ရန်ကုန်မြို့ ယာဉ်ကြောပိတ်ဆို့မှု ပြဿနာ နည်းမျိုးစုံဖြင့် ဖြေရှင်းနေသည့်ကြားမှ ပိုမိုဆိုးရွားလာပြီး နယ်ပယ်အသီးသီးရှိ လူမှုဘ၀များကိုပါ ထိခိုက်လာ
ပို့စ်တင်ချိန်
- 7/15/2013 10:19:00 AM
ရန်ကုန်မြို့ မဟာဗန္ဓုလပန်းခြံ လမ်းတစ်လျှောက် ယာဉ်ကြောပိတ်ဆို့ နေသည်ကို ဇူလိုင် ၁၄ ရက် မွန်းလွဲပိုင်းက တွေ့ရစဉ်
လက်ရှိ ရန်ကုန်တိုင်း ဒေသကြီးတွင် ယာဉ်ကြောပိတ်ဆို့မှု ပြဿနာကို မဖြေရှင်းနိုင် သေးသဖြင့် နယ်ပယ်အသီးသီးရှိ လူမှုဘ၀များကိုပါ ထိခိုက်မှုရှိလာကြောင်း ပြည်သူများထံမှ သိရသည်။
ကားများတင်သွင်းခွင့် ပိုမိုလွတ်လပ် လာပြီးနောက် ကားအများအပြား တင်သွင်းလာခဲ့ပြီး ယာဉ်ကြောပိတ်ဆို့မှု ပြဿနာကို နည်းမျိုးစုံဖြင့် ဖြေရှင်းနေသည့်ကြားက ပိုမိုဆိုးရွား လာခြင်းဖြစ်ပြီး အလွှာစုံ နယ်ပယ်အသီးသီးရှိ လူမှုဘ၀များကို ထိခိုက်မှု ရှိလာခဲ့ခြင်း ဖြစ်သည်။
''မြို့ထဲက တိုက်ခန်းတွေ ဈေးမြောက်ပြီး မငှားနိုင်လို့ ဒဂုံဆိပ်ကမ်းကို ရွှေ့လာရတယ်။ မနက်ဆို ရုံးချိန်မီအောင် အစောကြီး အိပ်ရာ ထရတယ်။ တစ်နေ့တစ်နေ့ ကားပေါ်မှာ သုံးလေးနာရီ အချိန်ကုန်ရတယ်။ တစ်နေ့လုံး ကားပေါ်မှာ အချိန်ကုန်ရတာများတော့ အလုပ်ထဲလည်း ကောင်းကောင်း အာရုံမစိုက်နိုင်။ တစ်နေကုန် ပင်ပန်းတော့ အိမ်ကျတော့ မိသားစုဘ၀ဆိုတာ မရှိတော့ဘူး။ စင်ကာပူလို ဖြစ်ချင်တဲ့ သမ္မတကြီးနဲ့ ခုံးကျော်တံတားတွေ လေးလနဲ့ဆောက်မယ့် ၀န်ကြီးတွေကို ကားကျပ်ကျပ်တွေ အကြာကြီး စီးနေရတဲ့ အချိန်တွေမှာ သတိရတယ်လို့ ပြောပေးပါဗျာ'' ဟု ကုမ္ပဏီဝန်ထမ်း တစ်ဦးဖြစ်သူ ကိုကျော်ကျော်က ပြောပါသည်။
ယာဉ်များ တင်သွင်းခွင့် လွတ်လပ်လာသဖြင့် ကားဈေးကွက် အတွင်း ကားဈေးနှုန်းများလည်း ခေါက်ချိုးကျော်သည်အထိ ထိုးကျခဲ့သော်လည်း ယင်း၏ အကျိုးသက်ရောက်မှုသည် ယခင်ကားဝယ် မစီးနိုင်သေးသည့် လူလတ်တန်းစား အများစုကို ကားဝယ်စီးနိုင်သည့် လူတန်းစားအဖြစ် လူနေမှု အဆင့်အတန်းကို မြှင့်တင်မပေး နိုင်သည်ကို တွေ့ရသည်။
မူလက ကားဈေးနှုန်းများ မကျသေးခင်က ကားဝယ်စီးနိုင်သူ လူတန်းစား တစ်ရပ်သာ ယခင်ကားတစ်စီး ပိုင်သူများက သုံးလေးစီး ၀ယ်စီးနိုင်ခဲ့သည့် ပြောင်းလဲမှု တစ်ခုကို ဖန်တီးနိုင်ခဲ့သည်။
သို့သော်လည်း ရန်ကုန်မြို့အတွင်း ကားအစီးရေ များပြားလာ ခြင်းကြောင့် ယာဉ်ကြောပိတ်ဆို့မှု များက ကားဝယ်စီးနိုင်သူများ သာမက ကားဝယ်မစီး နိုင်သေးသည့် လူလတ်တန်းစား၊ အောက်ခြေ လူတန်းစားများ၏ လူနေမှုဘ၀များကို ထိခိုက်လာခဲ့သည်ဟု ပြည်သူအများစုက မှတ်ချက်ပြုခဲ့ကြသည်။
ယာဉ်ကြောပိတ်ဆို့မှုကြောင့် နယ်ပယ်အသီးသီးရှိ လူမှုဘ၀များကို ထိခိုက်မှု ရှိလာသည် ဆိုရာတွင် နေ့လုပ်နေ့စားများ၊ အစိုးရနှင့် ကုမ္ပဏီ ၀န်ထမ်းများ၊ တက္ကစီ ယာဉ်မောင်းများ၊ ဘတ်စ်ကား စပယ်ယာများ၊ ဘတ်စ်ကား ယာဉ်မောင်းများ၊ နေ့စဉ် ဘတ်စ်ကားစီး ခရီးသည်များနှင့် လုပ်ငန်းရှင်များအထိ ဖြစ်ကြောင်း ယာဉ်ကြော ပိတ်ဆို့မှုကြောင့် လူမှုဘ၀ ထိခိုက်နေရသူများက ပြောကြားသည်။
တစ်နေ့လုံး ကားပေါ်မှာ အချိန်ကုန်ရတာများတော့ အလုပ်ထဲလည်း ကောင်းကောင်း အာရုံမစိုက်နိုင်။ တစ်နေကုန် ပင်ပန်းတော့ အိမ်ကျတော့ မိသားစုဘ၀ဆိုတာ မရှိတော့ဘူး။ စင်ကာပူလို ဖြစ်ချင်တဲ့ သမ္မတကြီးနဲ့ ခုံးကျော်တံတားတွေ လေးလနဲ့ဆောက်မယ့် ၀န်ကြီးတွေကို ကားကျပ်ကျပ်တွေ အကြာကြီး စီးနေရတဲ့ အချိန်တွေမှာ သတိရတယ်လို့ ပြောပေးပါဗျာ...
အထူးသဖြင့် ယာဉ်ကြော ပိတ်ဆို့မှုကြောင့် မြို့သစ်များတွင် နေထိုင်သူများ၏ ကိုယ်ပိုင် အားလပ်ချိန်များသည် ဘတ်စ်ကားများပေါ်တွင် ကုန်ဆုံးနေရကြောင်း မြို့သစ်နေသူများက ဆိုသည်။
''ကျွန်မက ဒဂုံဆိပ်ကမ်းမြို့နယ်မှာ နေပါတယ်။ ရုံးဆင်းချိန်က ညနေ ၅ နာရီ။ ဘတ်စ်ကားစောင့် ရတာက နာရီဝက်။ ကျပ်ကျပ်သိပ်သိပ်နဲ့ ကားပေါ်မှာ စီးရတဲ့ကြားထဲ လမ်းပိတ်ကားပိတ်လို့ အစောဆုံး အိမ်ပြန်ရောက်ချိန်က ၈ နာရီခွဲ ၉ နာရီပဲ။ မနက်ဆို ရုံးချိန်ထက် ၂ နာရီ ၃ နာရီ အိမ်က စောထွက်ရပါတယ်။ ဒါကြောင့် မိသားစု အချိန်မပေးနိုင်လို့ မိသားစုဘ၀ကို မခံစားနိုင်ဘူး'' ဟု ဒဂုံမြို့သစ်၌နေသော ကုမ္ပဏီဝန်ထမ်း တစ်ဦးဖြစ်သူ မသိန်းသိန်းက ဆိုပါသည်။
အလားတူ နေ့လုပ်နေ့စားများ အနေဖြင့်လည်း ယာဉ်ကြောပိတ်ဆို့ မှုကြောင့် လူမှုဘ၀ ထိခိုက်နေရခြင်းနှင့် ပတ်သက်၍ ဆောက်လုပ်ရေး လုပ်ငန်းခွင်များတွင် ပန်းရံအလုပ်သမား အဖြစ် လုပ်ကိုင်နေသူ တစ်ဦး ဖြစ်သော ကိုစိုးထွန်းက ''နေ့လုပ်နေ့စား အများစုက လှိုင်သာယာ၊ ရွှေပြည်သာ၊ ဒဂုံမြို့သစ်လို နေရာတွေကနေ လာပြီး မြို့ထဲမှာလာ အလုပ်လုပ် ကြရတာပါ။ ကားပိတ်လို့ လုပ်ငန်းခွင် အချိန်မီ မရောက်ရင် အလုပ်ပြုတ်မှာစိုးလို့ မနက် ၄၊ ၅ နာရီလောက် ကတည်းက အိမ်က ထွက်ရတယ်။ ကားပိတ်လို့ နေ့တိုင်းမိုးချုပ်မှ အိမ်ပြန်ရောက်တယ်။ တစ်နေ့လုပ်မှ တစ်နေ့စားဆိုတော့ အချို့နေ့တွေမှာ ကိုယ့်ဆီက ပိုက်ဆံရမှ ချက်ပြုတ်ရမှာ ဆိုတော့ ကိုယ်နောက်ကျလို့ မိသားစုက ကိုယ့်ကိုစောင့်ပြီး ထမင်းစားရတာတွေ ရှိတယ်'' ဟု ရင်ဖွင့်ခဲ့သည်။
ကားပိတ်မည် စိုးသဖြင့် လမ်းကြော ရှောင်မောင်းရသဖြင့် အချိန်ပိုကုန်သဖြင့် အကြောင်းရေများများ မဆွဲနိုင်သည့်အပြင် ဒီဇယ်၊ ဓာတ်ဆီ၊ ဂက်စ်ပိုကုန်သဖြင့် ၀င်ငွေကို များစွာ ထိခိုက်နေရကြောင်းလည်း တက္ကစီယာဉ်မောင်း များထံမှ သိရသည်။
ထို့ပြင် ယာဉ်ရပ်နားရာ နေရာများ ရှားပါးမှုကြောင့် ရန်ကုန်မြို့ရှိ လမ်းဘေးဝဲယာ တစ်လျှောက် ကားများ ဦးရာလူစနစ်ဖြင့် ယာဉ်ရပ်နားလျက်ရှိပြီး ယာဉ်နှစ်ထပ်၊ သုံးထပ် ရပ်နားမှုများကလည်း ယာဉ်ကြော ပိတ်ဆို့မှုကို ပိုမိုဆိုးရွားစေခဲ့သည်။ အချက်အချာကျရာ နေရာများတွင် ယာဉ်ရပ်နားရန် နေရာရှားပါးမှုကြောင့် သွားလာရန် ပိုမိုခက်ခဲလာခဲ့ပြီး သက်ရောက်မှု အနေဖြင့် အဆိုပါ နေရာများရှိ အရောင်းဆိုင်ခန်းများတွင် လူဝင်ရောက်မှု လျော့နည်းလာခဲ့ကာ ဈေးရောင်း ဈေးဝယ် လူတန်းစားများ၏ လူမှုဘ၀များကိုပါ ထိခိုက်လာခဲ့ကြောင်း သိရသည်။
ထိုသို့ ရန်ကုန်မြို့တွင် ဆိုးရွားစွာ ယာဉ်ကြော ပိတ်ဆို့မှုကြောင့် လမ်းပေါ်တွင်သာ အချိန်ကုန် နေရသဖြင့် လုပ်ငန်းရှင်များ အပါအ၀င် နယ်ပယ်အသီးသီးမှ ပြည်သူများ၏ လုပ်ငန်းပိုင်းဆိုင်ရာ ကြန့်ကြာမှုများလည်း ရှိနေကြောင်း သိရသည်။
စီးပွားရေး ပညာရှင် ပါမောက္ဓ ဒေါ်ရီရီမြင့်က ''နောက်ဆက်တွဲ ဖြစ်လာနိုင်ခြေတွေကို စဉ်းစားတာ အားနည်းလို့ ခုလိုဖြစ်နေတာပါ။ အရင်ထက် ကားဈေးကျလို့ ကားစီး နိုင်တာတွေ များလာတယ်။ လမ်းတွေကို ကြိုပြီးပြင်ဆင် မထားတော့ လမ်းတွေပိတ်ကုန် ကျပ်ကုန်တယ်။ ကားတွေများလာတယ် ဆိုပေမယ့် လူတွေ အဆင်မပြေကြဘူး။ အခုထိ ကားတွယ်စီးနေကြတာ။ ကားဂိတ်မှာ လူတွေစုပြုံတိုးဝှေ့ပြီး စီးနေရတာ မြင်ရတာ စိတ်မကောင်းဘူး။ မြန်မာပြည်က ဘာမှအဆင်သင့် မဖြစ်ဘူး။ လတ်တလော အဆင်မပြေတာ နားလည်ပေးလို့ ရပေမယ့် အ စိုးရက အမြန်ဆုံး ဖြေရှင်းဖို့လိုတယ်။ ကားဝယ်စီးတာက ပြည်သူတွေရဲ့ အခွင့်အရေးပဲ။ အစိုးရက လမ်းတွေ၊ တံတားတွေ ဖောက်ပေးဖို့ လုံလောက်အောင် ပြင်ဆင်ဖို့ တာဝန် ရှိတယ်'' ဟု ထင်မြင်ချက် ပေးပါသည်။
ရန်ကုန်မြို့၏ ယာဉ်ကြော ပိတ်ဆို့မှု ပြဿနာသည် ၂၀၁၁ ခုနှစ်မှ စတင်ကာ သိသာလာခဲ့ခြင်း ဖြစ်ပြီး အစိုးရမှ ခုံးကျော်တံတားများနှင့် လမ်းများပြုပြင် တိုးချဲ့ခြင်းများ ဆောင်ရွက်နေသည့် လမ်းပိတ်ဆို့မှုသည် ပိုမိုဆိုးရွားလာခြင်း ဖြစ်သည်။
မဟာဗန္ဓုလ လမ်းပေါ်တွင် ယာဉ်ကြောကျပ်နေမှုကို ဇူလိုင် ၁၃ ရက်နေ့က တွေ့ရစဉ် (ဓာတ်ပုံ-ကောင်းသန့်)
ယာဉ်ကြောပိတ်ဆို့မှု ပြဿနာသည် နေ့စဉ်သွားလာ လှုပ်ရှားနေသည့် အများပြည်သူများ အကြားသာမက ရန်ကုန်မြို့တော်သို့ လာရောက်ကြသော နိုင်ငံခြား ခရီးသွားများ၊ နိုင်ငံတကာ စီးပွားရေး လုပ်ငန်းရှင်များပါ ရိုက်ခတ်မှု ရှိလာခဲ့ကြောင်း သိရသည်။ ရန်ကုန်မြို့၏ အဓိက ၀င်ပေါက်ဖြစ်သည့် ရန်ကုန် အပြည်ပြည်ဆိုင်ရာ လေဆိပ်မှ မြို့တွင်းသို့ ၀င်ရောက်သည့် အဓိက လမ်းမကြီးများ ဖြစ်သည့် ပြည်လမ်းနှင့် ကမ္ဘာအေး ဘုရားလမ်းများတွင်ပါ ယာဉ်ကြောပိတ်ဆို့မှု ပိုမိုဆိုးရွား လာခြင်းကြောင့် နိုင်ငံခြား ခရီးသွားများအကြား ရန်ကုန် မြို့၏ ယာဉ်ပိတ်ဆို့မှုသည် ပြောစမှတ်တွင်စ ပြုလာခဲ့သည်။
တစ်ချိန်က အာရှတိုက်၏ နာမည်ကျော် မြို့ကြီးတစ်မြို့၏ အလှအပနှင့် ခမ်းနားထည်ဝါမှု အငွေ့အသက်တို့ကို တွေ့မြင်လို၍ လာရောက် လေ့လာကြသည့် နိုင်ငံခြား ခရီးသွား ဧည့်သည်များသည်လည်း ရန်ကုန်မြို့၏ ယာဉ်ကြောပိတ်ဆို့မှုကို စတင်ခံစားကြရပြီး ခင်းလက်စလမ်းများ၊ ပြုပြင်ဆဲလမ်းများ၊ ချိုင့်ခွက်များကြားမှ တရွေ့ရွေ့ မောင်းနှင်သော ကားပေါ်တွင်သာ တစ်နေ့တာ အချိန်များစွာကို ကုန်ဆုံးလျက် ရှိသည်။
ရန်ကုန်မြို့ရှိ တည်ဆောက်ဆဲ ခုံးကျော်တံတား လုပ်ငန်းခွင်အနီး ပတ်ဝန်းကျင်များနှင့် လမ်းခင်းကျင်း ချဲ့ထွင်နေသည့်နေရာ ပတ်ဝန်းကျင်များတွင် ယာဉ်ကြောပိတ်ဆို့မှု အပြင် တည်ဆောက်ပြီး ခုံးကျော်တံတား ပတ်ဝန်းကျင်၌လည်း ယာဉ်ကြောပိတ်ဆို့မှုများ ရှိနေဆဲပင် ဖြစ်သည်။ မိုးတွင်းကာလ ဖြစ်သဖြင့် လမ်းများပေါ်တွင် ရေကြီးရေလျှံကာ ယာဉ်ကြော ပိတ်ဆို့မှုကို ပိုမိုဖြစ်ပေါ်စေကြောင်း ရန်ကုန်မြို့တွင်း နေ့စဉ်သွားလာနေသူ၏ ပြောကြားချက်များအရ သိရသည်။
ရန်ကုန်မြို့တွင်း ယာဉ်ကြော ပိတ်ဆို့မှု ပြဿနာကို ဖြေရှင်းနိုင်ရန်အတွက် အဓိက လမ်းဆုံနေရာများတွင် ခုံးကျော်တံတားများ ဆောက်လုပ်ရန် ၂၀၁၁ ခု နှစ်ကုန်ပိုင်းတွင် စတင်စီစဉ်ခဲ့ကာ လှည်းတန်း၊ ရွှေဂုံတိုင်၊ ဘုရင့်နောင်နှင့် တာမွေ ငါးလမ်းဆုံ မီးပွိုင့်များတွင် ခုံးကျော်တံတားများကို လေးလအတွင်း အပြီးတည်ဆောက်မည်ဟု ထုတ်ပြန်ခဲ့သည်။ သို့သော် လှည်းတန်း ခုံးကျော်တံတားကို ၂၀၁၂ ခုနှစ် ဖေဖော်ဝါရီလမှသာ ပန္နက်တင်ကာ စတင် တည်ဆောက်နိုင်ခဲ့ပြီး ဘုရင့်နောင် ခုံးကျော်တံတား၊ ရွှေဂုံတိုင် ခုံးကျော်တံတားများကို ဆက်လက် တည်ဆောက်ဆဲဖြစ်ကာ တာမွေငါးလမ်းဆုံ ခုံးကျော်တံတားမှာမူ မဆောက်လုပ် ဖြစ်တော့ဟုလည်း ထုတ်ပြန်ခဲ့သည်။
ခုံးကျော်တံတား ဆောက်လုပ်သည့် နေရာများမှာ ရန်ကုန်မြို့ရှိ အဓိက ခြောက်လမ်းသွားများ ဖြစ်သည့် ပြည်လမ်း၊ ကမ္ဘာအေး စေတီလမ်းနှင့် ဘုရင့်နောင် လမ်းမများပေါ်တွင် ဖြစ်သောကြောင့် ခုံးကျော်တံတား ဆောက်လုပ်နေစဉ် ကာလများအတွင်း ယာဉ်ကြောပိတ်ဆို့မှုများ ဆိုးရွားစွာ ဖြစ်ပေါ်ခဲ့ကြောင်း၊ လှည်တန်း ခုံးကျော်တံတားကို တည်ဆောက်ချိန် တစ်နှစ်ကျော်ကြာသည့် ၂၀၁၃ ခုနှစ် ဧပြီလတွင် စတင်အသုံးပြုခွင့် ပေးခဲ့ကြောင်း သိရသည်။ လှည်းတန်းခုံးကျော် တံတားပြီးစီးကာ အသုံးပြုခွင့်ရ၍ လှည်းတန်း အနီးတစ်ဝိုက် ယာဉ်ကြောပိတ်ဆို့မှု အနည်းငယ် သက်သာသွားသော်လည်း ခုံးကျော်တံတားအဆင်း စိုက်ပျိုးရေး မှတ်တိုက်အနီးမှ စတင်၍ ဟံသာဝတီလမ်း တောက်လျှောက် ယာဉ်ကြောများ ပိတ်ဆို့လာပြီး မိုးရွာသည့် အချိန်များတွင် ပိုမိုဆိုးရွား နေသည်ဟု သိရသည်။
သို့ဖြစ်ရာ ခုံးကျော်တံတား ဆောက်လိုက်သော်လည်း ယာဉ်ကြော ပိတ်ဆို့မှုကို အနည်းငယ်သာ ဖြေရှင်းနိုင်သည့် အတွက် ထပ်မံ ဆောက်လုပ်နေသည့် ခုံးကျော်တံတား နှစ်စင်းမှာလည်း ယာဉ်ကြော ပိတ်ဆို့မှုများကို အများအပြား ဖြေရှင်းနိုင်ခြင်း ရှိမရှိမှာ မသေချာသည့် အနေအထားပင် ဖြစ်နေကြောင်း သုံးသပ်နေကြသည်။
ထို့နောက် တိုးပွားသည့် ယာဉ်အစီးရေနှင့်အတူ လိုက်လျောညီထွေဖြစ်မည့် လမ်းချဲ့ထွင်မှုများကို စဉ်းစားခဲ့ကြကြောင်း၊ သို့သော် လမ်းချဲ့ထွင်မှု များမှာလည်း အကန့်အသတ်ဖြင့်သာ ချဲ့ထွင်၍ရပြီး အများအပြား ပြုလုပ်၍ မရနိုင်ကြောင်း ရန်ကုန်မြို့တော် စည်ပင်သာယာရေး ကော်မတီမှ သိရသည်။ ထို့အတွက် လမ်းပေါ်တွင် ယာဉ်များ ရပ်တန့်၍ ယာဉ်ကြောပိတ်ဆို့မှုများ မဖြစ်စေရန်အတွက် လမ်းသားများအား ချဲ့ထွင်၍ အခမဲ့ ကားပါကင်များ ပြုလုပ်ပေး၍လည်း ဖြေရှင်းခဲ့ကြောင်း၊ ဗိုလ်ချုပ်အောင်ဆန်းလမ်း၊ သိမ်ဖြူလမ်း၊ ဗိုလ်တထောင် ဘုရားလမ်း၊ ရေကျော်အနီး၊ အထက်ကြည့်မြင်တိုင် လမ်းများရှိ နေရာအချို့တွင် အခမဲ့ ယာဉ်ရပ်နားနိုင်သည့် နေရာများ ပြုလုပ်ပေးခဲ့ကြောင်း သို့သော် ယာဉ်ရပ်နားသည့် နေရာများတွင် ဈေးသည်အချို့ ဈေးရောင်းချခြင်းနှင့်အတူ ဓာတ်တိုင်များ ခံနေခြင်း စသည့်တို့ကြောင့် အချို့ယာဉ်များ မရပ်ဘဲ လမ်းပေါ်တွင်သာ ရပ်နေခြင်းကြောင့် ယာဉ်ကြောများ ပိတ်ဆို့နေဆဲပင် ဖြစ်ကြောင်း သိရသည်။
နောက်ဆက်တွဲ ဖြစ်လာနိုင်ခြေတွေကို စဉ်းစားတာ အားနည်းလို့ ခုလိုဖြစ်နေတာပါ။ အရင်ထက် ကားဈေးကျလို့ ကားစီး နိုင်တာတွေ များလာတယ်။ လမ်းတွေကို ကြိုပြီးပြင်ဆင် မထားတော့ လမ်းတွေပိတ်ကုန် ကျပ်ကုန်တယ်။ ကားတွေများလာတယ် ဆိုပေမယ့် လူတွေ အဆင်မပြေကြဘူး။ အခုထိ ကားတွယ်စီးနေကြတာ။ ကားဂိတ်မှာ လူတွေစုပြုံတိုးဝှေ့ပြီး စီးနေရတာ မြင်ရတာ စိတ်မကောင်းဘူး။ မြန်မာပြည်က ဘာမှအဆင်သင့် မဖြစ်ဘူး...
ယင်းအပြင် ယာဉ်ရပ်နား စခန်းများဖြင့် ယာဉ်ကြောပိတ်ဆို့မှု ဖြေ ရှင်းရန် စဉ်းစားခဲ့ကြပြီး လက်ရှိဗိုလ်ချုပ်ဈေး လဟာပြင်မြေကွက် နေရာရှိ ယာဉ်ရပ်နား စခန်းအပြင် သူနာပြု တက္ကသိုလ်ရှေ့တွင် ယာဉ်ရပ်နား စခန်းတစ်ခုနှင့် ဗိုလ်တထောင် အမှတ်(၆) သစ်စက်ဝင်း အတွင်း ကွန်တိန်နာ ယာဉ်ရပ်နားစခန်း တစ်ခုကိုလည်း အကောင်အထည် ဖော်ခဲ့ကြောင်း၊ သို့သော် သူနာပြု တက္ကသိုလ်ရှေ့ရှိ ယာဉ်ရပ်နားစခန်းမှာ ဟံသာဝတီ ယာဉ်ရောင်းဝယ်ရး စခန်းမှ ယာဉ်ရောင်းဝယ်ရေး လုပ်ငန်းများ ပြောင်းရွှေခဲ့သောကြောင့် အသုံးပြုနိုင်ခြင်း မရှိကြောင်း သိရသည်။
သို့ဖြစ်၍ လမ်းများချဲ့ထွင်မှုများကို ပြုလုပ်ခဲ့သော်လည်း ယာဉ်ကြောပိတ်ဆို့မှုမှာ လျော့ကျသွားခြင်း မရှိသေးဘဲ ပိုဆိုးရွားပြီး ယာဉ်ကြောပိတ်ဆို့မှု များကြောင့် ခရီးသွား ပြည်သူများ လမ်းပေါ်တွင်သာ အချိန်များ ကုန်ဆုံးနေရကြောင်း၊ ရန်ကုန်မြို့ရှိ လမ်းများချဲ့ထွင်စရာ ကုန်သွားပါက ရန်ကုန်မြို့တွင်း သွားလာ ၀င်ထွက်သည့် ကားအရေအတွက်ကို ကန့်သတ်သွားမည့် အစီအစဉ်ကို ပြုလုပ်ပေးရမည် ဖြစ်ကြောင်း ဇွန် ၁၂ ရက်က ရန်ကုန်မြို့တော် ခန်းမတွင် ပြုလုပ်ခဲ့သော ရန်ကုန်မြို့တွင်း သယ်ယူပို့ဆောင်ရေး လျင်မြန်မှုဆိုင်ရာ ဆွေးနွေးပွဲတွင် ရန်ကုန်မြို့တော်ဝန် ဦးလှမြင့်က ပြောကြားခဲ့သည်။
ရန်ကုန်မြို့တွင်းရှိ အထပ်မြင့် အဆောက်အအုံ ဆောက်လုပ်ရာတွင် လေးထပ်နှင့် အထက်ဆိုပါက ယာဉ်ရပ်နားရန်နေရာ (ကားပါကင်)ကို တစ်ခန်းလျှင် တစ်စီးစာ မဖြစ်မနေ ထည့်သွင်းရန် ညွှန်ကြားထားကြောင်း သိရသည်။ သို့သော် ရန်ကုန် မြို့တွင်း အဆောက်အအုံများတွင် ကားပါကင် မလုံလောက်သည့် အခြေအနေများကြောင့် ယာဉ်ကြောများ ပိတ်ဆို့နေ၍ အထပ်မြင့် အဆောက်အအုံကြီးများ ဆောက်လုပ်မည် ဆိုပါက ကားပါကင် အလုံအလောက် ထားရှိရန် တင်ပြလာမှသာ ဆောက်လုပ်ခွင့် ပြုသင့်ကြောင်းလည်း ရန်ကုန်မြို့တွင် သယ်ယူပို့ဆောင်ရေး ဆိုင်ရာများကို လေ့လာခဲ့သော JICA အဖွဲ့မှ သုံးသပ်ခဲ့ပြီး ဂျပန်နိုင်ငံတွင် ကိုယ်ပိုင်ကား ရပ်နားရန် နေရာရှိမှသာ ကားဝယ်ယူခွင့် ရှိကြောင်းလည်း သိရသည်။
ထပ်မံ၍ ဆီးဂိမ်းစ်ပြိုင်ပွဲအတွက် ရည်ရွယ်၍ ယာဉ်ကြောပိတ်ဆို့မှု လျော့နည်းစေရန် ရန်ကုန်မြို့တွင်းရှိ အနော်ရထာလမ်း၊ ကမ်းနားလမ်း၊ ကုန်သည်လမ်း၊ စသည့်လမ်းများပေါ်တွင် အခမဲ့ ယာဉ်ရပ်နားနိုင်သည့် နေရာများ ထပ်မံတိုးချဲခြင်းနှင့် အတူ ဝေဇယန္တာလမ်း၊ ဦးချစ်မောင်လမ်း စသည့်များတွင် ပြုလုပ်လျက် ရှိသည်။
လက်ရှိအချိန်တွင် ယာဉ်ကြောပိတ်ဆို့မှု ပြဿနာကို ဖြေရှင်းရန် နည်းလမ်းအမျိုးမျိုး သုံးခဲ့ကြသော်လည်း ထိရောက်သည့် အကျိုးသက်ရောက်မှု ရှိသည်ကို မတွေ့ရကြောင်း ထို့ကြောင့် ကားတင်သွင်းခွင့်နှင့် ပတ်သက်၍ ပြန်လည်စိစစ် ထိန်းသိမ်းပေးရတော့မည် ဖြစ်ကြောင်း ထိုသို့ ကားတင်သွင်းခွင့် ဆိုင်ရာ မူဝါဒ အပြောင်းအလဲများ ပြုလုပ်မည် ဆိုပါကလည်း ပြည်သူလူထုသို့ လုံလောက်သည့် အချိန်သတ်မှတ်ကာ ကြိုတင် အသိပေးသင့်ကြောင်း မော်တော်ယာဉ်ဆိုင်ရာ ကျွမ်းကျင်သူများက အကြံပြုခဲ့ကြသည်။
ထိုသို့ ကားတင်သွင်းခွင့်နှင့် ပတ်သက်၍ အဓိက ထိန်းသိမ်းစိစစ် ပေးသင့်သည့် အချက်မှာ အသုံးပြုပြီး ကားများဖြစ်သည့် (Used car) များ တင်သွင်းမှုကို ကန့်သတ်ကာ ကားသစ်များကိုသာ တင်သွင်းခွင့် ပြုသင့်ကြောင်း၊ လက်ယာ ကပ်မောင်းရသည့် လမ်းစည်းကမ်းနှင့် စတီယာရင် ညာမောင်း ဖြစ်နေမှု လိုက်လျောညီထွေမှု မရှိ၍ ဖြစ်ပွားခဲ့ရသည့် မတော်တဆမှုများ ရှိခဲ့သောကြောင့် ကားသစ်များ တင်သွင်းခွင့် ပြုရာတွင်လည်း ဘယ်မောင်းများကိုသာ တင်သွင်းခွင့် ပြုသင့်ကြောင်း မော်တော်ယာဉ်ဆိုင်ရာ ကျွမ်းကျင်သူ တစ်ဦးက အကြံပြုခဲ့ပါသည်။
''ကားနဲ့ပတ်သက်တဲ့ Trade Policy က တိတိကျကျ မရှိဘူး။ Infrastructure နဲ့ ချိန်ဆမထားဘူး။ Public Transport နဲ့ ပတ်သက်လို့လည်း စီမံချက်မရှိဘူး။ ဒီ တစ်နှစ်၊ နှစ်နှစ်အတွင်း အစိုးရရဲ့ လုပ်ဆောင်ချက် တချို့ဟာ အမှတ်ရရင်ပြီးရော အလွယ်လုပ်တဲ့ Policy မျိုးတွေ ဖြစ်နေတယ်။ အခုလို ကားကျပ်ပြီး လူတန်းစားပေါင်းစုံ ဒုက္ခရောက်ရတာဟာ ကားတင်သွင်းမှုနဲ့ အခြေခံ အဆောက်အအုံကို ချိန်ဆ မထားနိုင်တဲ့ ပြဿနာပါ'' ဟု အမည်မဖော်လိုသူ စီးပွားရေး လုပ်ငန်းရှင်ကြီး တစ်ဦးက ပြောကြားခဲ့သည်။
ယခင်ကာလများက နိုင်ငံ၏ ကန့်သတ် ချုပ်ချယ်မှုများကြားမှ ပြန်လည်လွတ်လပ်စွာ တင်သွင်းခွင့် ပြုရသည့် အခြေအနေဖြစ်၍ (Used car) များ အများအပြား တင်သွင်းခွင့် ပြုခဲ့ခြင်းမှာ သင့်တော်သော်လည်း လက်ရှိနိုင်ငံတကာမှ ရင်းနှီးမြှုပ်နှံမှုများ ၀င်ရောက်လာသည့် အထိုက်အလျောက် ပွင့်လင်းလာသော အခြေအနေတွင် ကားသစ်များသာ တင်သွင်းခွင့် ပြုရတော့မည် ဖြစ်ကြောင်း သုံးသပ်သူများလည်း ရှိနေသည်။
နိုင်ငံတွင်းသို့ (Used car) များသာ တင်သွင်းနေပါက ကားသစ်များထက် ကြံ့ခိုင်မှုပိုင်းတွင် ပိုမိုလျင်မြန်စွာ ကျဆင်းနိုင်သဖြင့် ယခင်ကားဟောင်းဈေးကွက် သံသရာသို့ ပြန်လည်ရောက်ရှိပြီး ကားများမှ ထွက်သည့် မီးခိုးငွေ့များကြောင့် လေထုညစ်ညမ်းမှုကို ဖြစ်ပေါ်စေနိုင်ကြောင်း ထို့ကြောင့် သဘာဝပတ်ဝန်းကျင် ထိန်းသိမ်းရေး ရှုထောင့်အရ ကြည့်မည်ဆိုပါက ကားသစ်များကိုသာ တင်သွင်းခွင့် ပြုသင့်ကြောင်း၊ ကားသစ်များ တင်သွင်းမှုကို မူဝါဒများနှင့် စနစ်တကျ ထိန်းချုပ်တင်သွင်းခြင်းဖြင့် (Used car) များ ဖောဖောသီသီ မ၀င်ရောက် နိုင်တော့သဖြင့် ကားအရေအတွက်များပြီး ယာဉ်ကြော ပိတ်ဆို့နေမှုကို နည်းလမ်း တစ်မျိုးဖြင့် ဖြေရှင်းရာ ရောက်မည် ဖြစ်ကြောင်းလည်း ကားတင်သွင်းမှုနှင့် ပတ်သက်၍ စောင့်ကြည့် နေသူများက သုံးသပ်ပါသည်။
ဘုရင့်နောင် လမ်းမကြီးပေါ်ရှိ ဘုရင့်နောင်လမ်းဆုံ တံတားစီမံကိန်းအနီး ယဉ်ကြောကျပ်နေမှုများ ဇူလိုင် ၁၀ ရက်က တွေ့ရစဉ် (ဓာတ်ပုံ-အောင်ရဲကို)
အင်ဒိုနီးရှား၊ ဖိလစ်ပိုင်၊ ထိုင်း၊ ဗီယက်နမ် စသည့် နိုင်ငံများတွင် (Used car) များကို လုံးဝတင်သွင်းခွင့် မပြုကြောင်း လက်ရှိမလေးရှား နိုင်ငံတွင် (Used car) များ တင်သွင်းမှုကို ခွင့်ပြုထားသော်လည်း ၂၀၁၅ ခု နှစ်တွင် (Used) များကို တင်သွင်းခွင့် ပြုတော့မည် မဟုတ်ကြောင်း စင်ကာပူနိုင်ငံတွင် ၃ နှစ် သက်တမ်း အောက် ကားဟောင်းများကိုသာ တင်သွင်းခွင့်ပြုပြီး ကားဟောင်း၏ သက်တမ်းကို နိုင်ငံခြားတွင် မှတ်ပုံတင်သည့်နေ့မှ စတင် သတ်မှတ်ကြောင်း သိရသည်။
မြန်မာနိုင်ငံတွင် ပြောင်းလဲလာသည့် ကားဈေးကွက် အခြေအနေရ နိုင်ငံတကာ ကားကုမ္ပဏီများ တရားဝင် စတင်ဝင်ရောက်မှုများ ရှိလာပြီး လက်ရှိအချိန်တွင် အမေရိကန် အခြေစိုက် Ford၊ Chevrolet ဂျာမနီအခြေစိုက် Mercedes၊ တောင်ကိုရီးယား အခြေစိုက် Hyundai၊ KIA တို့ မြန်မာဈေးကွက်သို့ ၀င်ရောက်လာပြီ ဖြစ်သည်။
ယခုနှစ် မေလကုန်ပိုင်းတွင် KIA ကုမ္ပဏီ၏ ပထမဦးဆုံး ကားအရောင်းပြခန်း စတင်ဖွင့်လှစ်ခဲ့ပြီး လာမည့် သြဂုတ်လတွင် Ford၊ နှစ်ကုန်ပိုင်းတွင် Mercedes နှင့် Chevrolet ကုမ္ပဏီတို့က ကားအရောင်းပြခန်းနှင့် ၀န်ဆောင်မှု စင်တာများကို အပြိုင်အဆိုင် စတင်ဖွင့်လှစ်မည် ဖြစ်သည်။ ထို့ပြင် ဂျပန်ကား ကုမ္ပဏီများဖြစ်သော Toyota၊ Nissan၊ Honda၊ Suzuki၊ Mitsubishi ကားကုမ္ပဏီ များကလည်း ၀န်ဆောင်မှု စင်တာများ တိုးချဲ့ ဖွင့်လှစ်လျက် ရှိကြောင်း သိရသည်။
မြန်မာဈေးကွက်သို့ တရားဝင် စတင်ဝင်ရောက်သည့် နိုင်ငံတကာ ကားကုမ္ပဏီများသည် ကားအသစ် များကိုသာ တင်သွင်းရောင်းချ သွားမည်ဖြစ်ပြီး ကမ္ဘာ့အဆင့် ၀န်ဆောင်မှုများ ပေးအပ်မည် ဖြစ်ခြင်းကြောင့် လက်ရှိမြန်မာနိုင်ငံတွင် ဖြစ်ပေါ်နေသည့် အသုံးပြုပြီး ကားဟောင်း ဈေးကွက်ကို တဖြည်းဖြည်း ကျော်လွန်နိုင်မည်ဟု နိုင်ငံခြား ကားကုမ္ပဏီများနှင့် ပူးပေါင်းလုပ်ကိုင်ခွင့် ရရှိခဲ့သည့် တာဝန်ရှိသူများက ဆိုပါသည်။
KIA ကားကုမ္ပဏီနှင့် ပူးပေါင်း ဆောင်ရွက်နေသည့် SSS မှ ဒါရိုက်တာ ဦးကျော်သူရကလည်း ''ကျွန်တော်တို့ ကားသစ် ဘယ်မောင်းတွေကိုပဲ တင်သွင်းရောင်းချနေတာ ဖြစ်ပါတယ်။ လက်ရှိဈေးကွက်မှာ ကားဟောင်းတွေ ပိုအ၀ယ်လိုက် နေပေမယ့် နောက်ပိုင်း ပြောင်းလဲလာမယ့် လူနေမှု အဆင့်အတန်း အခြေအနေတွေနဲ့ အညီ ကားသစ်တွေနဲ့ ရရှိမယ့် ၀န်ဆောင်မှုတွေကို လူကြိုက်များလာမှာပါ'' ဟု ပြောကြားခဲ့သည်။
မြန်မာနိုင်ငံတွင် ဇွန် ၂၁ ရက် အထိ သွင်းကုန်ပါမစ်ဖြင့် မော်တော်ယာဉ် ၂၀၉၆၂ စီး တင်သွင်းခွင့် ပြုခဲ့ပြီး ဇွန်လအတွင်း က.ည.န မှ အစားထိုးယာဉ် ပါမစ်ထုတ်ပေးမှု အစီးရေ ၉၇၀၀၀ ကျော် ရှိလာပြီ ဖြစ်သည်။ လူပုဂ္ဂိုလ် တစ်ဦးချင်းအလိုက် မော်တော်ယာဉ် သွင်းကုန်ပါမစ်များကို ၂၀၁၂ခုနှစ် သြဂုတ်တွင် စတင်ခွင့်ပြု ခဲ့ခြင်းဖြစ်ပြီး ယာဉ်အို၊ ယာဉ်ဟောင်းများ ဖျက်သိမ်း၍ အစားထိုး တင်သွင်းခြင်း စီမံချက်ကို ၂၀၁၁ ခုနှစ် စက်တင်ဘာတွင် စတင်ခဲ့ခြင်း ဖြစ်သည်။ ၂၀၁၃ခုနှစ် ဇွန် ၂၀ ရက်အထိ ယာဉ်အိုယာဉ်ဟောင်း အပ်နှံမှုစီးရေ ၈၄၈၆၅ စီးဖြစ်ပြီး ဆောင်ရွက်ပြီးစီးမှု မှာ ၈၇ ဒသမ ၁၇ ရာခိုင်နှုန်း ဖြစ်ကြောင်း သိရသည်။
တိုးပွားလာသည့် ကားစီးရေများနှင့်အတူ ရန်ကုန်မြို့၏ ယာဉ်ကြောပိတ်ဆို့မှု ပြဿနာသည် ပိုမို ဆိုးရွားလျက်ရှိပြီး အစိုးရကလည်း ကာလတို ဖြေရှင်းနည်း များစွာကို အသုံးပြု ဖြေရှင်းနေသော်လည်း လိုအပ်နေသည့် အခြေခံ အဆောက်အဦများနှင့် အများပြည်သူ သယ်ယူပို့ဆောင်ရေး အစီအစဉ် ဖြည့်ဆည်းမှုများ အားနည်းနေသေးကြောင်း သိရသည်။
ရန်ကုန်မြို့၏ မြိုပြတည်ဆောက်မှုပုံစံ၊ အဓိက အခြေခံ အဆောက်အဦဖြစ်သော လမ်းများ၏ အခြေအနေကို အဓိကထည့်သွင်း မစဉ်းစားဘဲ လူဦးရေနှင့် တွက်၍ ကားစီးရေ များပြားရေးကိုသာ အဓိက ဦးတည်ခဲ့ခြင်းကြောင့် ရန်ကုန်မြို့၏ ယာဉ်ကြောပိတ်ဆို့မှု ပြဿနာ ပိုမိုဆိုးရွား လာခြင်းဖြစ်ကြောင်း ပညာရှင်များက ထင်မြင် သုံးသပ်ခဲ့သည်။
