ဗိုလ်ချုပ်သန်းရွှေအကြောင်း၊ မြန်မာနိုင်ငံ၏ မင်းဆိုးမင်းညစ် တဦးကို မျက်နှာဖုံး ခွာကြည့်ခြင်း (အပိုင်း-၄)

ပို့စ်တင်ချိန် - 7/15/2013 09:29:00 AM

ထိုင်းနိုင်ငံရှိ (Silkworm Books) စာအုပ်တိုက်က ထုတ်ဝေပြီး၊ ဘင်နဒစ် ရော်ဂျာစ် (Benedict Rogers) ရေးသားထားတဲ့ "ဗိုလ်ချုပ်သန်းရွှေအကြောင်း၊ မြန်မာနိုင်ငံ၏ မင်းဆိုးမင်းညစ်တဦးကို မျက်နှာဖုံးခွာကြည့်ခြင်း" ဆိုတဲ့ စာအုပ်အကြောင်းကို တင်ဆက်နေပါတယ်။ ဒီတပတ်မှာတော့ ဗိုလ်ချုပ်သန်းရွှေရဲ့ အရာရှိငယ် ဘဝ စစ်တပ်ထဲက အကြောင်းတွေကို ဆက်လက်တင်ပြပါမယ်။

သောတရှင် မိတ်ဆွေများခင်ဗျား။

ဗိုလ်ချုပ်သန်းရွှေက ၁၉၅၃ ခုနှစ်မှာ မြန်မာ့တပ်မတော်ထဲဝင်ပြီး အရာရှိဗိုလ် လောင်းသင်တန်း (OTS) တက်ဖို့ ရွေးချယ်ခံရ ပါတယ်။ ဒီသင်တန်းက လအနည်း ငယ်မျှပဲ ကြာလိမ့်မယ်လို့ ယူဆရပါတယ်။ ဘာဖြစ်လို့လဲ ဆိုတော့ အဲဒီအချိန်က ပြည်တွင်းစစ်၊ တရုတ်ဖြူရန် ပြည်ပကျူးကျော်မှုလို ခြိမ်းခြောက်မှုတွေကြောင့် စစ်တပ်ကို တိုးချဲ့နေရတဲ့အချိန်၊ စစ်သား အရာရှိတွေ အများအပြားလိုအပ်နေတဲ့အချိန်ပါ။ သင်တန်းကာလက ၆ လ၊ ဒါမှ မဟုတ် ၉ လလောက်ပဲ ရှိလိမ့်မယ်လို့ စာရေးသူ ဘင် ရော်ဂျာက ခန့်မှန်းဖော်ပြပါတယ်။ ဗိုလ်သန်းရွှေက သင်တန်းမှာ ဘာတွေသင်ကြား တတ်မြောက်ခဲ့ပါသလဲ။ စာရေးသူက မြန်မာ့တပ်မတော်က အခြား OTS သင်တန်းဆင်း အရာရှိတွေကို မေးမြန်း လေ့လာခဲ့တဲ့အခါ ဒီသင်တန်း မျိုးတွေမှာ စစ်မြေပြင်တိုက်ပွဲတွေ အတွက် စစ်ရေးနည်းနာတွေကို ပို့ချပါတယ်။ တပ်စိတ်၊ တပ်စုတွေကို ဦးဆောင် ကွပ်ကဲနိုင်ဖို့ ခံ-ခွာ-ချီ-တက် စစ်ရေးတွေ ပို့ချပေးလေ့ရှိတယ် ဆိုပါတယ်။ အဲဒါအပြင် မြန်မာ့တပ်မတော်က အရာရှိဟောင်း ဦးရော်နီငြိမ်း သုံးသပ်တာကတော့ ရန်သူဘယ်နေရာမှလဲ ကွဲကွဲပြားပြား မသိနိုင်ခင် ကျင့်သုံးလေ့ရှိတဲ့ (searching fire) လို့ခေါ်တဲ့ နေရာရှာဖွေ ပစ်ခတ်ခြင်းမျိုးတွေကို ဗိုလ်သန်းရွှေ လေ့လာခဲ့ရနိုင်တယ်လို့ ဆိုပါတယ်။ နောက်ပိုင်း သူရဲ့နိုင်ငံရေး ဗျူဟာတွေမှာတောင် တခုခု မလုပ်ခင်၊ ကြိုတင်အသံတွေကို စနည်းနာနိုင်ဖို့ အစမ်း လှုပ်ရှားမှု မျိုးတွေ လုပ်ခဲ့တာကို သတိထားမိပါတယ်။

အဲဒီနှစ် ဇူလိုင်လမှာပဲ ဗိုလ်သန်းရွှေ သင်တန်းပြီးဆုံးလို့ တပ်စုမှူး- ဒုဗိုလ်အဖြစ် တာဝန်ပေးခံရတယ်လို့ တရားဝင် ထုတ်ပြန် ချက်တွေအရ သိရပါတယ်။ တပ်စုမှူး ဆိုတာကတော့ လူ ၃၅ ဦးကို အုပ်ချုပ်ရပါတယ်။ မြန်မာ အစိုးရ က စစ်ခေါင်းဆောင် တွေရဲ့ ကိုယ်ရေးရာဇဝင်တွေကို ထုတ်ပြန်တာ ရှားရှားပါးပါးပါ။ ၁၉၈၈ ခုနှစ် စစ် အာဏာ သိမ်းပြီး (နဝတ) အစိုးရ တက်လာတဲ့အချိန်မှာ တပ်မတော်သမိုင်းဆိုပြီး စစ်တပ်ရဲ့ လုပ်ဆောင်မှုတွေ ကို ချီးမွမ်းခန်းဖွဲ့ ပြန်ရေးတာတွေ ဖတ်ရပါတယ်။ ဒါနဲ့ပဲ ၁၉၉၁ ခုနှစ်၊ ဖေဖေါ်ဝါရီလ လုပ်သား ပြည်သူ့နေ့စဉ် သတင်းစာမှာ တပ်မတော်ခေါင်းဆောင်တွေရဲ့ အကြောင်းကို ပြန်ဖော်ပြတာတွေ ဖတ်ရပါတယ်။ အဲဒီမှာ ဗိုလ်ချုပ်သန်းရွှေအကြောင်း ဖော်ပြထားတဲ့နေရာမှာ OTS ဗိုလ်သင်တန်းပြီးသွားတဲ့အခါ ဗမာ့ သေနတ်ကိုင် တပ်ရင်း (၁) (သနက-၁) မှာ တာဝန်ထမ်းဆောင်ရတယ်လို့ ဖော်ပြပါတယ်။ ဘယ်နေရာမှာ တာဝန်ယူခဲ့ရ တယ်ဆိုတာ အတိအကျ မဖော်ပြထားပေမယ့် ခန့်မှန်းရတာကတော့ ကရင်ပြည်နယ်၊ ဖားအံမြို့ ပတ်ဝန်းကျင်မှာ ကရင်သူပုန်တွေကို တိုက်ခိုက်ဖို့ တာဝန်ယူခဲ့ရနိုင်ပါတယ်။

အဲဒီကာလက ဦးနုက ဝန်ကြီးချုပ်၊ မြန်မာနိုင်ငံမှာ ပါတီစုံဒီမိုကရေစီ ကျင့်သုံးနေနိုင်ဆဲ ကာလပါ။ ပြည်တွင်းမှာ ရောင်စုံသူပုန်ထမှုတွေကလည်း အတော်ကျဆင်းသွားပြီး အစိုးရက မြို့တွေ၊ နေရာဒေသအတော်များများကို ပြန်လည်ပြီး တည်တည်ငြိမ်ငြိမ် ထိန်းချုပ်လားနိုင်တဲ့ကာလပါ။ အဲဒီအချိန်က တာဝန်ယူခဲ့တဲ့ တပ်မှူးဟောင်း တွေ ပြောပြတာကတော့ ကရင်သူပုန်တွေက သူတို့ထိန်းချုပ်ရာမြို့ပြတွေကို စွန့်ပြီး တောင်တန်းတွေဆီ ဆုတ်ခွာ အခြေချတဲ့ကာလပါ။ အဲဒီအချိန်မှာ မြန်မာ့တပ်မတော်အတွက် အဓိကရန်သူက တရုတ်နိုင်ငံလို့ ယူဆထားကြ တယ်ဆိုပါတယ်။ ၁၉၄၉ ခုနှစ်မှာ ကွန်မြူနစ်ပါတီက အာဏာသိမ်းပိုက်နိုင်ခဲ့တဲ့ ပြည်သူ့တရုတ်ပြည်က ဗမာ ကွန်မြူနစ်တွေကို ထောက်ပံ့ပေးနိုင်သလို၊ ကွန်မြူနစ်တွေကို ပြန်တော်လှန်ဖို့ မြန်မာပြည်ထဲကို ပြေးဝင်အခြေ စိုက်လာတဲ့ တရုတ်ဖြူကူမင်တန် ကျူကျော်မှုရန်လည်း ရှိနေပါတယ်။ အဲဒီအချိန်မှာ DSA စစ်တက္ကသိုလ် ပထမသင်တန်းတက်ခဲ့ရတဲ့ ဗိုလ်မှူးခင်မောင်ညွန့် ပြန်ပြောပြတာက သူတို့စစ်ကျောင်းတွေမှာ သင်ကြားရတာ က တရုတ်ကျူးကျော်မှုက ပထမရန်သူ၊ တိုင်းရင်းသား သူပုန်ထမှုက ဒုတိယရန်သူအဖြစ်ထားလို့ သင်ကြားခံရ တယ် ဆိုပါတယ်။ မြန်မာ့တပ်မတော်ကိစ္စတွေကို လေ့လာနေသူ ပညာရှင် မေရီ ကယ်လာဟန် ကတော့ "အဲဒီ အချိန်မှာ မြန်မာ့တပ်မတော်က အစိုးရသြဇာနဲ့ လွတ်ကင်းစွာပဲ ဘယ်သူတွေက နိုင်ငံရဲ့ရန်သူတွေဖြစ်တယ်၊ ဒီအန္တရာယ်တွေကို ဘယ်လိုကိုင်တွယ်မယ်ဆိုတာ ဆုံးဖြတ်လုပ်ပိုင်ခွင့်ရှိနေပြီ" ဆိုတာ ဖော်ပြခဲ့ပါတယ်။

တပ်စုမှူး ဗိုလ်သန်းရွှေကတော့ ကရင်ပြည်နယ်မှာ တာဝန်ကျပါတယ်။ တာဝန်ကျရာ (သနက-၁) တပ်ရင်းမှာပဲ သိပ်မကြာခင်မှာ ဒု-ဗိုလ်ကနေ ဗိုလ်အဆင့်တိုးမြ‡င့်ခံရပါတယ်။ ဖြစ်နိုင်တာက လူအင်အား ၁ဝဝ လောက်ရှိမယ့် တပ်ခွဲအဆင့်ကို ဦးစီးရနိုင်ပါတယ်။ အဲဒီမှာပဲ ဒေါ်ကြိုင်ကြိုင်နဲ့ ဖူးစာဆုံရပြီး ၁၉၅၆ ခုနှစ်မှာ အိမ်ထောင်ကျတာ ဖြစ်ပါတယ်။ ဒေါ်ကြိုင်ကြိုင်က ပအို့ဝ်၊ တရုတ်ကပြားလို့ စာရေးသူ ဘင်ရော်ဂျာက ဖော်ပြပါတယ်။ ဖားအံနဲ့ သထုံမြို့ကြားက ရွှေကုန်းဒေသသူ ဖြစ်တယ်လို့ ပြောပါတယ်။ တချို့သတင်းရပ်ကွက်တွေအဆိုအရ ဒေါ်ကြိုင်ကြိုင်က တခုလပ်လို့ ပြောပါတယ်။ သူ့ခင်ပွန်းဟောင်းက တိုက်ပွဲကျသွားပြီးတဲ့နောက်မှာမှ ဗိုလ်သန်းရွှေ နဲ့ ရတယ်လို့ ပြောကြပါတယ်။ တချို့သတင်းရင်းမြစ်တွေကလည်း ဗိုလ်သန်းရွှေမှာ ဒေါ်ကြိုင်ကြိုင်နဲ့ အိမ်ထောင် မကျခင်က အရင် အိမ်ထောင်ရှိဖူးတယ်၊ သားတယောက် ထွန်းကားဖူးတယ်လို့ ဆိုကြပါတယ်။ အဲဒီ သားကို ၂ဝဝဝ ခုနှစ်မှာမှ စစ်အစိုးရရဲ့ အတွင်းရေးမှူး-၃ ဗိုလ်ချုပ်ကြီးဝင်းမြင့်က ပြန်လည်ရှာဖွေပေးပြီး မိသားစု ပြန်ပေါင်း ထုပ်ခဲ့တယ်လည်း ဆိုကြပါတယ်။ ဘယ်ကိစ္စကိုမှ တရားဝင်အတည်မပြုနိုင်ပါဘူး။

ဒါပေမယ့် အတိုက်အခံတဦးလည်းဖြစ်၊ သမိုင်းကိစ္စတွေကို လေ့လာနေသူ ဦးအောင်စောဦး ပြောတာကို စာရေး သူက ကိုးကားပြီး ဒေါ်ကြိုင်ကြိုင်ဆိုတာက နောက်မှ ပြောင်းတဲ့နာမည်၊ အရင်နာမည်က သိပ်ပြီး ခေတ်မဆန် လှတဲ့ ဒေါ်မကြိုင်လို့ ခေါ်ကြတယ်လို့ ဆိုပါတယ်။ သူက ဗိုလ်ချုပ်သန်းရွှေ အာဏာမရခင်၊ ၁၉၈ဝ ခုနှစ်များ ကာလ ဘုရားတန်ဆောင်း အလှူ မှတ်တမ်းတွေကို အခြေခံပြီး ပြောတာပါ။ ဒေါ်ကြိုင်ကြိုင်က ပအို့ဝ်လူမျိုး လို့ ဆိုပေမယ့်လည်း သူ့တိုင်းရင်းသား အရေး အတွက်တော့ ထက်သန်လှသူတော့ မဟုတ်ပါဘူး။

အိမ်ထောင်ကျပြီး မကြာခင်မှာပဲ စစ်အစိုးရတရားဝင် ထုတ်ပြန်တဲ့ ကိုယ်ရေးရာဇဝင်အရ ၁၉၅၇ ခုနှစ်၊ ဖေဖေါ် ဝါရီလမှာ ဗိုလ်သန်းရွှေကနေ ဗိုလ်ကြီးတာဝန် မြ‡င့်တင်တာဝန်ပေးခံရပါတယ်။ သူတာဝန်ကျတဲ့နေရာက သံလွင်မြစ်အရှေ့ဖက်ခြမ်း၊ ကရင်ပြည်နယ်နဲ့ ရှမ်းပြည်နယ်တောင်ပိုင်းဒေသတွေမှာ တာဝန်ယူခဲ့ရပါတယ်။ ကရင်သူပုန် တွေ၊ တရုတ်ဖြူတွေနဲ့ တိုက်ပွဲတွေလည်း ကြုံရကောင်း ကြုံရနိုင်ပါတယ်။ ဒါပေမယ့် အဲဒီကာလ တာဝန်ယူခဲ့တဲ့ တပ်မှူးတွေ ပြောပြတာက ဗိုလ်သန်းရွှေရဲ့ ထူးချွန်ပြောင်မြောက်တဲ့ တိုက်ပွဲတွေ မကြားခဲ့ရဘူး၊ တကယ်ရော တိုက်ပွဲတွေ ကြုံခဲ့သလားဆိုတာ မေးခွန်းထုတ်ကြပါတယ်။ ဒါမှမဟုတ်ရင်လည်း တပ်ရင်းနောက် တန်း တာဝန်ခံမျိုး ဖြစ်နိုင်ပါတယ်။

ဗိုလ်သန်းရွှေက ထောက်လှမ်းရေးအရာရှိအဖြစ် အစီရင်ခံခဲ့ရတဲ့ သူ့အထက်ကတပ်မှူး ဒု-ဗိုလ်မှူးကြီးတင်ထွန်း မှတ်ချက် အရတော့ "သူက နည်းနည်းပျင်းတယ်" လို့ ဆိုပါတယ်။ ကွမ်းစွဲနေတဲ့အတွက်ကြောင့်လည်း အစည်း အဝေးတွေလာရင် ပါးစပ်ဆေးပြီးမှ လာခဲ့လို့ ကြိမ်းမောင်းတာတွေ ကြုံခဲ့ရကြောင်း စာရေးသူက ဖော်ပြခဲ့ပါ တယ်။ နောက်အပတ်မှာတော့ စိတ်ဓာတ်စစ်ဆင်ရေးဌာနမှာ တာဝန်ယူခဲ့ရပုံတွေကို ဆက်လက်တင်ပြပါမယ်။ အားလုံး ငြိမ်းချမ်း ပျော်ရွှင်ကြပါစေ။

(ယခု ဆောင်းပါးကို လွတ်လပ်သောအာရှအသံ မြန်မာပိုင်းအစီအစဉ် RFA မှ ထုတ်လွှင့်သွားခဲ့ပြီး ဖြစ်ပါသည်။ RFA ၏ မူပိုင်သာဖြစ်ပြီး ပြန်လည်ဖော်ပြခြင်း ဖြစ်သည်။)