တက္ကစီနှင့်ဆိုင်ကယ် မျက်နှာချင်းဆိုင်တိုက်၊ နှစ်ဦးသေ

ပို့စ်တင်ချိန် - 7/25/2013 01:31:00 PM

ရန်ကုန်၊ ဇူလိုင် ၂၄

ရန်ကုန်တောင်ပိုင်းခရိုင် ကျောက်တန်းမြို့နယ် ညောင်ဝိုင်းကျေးရွာအပိုင် သိမ်ကုန်းကွေ့အနီးတွင် ဆိုင်ကယ်နင့် တက္ကစီ မျက်နှာချင်းဆိုင် တိုက်မိရာမှ ဆိုင်ကယ်စီးလာသူ နှစ်ဦးစလုံး သေဆုံးမှု ဇူလိုင်လ ၂၄ ရက် မွန်းလွဲ ၁ နာရီ မိနစ် ၃၀ က ဖြစ်ပွားခဲ့ကြောင်း မျက်မြင်တွေ့ရှိသူများက ပြောကြားသည်။

သန်လျင်မှ ကျောက်တန်းဘက်သို့ မောင်းနှင်လာသော အနက်ရောင် Mazda တက္ကစီနှင့် ကျောက်တန်းဘက်မှ သန်လျင်ဘက်သို့ မောင်းနှင်လာသော နံပါတ် မပါသည့် Loujia အမျိုးအစားဆိုင်ကယ်တို့ မျက်နှာချင်းဆိုင် တိုက်မိရာ ဆိုင်ကယ်ပေါ်တွင် လိုက်ပါလာသည့် အမျိုးသားနှစ်ဦးအနက် ဆိုင်ကယ်မောင်းသူမှာ ဝဲဘက် ဒူးခေါင်းသွေးထွက်ဒဏ်ရာ၊ နှာခေါင်းသွေး ထွက်ဒဏ်ရာများနှင့်အတူ ကားပိကာ ပွဲချင်းပြီး သေဆုံးခဲ့ပြီး၊ ဆိုင်ကယ်နောက်မှ လိုက်ပါလာသူမှာ ခြေသလုံးနှစ်ဖက်စလုံး ကျိုးသည့်ဒဏ်ရာ၊ ဝဲဦးခေါင်းနှင့် ဝဲဘက်နား သွေးထွက်ဒဏ်ရာများဖြင့် နာရီဝက်ခန့် အကြာတွင် သေဆုံးခဲ့ကြောင်း၊ တက္ကစီ ယာဉ်မောင်းမှာ ထွက်ပြေးသွားကြောင်း ယာဉ်တိုက်မှု ဖြစ်ပွားရာသို့ ကူညီကယ်ဆယ်ရေး ဆောင်ရွက်ပေးရန် ရောက်ရှိလာသူများထံမှ သိရသည်။

“ကျွန်မတို့က အလုပ်လုပ်နေကြတာ၊ ဒုံးဆိုတဲ့ အသံကိုတော့ ကြားလိုက်တယ်၊ ဒါပေမဲ့ ဆောက်လုပ်ရေး လုပ်ငန်းတွေက ထွက်တဲ့အသံပဲထင်လို့ သွားမကြည့်ကြဘူး၊ လူတွေရောက်လာမှ ကားတိုက်မှန်းသိတာ” ဟု အဆိုပါ ယာဉ်တိုက်မှု၏ အနီးအနားတွင် ရှိသောအိမ်မှ အမျိုးသမီးတစ်ဦးက ဆိုသည်။

သေဆုံးသူ နှစ်ဦးစလုံး၏ အမည်နှင့် နေရပ်လိပ်စာများကို မသိရှိသေးကြောင်း၊ ထွက်ပြေးသွားသည့် တက္ကစီယာဉ်မောင်းကိုလည်း စုံစမ်းနေဆဲ ဖြစ်ကြောင်း ကျောက်တန်းမြို့နယ် ရဲစခန်းမှ တာဝန်ရှိသူတစ်ဦးက The Voice သို့ ပြောကြားသည်။

“ကျွန်တော် ဂိတ်မှာထိုင်နေတုန်း ဆိုင်ကယ်တစ်စီး အရှိန်နဲ့လီဗာဖြဲပြီး Light Truck တစ်စီးကို ကျော်သွားတာ တွေ့လိုက်တယ်၊ ခဏနေတော့ ဆိုင်ကယ်နဲ့ ကားတိုက်တယ်ဆိုတဲ့ သတင်းကြားရတာပဲ” ဟု ကျောက်တန်းမြို့ပေါ်မှ ဆိုင်ကယ်ကယ်ရီသမားတစ်ဦးက ဆိုသည်။

ယင်းယာဉ်တိုက်မှုနှင့် ပတ်သက်ပြီး ကျောက်တန်းမြို့နယ် ရဲစခန်းမှ ဒုရဲအုပ်သန်းထွန်းက တရားလို ပြုလုပ်ကာ ယာဉ် (ပ) ၂၂/၂၀၁၃၊ ပြစ်မှုဥပဒေပုဒ်မ ၃၀၄(က)/၂၀၂ ဖြင့် အရေးယူထားကြောင်း အဆိုပါ ရဲစခန်းထံမှ သိရသည်။

အောင်မျိုးထက်
The Voice Weekly