောက်ပြီး ကားသမားတွေမှာ ကျင့်ဝတ်မရှိတော့ဘူး။ တက္ကစီတစ်စီး တားလို့ ထိုးရပ်လိုက်ရင် နောက်မှာ အကျစောင့်နေတာက နှစ်စီး သုံးစီး။ စီးသူကလည်း သူပြောတဲ့ဈေး မရရင် တာ့တာ။ နင်မလိုက်နောက်တစ်စီး။ အပေါဆုံးက တက္ကစီ။ ဒီတော့ကာ... ကားသမားတွေခမျာ ရတဲ့ဈေးနဲ့ လိုက်နေရရှာတာ။ တက္ကစီအငှား မောင်းသမားတစ်ယောက်အဖို့ နံပါတ်တစ်က ဆီဖိုးရဖို့။ နံပါတ်နှစ်က အုံနာကြေး။ ငွေနှစ်သောင်းလောက် ရမှ အရင်းတိုက်။ သက်ပြင်းလေးချ။ ကိုယ်တွက်ထပ်ရှာ။ အဆင်မပြေတဲ့နေ့ အိပ်စိုက်။ မိသားစုက ကိုယ့်ကို လုံးလုံးမှီခိုနေတဲ့သူဆို ပိုဆိုးသေး။ ဒီလိုနဲ့ တက္ကစီသမား တော်တော်များများ ကုမ္ပဏီတွေ ပြောင်း လုပ်ကုန်ရော။ လကုန်ရင် လစာသေချာပေါက် ရတယ်လေ။ ယာဉ်တိုက်မှုမဖြစ် ယာဉ်စည်းကမ်း လမ်းစည်းကမ်း မဖေါက်ရင် စိတ်ချမ်းသာရတယ်။ ဖိအားနည်းတယ်။

အခုတော့ အစိုးရ (စက်မှုဝန်ကြီးဌာန) လုပ်ပုံကလည်းမဟုတ်သေးဘူး။ ရောင်းရင်လည်း ဈေးလျော့ပေးပေါ့။ အခုတော့ ဝယ်သူမရှိတဲ့ တရုပ်ကား လက်ထဲ ပိုက်ဘောမိနေတာ။ ကြံရာမရတော့ ဝန်ထမ်းတွေထိုးရောင်း။ ဒါတောင် အကန့် အသတ်နဲ့။ အရာထမ်းတွေမှ ရောင်းပေးမတဲ့။ ခင်ဗျားတို့စဉ်းစားကြည့်လေ။ ဦးစီးမှုးတစ်ယောက်လစာ တစ်သိန်းကျော်ကျော်။ လက်ညွှန်တစ်ယောက်မှ တစ်သိန်းခွဲလောက်ရတာ။ အောက်ဆိုက်ရတဲ့ ဌာနတော့ မပြောပါဘူး။ အရာရှိမဟုတ်လည်း ကားစီးနေတာကြာပေါ့။ အောက်ဆိုဒ်မရရင် သေပြီလေ။ တစ်လနဲ့ တစ်လ အလျင်မီအောင်မနည်း။ ဒီကြားထဲ မိန်းမက ရှင်မွေးလွန်းဆို သေရော။ အော်... ကလေးများရင်ပြောတာပါ။ အခုတော့ အားလုံးလည်ကုန်ပါပြီ။ နှစ်ယောက်ထက်ပိုမမွေးရဲပါဘူး။ ဆိုတော့ကာ... တစ်ချို့ ဘဝတွေက ဘက်ဂရောင်းမရှိရင် အမှားမခံဘူး။

နောက်တစ်ခု.... အစိုးရလုပ်ပုံ ပြောပါတယ်။ တယ်လီဖုန်းတုန်းကလည်းကြည့်လေ။ နှစ်သိန်းတန်ဖုန်း ရောင်းမထွက်တော့ ဝန်ထမ်းတွေ အရစ်ကျနဲ့ ရောင်းတယ်လေ။ အပေါ်ယံကြည့်ရင် ဝန်ထမ်းတွေအပေါ် စေတနာ ထားသယောင်ယောင်။ တစ်ကယ်တော့ တတ်နိုင်တဲ့ ဝန်ထမ်းက ဆယ်လူလာခေတ် ဂျီအက်စ်အမ် သိန်းအစိတ် သုံးဆယ်ခေတ်ကတိုင် ကိုင်နေတာ။ တကယ်ကျန်နေတာ တကယ်မတတ်နိုင်သူတွေလေ။ ဒီလိုနဲ့ ရောင်းမကုန်သေးတော့ ဆင်းရဲသားတွေဘက်လှည့်ပြန်ရော။ သူတို့မှာ ဘာ Plan မှမရှိရင် မပြောပါဘူး။ အခုတော့ စီမံချက်တွေဆွဲပြီးမှ ပြည်သူတွေအပေါ် ရသလောက်ရိုက်တာ။ ရတုန်း ဆော်လိုက်ဦးမဟဆို ပြီး လက်တဆုံးနှိုက်တာ။ အရစ်ကျ ဆပ်နေတုန်း ကျေကာနီးလည်း ကျရော ဆင်းကဒ်တစ်ခု တစ်ထောင့်ငါးရာတဲ့။ ဒါတောင် ဝန်ကြီးဟောင်းက မရောင်းနိုင်ပါဘူး ဘာညာနဲ့။ နောက်ဆုံး သမ္မတက ပွဲဝင်ကြမ်းမှပြတ်သွားတာ။

အေးပါ... ခင်ဗျားတို့ကတော့ သူများတွေ သိန်အစိတ် သုံးဆယ်နဲ့ ကိုင်ရတဲ့ဖုန်း နှစ်သိန်းနဲ့ ကိုင်ရတော့ အဟုတ်မှတ် ပျော်နေ။ ခင်ဗျားတို့တွက်မိရဲ့လား? တွက်ကြည့်ဖူးလား?

ကျနော်ပြောပြမယ်... မင်းကွန်းဆရာတော်ဘုရားကြီးဟာ သာသနာ့တက္ကသိုလ်ကြီး တည်ဆောက်ဖို့အတွက် ဘယ်လို စိတ်ကူးစရတယ်မှတ်လဲ။ သူ့ အနေနဲ့ ဒီနိုင်ငံမှာ သာသနာ့ တက္ကသိုလ်တစ်ခုတော့ ရှိသင့်တယ်ပေါ့။ အဲဒီတော့ အလှူငွေရအောင်ဘယ်လို လုပ်ရမလဲပေါ့။ စဉ်းစားတော့... အဲဒီတုန်းက မြန်မာနိုင်ငံမှာ လူဦးရေ သန်းလေးဆယ်လောက်ရှိပါသတဲ့။ ငါအလှူထွက်ခံလို့ တစ်ယောက်တစ်ကျပ်ထည့်ဦး။ သန်းလေးဆယ်လောက်ရင် ဆောက်လို့ရတယ်ပေါ့။ ဒီလိုနဲ့ ဆရာတော်ဘုရားကြီးဟာ ရထားလမ်း ကားလမ်းတစ်လျောက် အလှူခံထွက်လိုက်တာ ကျနော်တို့ ကလေးဘဝ တစ်နိုင်ငံလုံး လှူလိုက်ကြတာ ဝက်ဝက်ကွဲ။

အင်း.... နှိုင်းယှဉ်ပြောရတာ ငရဲတောင်ကြီးမလားမသိ။ အခုလည်း ခင်ဗျားတို့ တစ်ယောက်ခြင်း ပေးရတာ နှစ်သိန်းလေ။ ဆင်းမ်ကဒ် တစ်သန်းရောင်းရင် ဘယ်လောက်ရမလဲ? နှစ်သန်းရောင်းရင် ဘယ်လောက်ရမလဲ။ တွက်ကြည့်လေ။ နှစ်သန်းဆို ကျပ်သန်းပေါင်း လေးသိန်း။ သိန်းပေါင်းလေးသန်းဗျ။ ဘယ်လောက်အဆင်ပြေလဲ။ ဟော... အခုလည်းကျရော တစ်ထောင့်ငါးရာတဲ့။ အဲဒါလည်း စေတနာရှိလို့မမှတ်ပါနဲ့။ ဟိုမောင်က တစ်ကဒ် ငါးထောင်နဲ့ ဘယ်နှစ်လအတွင်း အကောင်အထည် ဖေါ်နိုင်ပါတယ် ထလုပ်လို့။ ဒါတောင် အရူးကွက်နင်းသေးတာ။ သူ့အဖေက ဘယ်ကဝန်ထမ်းပါ။ ဒီကောင်ကလည်း ဘာမှအခြေအမြစ်မရှိပါဘူး။ မဖြစ်နိုင်တာတွေ လျှောက်ပြောတာပါနဲ့။ ခင်ဗျားတို့ လည်းသိလိုက်ပါတယ်။ အချိုးမပြေပုံပြောပါတယ်။ ဆင်းရဲတဲ့မိဘ သာမန်ဝန်ထမ်းမိဘက မွေးလာရင်ပဲ ကြီးပွါးချမ်းသာခွင့် မရှိသလိုလို။ အလုပ်ကြီးအကိုင်ကြီး မလုပ်နိုင်သလိုလို။ သူတို့တစ်တွေကပဲ ရွှေဇွန်းကိုက် မွေးလာသလိုလို။ ဘာပဲပြောပြော ကျနော်ကတော့ အဲဒီပုဂ္ဂိုလ်ကို ပြည်သူတွေကိုယ်စား ကျေးဇူးတင်သဗျ။

အခုလည်းကြည့်လေ... အချဉ်ရွေးစရာရှားလို့။ ဝန်ထမ်းတွေမှ မျက်စေ့ကျရတယ်လို့။ 2015 - AFTA ကျရင် ကားဈေးကဘာဖြစ်မယ်မသိ။ ဘယ်မှ ရောင်းမထွက် ဘယ်သူမှမစီးတော့တဲ့ မြန်မာမီနီကို။ သိန်းခြောက်ဆယ်တဲ့။ ဒါပေမဲ့ ကျနော်တို့ နိုင်ငံမှာကလည်း "လူအ"တွေက အများသား။ အမဲသားတုံး ပစ်ကျွေးတာ ကျေးဇူးတင်နေ။ အထဲမှာ အဆိပ်ထည့်ထားတာ မသိဘူး။ အခုလည်း ဝယ်တဲ့သူက ဝယ်ကြဦးမှာပါ။ ကမ္ဘာပေါ်မှာ လိမ်လို့ အကောင်းဆုံး အယုံလွယ်ဆုံးက ကျနော်တို့ လူမျိုးများလားမသိ။

ကျနော်ကတော့ အစိုးရလူကြီးမင်းများကို တောင်းပန်ပါရဲ့။ လူကြီးမင်းတို့နှိပ်စက်ချင်ရင် ပိုက်ဆံရှိတဲ့ သူဌေးတွေ နှိပ်စက်ပါ။ ဘာမှမဟုတ်တဲ့ သာမန်ဝန်ထမ်းတွေ မနှိပ်စက်ပါနဲ့လို့။ ဆင်းရဲသား အောက်ခြေလူတန်းစား ပြည်သူတွေခမျာလည်း ခင်ဗျားတို့ ထင်ရာစိုင်းတာ အနှစ်လေးငါးဆယ် ခံရပြီးပါပြီ။ ရှင်ကြီးဝမ်းလည်း ဝင်ခဲ့ဖူးပါပြီ။ ရှင်ငယ်ဝမ်းလည်း ဝင်ခဲ့ဖူးပါပြီ။ ချေးစော်နံလို့လည်း ပြန်ခဲ့ဖူးပါပြီ။ နောက်လာတဲ့ မောင်ပုလဲ ဒိုင်းဝန်ထက် မကဲချင်ကြပါနဲ့တော့။ ရေနစ်သူ ဝါးကူမထိုးကြပါနဲ့။ မြေနိမ့်ရာ လှံမစိုက်ကြပါနဲ့တော့။ သုမန ကျောမှာ ဒါဏ်ရာတွေနဲ့ပါ။ နာလွန်း ပူလွန်းလို့ ငှက်ပျောဖက်ခင်း အိပ်နေရကြောင်းပါလို့....

ချမ်းငြိမ်းအေး
15-09-2013
Maung Aye