ဘာသာပေါင်းစုံ ဆွေးနွေးပွဲများ ပြုလုပ်ပေးပါက ပဋိပက္ခများ လျော့နည်းနိုင်မည်ဟု ဆို

ပို့စ်တင်ချိန် - 7/04/2013 03:15:00 PM

ဖိုးစိုးသူ | ကြာသပတေးနေ့၊ ဇူလိုင်လ ၀၄ ရက် ၂၀၁၃ ခုနှစ် ၀၈ နာရီ ၅၅ မိနစ်

ဘာသာရေး ၊ လူမျိူးရေး ပဋိပက္ခများ မဖြစ်ပွားစေရန်အတွက် မြို့နယ်အလိုက် ဘာသာပေါင်းစုံမှ ဘာသာရေး ခါင်းဆောင် များ အရပ်ဘက်ဆိုင်ရာ အဖွဲ့စည်းများအနေ ဖြင့် ငြိမ်းချမ်းရေး ဆွေးနွေးမှုများ၊ ဘာသာရေးဆွေးနွေးမှုများ ပြုလုပ်ပေးရန် လိုအပ်ကြောင်း မြောက်ဥက္ကလာပမြို့နယ် ဘာသာပေါင်းစုံ ငြိမ်းချမ်းရေးနှင့် ညီညွတ်ရေးအဖွဲ့ ကိုယ်စားလှယ် ဦးဆန်နီက ပြောသည်။

ယင်းသို့ ပြောကြားခြင်းမှာ ဇူလိုင် ၂ ရက်တွင် ရန်ကုန်မြို့၊ မြောက်ဥက္ကလာ ၁ ရပ်ကွက် အစ္စလာမ်ဗလီ ကျောင်းတွင် ပြုလုပ်သော ခရစ်ယာန်၊ ဗုဒ္ဓဘာသာ၊ မွတ်စ်စလင်၊ ဟိန္ဒူ ဘာသာရေးခေါင်းဆောင်များ တွေ့ဆုံဆွေးနွေးပွဲတွင် ပြောကြားခြင်း ဖြစ်သည်။

ယင်းသို့ ဆွေးနွေးပွဲများ ပုံမှန် လုပ်ပေးပါက လက်ရှိဖြစ်ပွားနေသော ဘာသာရေး၊ လူမျိုးရေး ပဋိပက္ခများ လျော့နည်းသွားမည် ဖြစ်သည်ဟု ပွဲသို့ တက်ရောက်လာသော ဘာသာလေးခုမှ ခေါင်းဆောင်များက ပြောကြားသည်။

၎င်းက ''ဒီလို ဆွေးနွေးခြင်းအားဖြင့် ကိုးကွယ်တဲ့ ဘာသာအလိုက် တစ်ဖက်နဲ့ တစ်ဖက်ယုံကြည်မှုတွေ၊ လေးစားမှုတွေ ထားပေးလာနိုင်တယ်။ ပဋိပက္ခတွေ ထပ်ပြီး မဖြစ်နိုင်တော့ဘူး။ ဖြစ်မယ့်ကိစ္စတွေ ရှိရင်တောင် ဘာသာရေးခေါင်းဆောင်တွေ အနေ နဲ့ ညှိနိုင်းပြီး အချိန်မီ တားဆီးမှုတွေလုပ်ပေး နိုင်မယ်'' ဟု ပြောသည်။

ပဋိပက္ခများဖြစ်ပွားရာတွင် တရားဥပဒေအရ တရားဥပဒေ စိုးမိုးရေးကိုသာ အဓိကထား အရေးယူဆောင် ရွက်သင့်ကြောင်း ပွဲသို့တက်ရောက်လာသည့် အစ္စလာမ်ဘာ သာဝင်တစ်ဦးဖြစ်သည့် ဒေါက်တာမြင့်သိန်း က ဆိုသည်။

ပဋိပက္ခများ မဖြစ်ပွားစေရန်နှင့် ငြိမ်းချမ်း မှုရရှိစေရန်အတွက် မေတ္တာတရားနှင့်သည်းခံမှု ထားနိုင်ရန် လိုအပ်သည်ဟုလည်း ယင်း တွေ့ဆုံ ဆွေးနွေးပွဲတွင် မြောက်ဥက္ကလာပ မြို့နယ်မှ စိန်ပန်းကျောင်းတိုက် ဆရာတော် ဦးပညာသီရိက မိန့်ကြားတော်မူခဲ့သည်။

မြောက်ဥက္ကလာပမြို့နယ် ဘာသာ ပေါင်းစုံငြိမ်းချမ်းရေးနှင့် ညီညွတ်ရေးအဖွဲ့အနေဖြင့် တွေ့ဆုံဆွးနွေးမှုများကို လစဉ် အလိုက် ပုံမှန်ပြုလုပ်သွားမည်ဖြစ်ပြီး ယခု ဆွေးနွေးပွဲ အပြီးတွင် ဗလီကျောင်းတွင် သံဃာတော်များ အား ဆွမ်းကပ်ခဲ့သည်။

Mizzima