အဝလွန် ကိုယ်ဝန်ဆောင်မှ မွေးသော ကလေးများ နှလုံးရောဂါ ဖြစ်နိုင်ခြေ ပိုများ
ပို့စ်တင်ချိန်
- 8/15/2013 02:55:00 PM
အက်ဒင်းဘတ်၊ သြဂုတ် ၁၄
ဗြိတိန် ဆေးပညာ ဂျာနယ်တွင် ဖော်ပြချက်အရ အဝလွန်နှင့် ဝသော ကိုယ်ဝန်ဆောင်များမှ မွေးဖွားသောကလေးများသည် နှလုံးရောဂါ ဖြစ်နိုင်ခြေ ပိုများကြောင်း BBC သတင်းတွင် ဖော်ပြထားသည်။
အဝလွန်နှင့် ဝသော ကိုယ်ဝန်ဆောင်များမှ မွေးဖွားသော ကလေးများသည် အသက် ၅၅ နှစ် မတိုင်မီ သေဆုံးနိုင်ခြေမှာ ၃၅ ရာခိုင်နှုန်း ပိုများကြောင်း စကော့တလန် သုတေသီများ၏ တွေ့ရှိချက်အရ သိရသည်။
သို့သော် ၎င်းတို့၏ မျိုးဗီဇ ဆက်သွယ်ချက်၊ မိခင် ဝမ်းတွင်းရှိ လွှမ်းမိုးခံရသည့် အခြေအနေနှင့် မွေးဖွားပြီး နောက်ပိုင်း ဘဝ နေထိုင် စားသောက်ပုံတို့၏ အဆက်အစပ်ကိုမူ မသိရှိကြောင်း အဆိုပါ သတင်းတွင် ဖော်ပြထားသည်။
သို့သော် ၎င်းတို့၏ ယခု တွေ့ရှိချက်သည် အရေးကြီးသော ပြည်သူ့ ကျန်းမာရေး ပြဿနာ ဖြစ်ကြောင်း သုတေသီများက ပြောကြားသည်။
ဗြိတိန်၌ ဆေးရုံတွင် ပြသသော ကိုယ်ဝန်ဆောင် မိခင် ငါးဦးတွင် တစ်ဦးမှာ အဝလွန်လျက် ရှိသည်။
ဗြိတိန် သုတေသီတို့၏ လေ့လာချက်အရ အမျိုးသမီး ၂၈,၅၄၀ ဦး၏ ကိုယ်ဝန်ဆောင်စဉ် ပထမဆုံး ဆေးစစ်ချက် မှတ်တမ်းများ ရှိပြီး ၎င်းတို့မှ မွေးဖွားသော သားသမီး ၃၇,၇၀၉ ဦးမှာ ယခုအခါ အသက် ၃၄ နှစ် နှင့် ၆၁ နှစ်အရွယ် ရှိနေပြီ ဖြစ်သည်။
အဆိုပါ ကိုယ်ဝန်ဆောင် မိခင်များထဲမှ ငါးဦးတွင် တစ်ဦး၏ ကိုယ်အလေးချိန် ညွှန်ကိန်း(Body Mass Index -BMI) မှာ ၂၅ မှ ၂၉ ဒသမ ၉ရှိရာ ဝသောသူများဟု သတ်မှတ်နိုင်ပြီး ၎င်းတို့ထဲမှ ၄ ရာခိုင်နှုန်း မှာ BMI ညွှန်ကိန်း ၃၀ အထက် ရှိ၍ အဝလွန်သူများ ဖြစ်ကြသည်။
ထို့ပြင် အဝလွန်သော ကိုယ်ဝန်ဆောင် မိခင်များမှ မွေးဖွားသူများသည် ကိုယ်အလေးချိန် ပုံမှန်ရှိသူများမှ မွေးဖွားသူများထက် အချိန်မတိုင်မီ သေဆုံးမှုနှုန်းမှာ ၃၅ ရာခိုင်နှုန်း ပိုမိုပြီး နှလုံးရောဂါ၊ လေသင် တုန်းဖြတ် ရောဂါနှင့် ရင်ခေါင်း စူးအောင့်ခြင်း ဝေဒနာများဖြင့် ဆေးရုံ တက်ရမှု နှုန်းမှာ ၄၂ ရာခိုင်နှုန်း ပိုများသည်။
ယခု တွေ့ရှိချက်အရ ကိုယ်ဝန်ဆောင် မိခင်များ အနေနှင့် ကိုယ်ဝန်ဆောင်စဉ် ကျန်းမာသော ကိုယ်အလေးချိန် ရှိနေရန်၊ ချင့်ချိန် စားသုံးရန်နှင့် ကိုယ်လက် လှုပ်ရှားမှု ပြုလုပ်ရန် လိုအပ်ကြောင်း ယခုသုတေသနကို ဦးဆောင်ခဲ့သည့် Edinburgh တက္ကသိုလ်မှ ပါမောက္ခ ရေဘက်ကာရေး နောလ်က ပြောကြားသည်။
ယခင် လေ့လာချက်များအရ ကိုယ်ဝန်ဆောင်စဉ် အဝလွန်ခြင်းနှင့် အစာ စားချင်စိတ်ကို ထိန်းချုပ်ခြင်း နှင့် ကိုယ်ခန္ဓာ ဇီဝဖြစ်စဉ်တို့တွင် အဆက်အစပ် ရှိသည်ဟု တွေ့ရှိထားသည်။
The Voice Weekly
