အိမ်ထောင်ရှင် များ၏ အားသာ ချက်များ

ပို့စ်တင်ချိန် - 7/10/2013 04:05:00 PM

အိမ်ထောင်ရှင် များ၏ အားသာ ချက်များ အမျိုး သမီးတွေဟာ အိမ်ထောင် ရှင်မ ဘဝကို ခံယူ ကတည်းက သူရဲ့ အချိန်နဲ့ လုပ်ဆောင်ချက် အားလုံးကို ခင်ပွန်းနဲ့ သားသမီးတွေ အပေါ်မှာသာ မြှုပ်နှံထား တတ်ပါတယ်။ ကိုယ်ပိုင်အချိန်ဆိုတာ မရှိ သလောက်ပါပဲ။ သူ့ကိုယ်သူ လှပဖို့၊ အနားယူဖို့၊ ပျော်ရွှင်ဖို့ဆိုတာတွေထက် မိသားစုတစ်ခုလုံး သာယာပျော်ရွှင်ရေး ကိုသာ ဦးစားပေးဆောင်ရွက်ကြ ပါတယ်။ ဒါပေမဲ့ တချို့အိမ်ထောင်ရှင်မတွေက တစ်ဖက်က အလုပ်လုပ်ရင်း၊ သာယာတဲ့အိမ်ထောင် ရေးကိုလည်း ထိန်းသိမ်း ထားနိုင်ကြပါတယ်။

၁။ ကိုယ်ပိုင်အချိန်ရရှိအောင် ဖန်တီးနိုင်တယ်

ဒီနေ့ခေတ်မှာ အမျိုးသမီးတွေဟာ အမျိုးသား တွေနဲ့ ရင်ပေါင်တန်းပြီး စီးပွားရှာဖွေရတာ၊ အိမ်မှု ကိစ္စဆောင်ရွက်ရတာ၊ သားသမီးတွေကို ပြုစုစောင့်ရ တာ စတဲ့ အမှုကိစ္စတွေကို နေ့စဉ်နဲ့အမျှ လုပ်ကိုင် ဆောင်ရွက်နေရတာတွေက ဆန္ဒအားနည်းတာကို ဖြစ်စေနိုင်တဲ့ အကြောင်းအချက်တစ်ခုပါ။ တစ်နေ့တာ ရဲ့ အချိန်တွေကို အလုပ်အတွက်၊ အိမ်မှုကိစ္စတွေ အတွက်၊ သားသမီးတွေအတွက်နဲ့သာ ကုန်ဆုံးနေတာ ကြောင့် သူ့အတွက် ကိုယ်ပိုင်အချိန်က နည်းလာပါ တယ်။ အိမ်ထောင်ရေး သာယာသူတွေဟာ အလုပ်နဲ့ အိမ်မှုကိစ္စတွေကို သေချာနိုင်နင်းစွာ စီမံနိုင်ပြီး ကိုယ့်အတွက် ကိုယ်ပိုင်အချိန်ကို ရရှိအောင် ဖန်တီး နိုင်ကြပါတယ်။

၂။ တစ်သားမွေး တစ်သွေးလှအောင် ထိန်းသိမ်း နိုင်တယ်

ဟော်မုန်းတွေရဲ့ ပြောင်းလဲမှုက စိတ်ဆန္ဒအပေါ် များစွာသက်ရောက်မှုရှိပါတယ်။ ကိုယ်ဝန်ဆောင်ချိန်နဲ့ မွေးဖွားချိန်တွေမှာ အမျိုးသမီးတွေဟာ စိတ်ဆန္ဒ လျော့ပါးနိုင် ပါတယ်။ တချို့ အမျိုးသမီးတွေဟာ ကလေးမွေးပြီး အချိန်အတော်ကြာတဲ့အထိ ဆန္ဒလျော့ နည်းနေတတ်ပါတယ်။ ဒီလို အချိန်မှာ ယောကျာ်းဖြစ် သူရဲ့ စာနာနားလည်မှုနဲ့ ဖေးမကူညီမှုတွေကို အများ ဆုံးလိုအပ်ပါတယ်။ ဒီလိုသာ မရရှိခဲ့ပါက စိတ်ကျ ရောဂါအထိ ခံစားရနိုင်ပါတယ်။ အိမ်ထောင်ရှင်မ တိုင်းတော့ ခံစားကြရတာ မဟုတ်ပါ ဘူး။ တချို့အိမ် ထောင်ရှင်မတွေကတော့ တစ်သားမွေး တစ်သွေးလှ ဆိုသလို ကိုယ်ဝန်ဆောင်ချိန်နဲ့ မွေးဖွားပြီးချိန်တွေမှာ အရင်ကထက် ပိုမိုနုပျိုလှပအောင် ထိန်းသိမ်းထား နိုင်ကြပါတယ်။

၃။ လှပကြော့ရှင်းအောင် ပြုပြင်နေတယ်

မိန်းကလေးတွေက သူတို့ရဲ့ အလှအပတွေ ကြောင့် ကိုယ့်ကိုယ်ကိုယ် ယုံကြည်မှု ပိုမိုရှိနေစေပါ တယ်။ အိမ်ထောင်ရှင်မတွေဟာ အိမ်ထောင်သက် တမ်းကြာလာတဲ့အခါ ကိုယ့်ကိုယ်ကိုယ် ဂရုတစိုက် ပြုပြုပြင်ပြင် မရှိတာကြောင့် အိမ်ထောင် မကျခင်က ပိုင်ဆိုင်ခဲ့ဖူးတဲ့ လှပမှုတွေကို ထိန်းသိမ်းမထားနိုင်တော့ ပါဘူး။ အဲဒီအခါ ယောကျာ်းကို ကိုယ့်ဘက်ပါအောင် မဆွဲဆောင်နိုင်တော့ဘူးလို့ ထင်မြင်လာပါတယ်။ ကြော့ရှင်းလှပမှုက ကိုယ့်ကိုယ်ကိုယ် ယုံကြည်မှုရှိစေ တဲ့အပြင် စိတ်ဆန္ဒကို တိုးပွားစေပြီး အိမ်ထောင်ရေး သာယာခိုင်မြဲစေပါတယ်။

၎။ ချစ်ခင်မြတ်နိုးလိုစိတ်ကို ရရှိအောင် ဖန်တီး ယူနိုင်တယ်

ယောကျာ်းလေးတွေထက် မိန်းကလေးတွေက စိတ်ဆန္ဒဖြစ်ပေါ်ဖို့ ခက်ခဲတတ်ပါတယ်။ ဒါကြောင့် အိမ်သူသက်ထားအပေါ် ယောကျာ်းရဲ့ နွေးထွေးကြင် နာတဲ့ ပြုစုယုယမှုတွေက ချစ်ခင်ကြင်နာစိတ်ဖြစ်ပေါ် စေတဲ့ ဟော်မုန်းတွေ ထွက်ရှိစေပါတယ်။ နှစ်ကိုယ်ခြား နွေးထွေးတဲ့ ဆက်ဆံရေးကလည်း စိတ်ဆန္ဒဖြစ်ပေါ် စေဖို့ များစွာအထောက်အကူပြုပါတယ်။ အိမ်ထောင် ရေး သာယာမှုရှိအောင် စွမ်းဆောင်နိုင်ကြတဲ့ အိမ် ထောင်ရှင်မတွေက ယောကျာ်းရဲ့ ချစ်ခင်မြတ်နိုးလို စိတ်ရရှိအောင် ဖန်တီးရယူနိုင်ကြပါတယ်။

၅။ သွက်သွက်လက်လက်လှုပ်ရှားနိုင်တဲ့ ခန္ဓာ ကိုယ်ကို ထိန်းထားနိုင်တယ်

ဟော်မုန်းဆေးတွေ သောက်သုံးနေရတာကြောင့်လည်း အမျိုးသမီးတွေမှာ စိတ်ဆန္ဒကျဆင်းမှုတွေကို ဖြစ်စေပါတယ်။ အိမ်ထောင်ကျပြီးတဲ့အခါ ကိုယ့် ကိုယ်ကိုယ်ဂရုတစိုက် မရှိတာ၊ ပဋိသန္ဓေတားဆေး သုံးစွဲရတာတွေကြောင့် ဗိုက်ပူပူ၊ ချက်စူစူ၊ လက်မောင်း ကြီးကြီးနဲ့ ဝဖြိုးလာကာ စိတ်ဆန္ဒတွေလည်း ကျဆင်း လာစေပါတယ်။ ဒါကလည်း အိမ်ထောင်ရေးယိုင်နဲ့ စေတဲ့ အကြောင်းတစ်ချက်ပါ။ သန္ဓေတားနိုင် မယ့် တခြားနည်းလမ်းတစ်ခုကို သင့်ဆရာဝန်နဲ့တိုင်ပင်ပြီး ပြောင်းလဲသုံးစွဲပါ။ အိမ်ထောင်ရေး ခိုင်မြဲအောင် ထိန်းထားနိုင်တဲ့ အိမ်ထောင်ရှင်မတွေက သွက်လက် စွာ လှုပ်ရှားနိုင်တဲ့ ခန္ဓာကိုယ်ကို ပိုင်ဆိုင်နိုင်အောင် ထိန်းသိမ်းပြုပြင်ထားတတ်ကြပါတယ်။

၆။ ချစ်စိတ်တိုးပွားစေတဲ့ သဘာဝအစားအစာ တွေကို စားသုံးတယ်

ခန္ဓာကိုယ်အတွက် အာဟာရဓာတ်က အရေး ကြီးဆုံး ဖြစ်တာကြောင့် နေ့စဉ် အစားအသောက်တွေ စားသုံးနေရတာပါ။ ဒါ့အပြင် ချစ်စိတ်ဆန္ဒဖြစ်ပေါ်မှုနဲ့ လည်း တိုက်ရိုက်ဆက်စပ်မှုရှိနေပါတယ်။ အာဟာရ ပြည့်ဝပြီး ကျန်းမာရေးနဲ့ ညီညွတ်မှုရှိတဲ့ သဘာဝက ရတဲ့ အစားအစာတွေကို စားသုံးပါ။ ယောကျာ်းကို ဆွဲဆောင်စည်းရုံးနိုင်တဲ့ နည်းလမ်းတစ်ခုက ညစာ အာဟာရပါ။ သူရောကိုယ်ပါ အလုပ်ကိုယ်စီသွားနေ တာကြောင့် နေ့လယ်စာကို အတူမစားဖြစ်ပေမယ့် ညစာကိုတော့ မျက်နှာချင်းဆိုင်ပြီး အတူစားသင့်ပါ တယ်။

အစားအသောက်တွေ ပြင်ဆင်ရာမှာ ချစ်စိတ် တိုးပွားစေတဲ့ အစားအစာတစ်ခုခုကို ပါဝင်အောင် ချက်ပြုတ်ကျွေးမွေးပါ။ ဖွယ်ဖွယ်ရာရာချက်ပြုတ်ပြင် ဆင်ထားတဲ့ ညစာထမင်းပွဲက ယောကျာ်းရဲ့စိတ်ကို ဖမ်းစားနိုင်တာကြောင့် ရုံးဆင်းချိန်မှာ အပေါင်း အသင်းတွေနဲ့ ဟိုဟိုဒီဒီ သွားလာမနေတော့ဘဲ အိမ် တန်းပြန် လာအောင် ဆွဲတောင်နိုင်ပါတယ်။

မောင်မောင်ချေ - ဓညဝတီ
todaymyanmar