ဟောင်ကောင်တွင် ပြင်းထန်သော မုန်တိုင်းတိုက်ခတ်၊ တရုတ်ပြည်သို့လည်းဦးတည်နေ

ပို့စ်တင်ချိန် - 8/15/2013 02:59:00 PM

AFP

ဖိလစ်ပိုင်နိုင်ငံ မြောက်ပိုင်းတွင် တိုက်ခတ်ခဲ့ပြီး လူခြောက်ဦးသေဆုံးခဲ့ရသည့် ယူတော်မုန်တိုင်းသည် ဟောင်ကောင်သို့ ၀င်ရောက်တိုက်ခတ်လာသောကြောင့် ကျောင်းများ၊ ဈေးများနှင့် လေယာဉ်ပျံသန်းမှုခ ရီးစဉ်များကို ရပ်နားခဲ့ရကြောင်း သြဂုတ် ၁၄ ရက်က အေအက်ဖ်ပီသတင်းဌာနတွင် ဖော်ပြထားသည်။

တစ်နာရီ ၆၂ မိုင်လေတိုက်နှုန်းဖြင့် တိုက်ခတ်နေသော ယင်းမုန်တိုင်းကြောင့် လေပြင်းများတိုက်ခတ်ခြင်း၊ မိုးသည်းထန်စွာ ရွာသွန်းခြင်းများ ဖြစ်ပေါ်နေသောကြောင့် အဆင့်ရှစ်ဖြစ်သော အရေးပေါ်အခြေအနေ ကြေညာထားရသည်။

လေယာဉ်ခရီးစဉ် ၁၀၀ ကျော်ပယ်ဖျက်ခဲ့ရပြီး၊ ခရီးစဉ် ၁၇၄ ခုလည်းနှောင့်နှေးခဲ့ရသည်။ တရုတ်နှင့်အ သွားအလာပြုလုပ်နေသော ရေကြောင်းခရီးစဉ်များကိုလည်း ပယ်ဖျက်ခဲ့ရသောကြောင့်၊ လူပေါင်းများစွာ သင်္ဘောဆိပ်များတွင် ပိတ်မိနေသည်။

ယင်းမုန်တိုင်းသည် တရုတ်ပြည်၊ ကွန်တုံပြည်နယ်သို့လည်း ဦးတည်နေသောကြောင့်၊ တရုတ်အစိုးရက ယာယီစခန်း ၁၇ ခုဖွင့်လှစ်ပေးထားသည်။

မုန်တိုင်းသည် လွန်ခဲ့သောနှစ်ရက်ခန့်က ဖိလစ်ပိုင်တွင် တိုက်ခတ်ခဲ့သောကြောင့် နေရာအနှံ့ မိုးသည်းထန် စွာ ရွာသွန်းခဲ့ပြီး၊ စိုက်ခင်းများပျက်စီးခဲ့ရသည်။ ငါးဖမ်းသမား ၂၃ ဦးထက်မနည်းမှာလည်း ပျောက်ဆုံးနေသည်။

ထို့အပြင် ခရီးသည်ပေါင်း ၈၀၀၀ ကျော်မှာလည်း ပိတ်မိနေပြီး ကုန်တင်ကားများမှာလည်း ကမ်းခြေတွင် ရပ်နားထားရသည်။
Mizzima - News in Burmese