အီဂျစ်စစ်တပ်က ပထမဆုံး ဒီမိုကရေစီသမ္မတကို ဖြုတ်ချ၍ အာဏာသိမ်း

ပို့စ်တင်ချိန် - 7/05/2013 09:36:00 AM

ကိုင်ရိုမြို့ နက်ဆာစီးတီးခရိုင်တွင် သမ္မတမော်စီကို ထောက်ခံသူများအား ၀ိုင်းရံထားသည့် စစ်ဘက်အထူးလုံခြုံရေး တပ်ဖွဲ့ဝင်များကို ဇူလိုင် ၃ ရက်က တွေ့ရစဉ် (Photo: AP)

ဇူလိုင် ၃ ရက်တွင် အစ္စလာမ္မစ်သမ္မတ မိုဟာမက်မော်စီကို အီဂျစ်စစ်တပ်က ဖြုတ်ချကာ သူနှင့် သူ့အား အထောက်အပံ့ပေးနေသည့် အဓိက ပုဂ္ဂိုလ်များကို ထိန်းသိမ်းလိုက်ပြီးနောက် အနောက်တိုင်း၏ အင်အားကြီး နိုင်ငံများက ထိန်းထိန်းသိမ်းသိမ်း လုပ်ကြရန်နှင့် ဒီမိုကရေစီစနစ်သို့ အလျင်အမြန် ပြန်လည်ကူးပြောင်းရန် ပန်ကြားခဲ့သည်။
မော်စီကို နုတ်ထွက်ပေးရန် တောင်းဆိုသည့် အလွန်ကြီးမားသော ဆန္ဒပြပွဲများကို တုံ့ပြန်သည့် အနေဖြင့် ယခုကဲ့သို့ လုပ်ဆောင်ပေးရခြင်း ဖြစ်ကြောင်း စစ်တပ်က အခိုင်အမာ ပြောကြားခဲ့သော်လည်း အနောက်အုပ်စုကမူ အီဂျစ်နိုင်ငံ၏ ပထမဆုံး ဒီမိုကရေစီနည်းအရ ရွေးကောက်တင်မြှောက်ခံရသည့် အီဂျစ်သမ္မတသည် အာဏာရပြီး တစ်နှစ်အကြာတွင် ဖြုတ်ချခံခဲ့ရသည့် အချက်အပေါ် စိတ်မသက်မသာ ဖြစ်လျက်ရှိသည်။
Muslim Brotherhood ပါတီမှ ထိပ်တန်းခေါင်းဆောင် တစ်ဦးက စစ်တပ်သည် ဖြုတ်ချခံရသည့် သမ္မတကို ထိန်းသိမ်းထားပြီး သူ့အား အကူအညီပေးနေသည့် ထိပ်တန်းပုဂ္ဂိုလ် များစွာတို့ကို နေအိမ်အကျယ်ချုပ် ချထားကြောင်း ပြောကြားခဲ့သည်။
သီတင်းတစ်ပတ်အတွင်း လူသန်းပေါင်းများစွာတို့က လမ်းများပေါ်သို့ထွက်ကာ မော်စီ နုတ်ထွက်ပေးရေး တောင်းဆိုခဲ့ကြရာ လူပေါင်း ၅၀ နီးပါး သေဆုံးခဲ့ရပြီးနောက် အီဂျစ်စစ်တပ်က မော်စီကို ဖြုတ်ချခဲ့ခြင်းဖြစ်သည်။

အာဏာသိမ်းခြင်းနှင့် ပတ်သက်သော စစ်တပ်၏ သဘောထား
ကာကွယ်ရေးဝန်ကြီး ဗိုလ်ချုပ်ကြီး အက်ဘ်ဒယ်ဖာတာအယ်လ်စီစီက အာဏာသိမ်းလိုက်ကြောင်း နိုင်ငံပိုင်ရုပ်သံမှ ကြေညာခဲ့ပြီးနောက် မော်စီအစိုးရအား ကန့်ကွက် ဆန္ဒပြသူ ထောင်ပေါင်းများစွာက ကိုင်ရိုမြို့ လမ်းမများပေါ်တွင် အောင်ပွဲခံခဲ့ကြကြောင်း သိရသည်။
မော်စီအစိုးရ လက်ထက်တွင် ရေးဆွဲထားသော အစ္စလာမ္မစ် ဖွဲ့စည်းပုံ အခြေခံဥပဒေကို အတည်ပြုရန် ဆိုင်းငံ့ထားပြီး ရွေးကောက်ပွဲကို အစောဆုံး ကျင်းပပေးသွားမည်ဟု စီစီက ပြောကြားခဲ့သည်။
''အခုလို အာဏာသိမ်းလိုက်ပေမယ့် စစ်တပ်ကတော့ နိုင်ငံရေးနဲ့ ကင်းကင်းရှင်းရှင်း နေသွားမှာ ဖြစ်ပါတယ်'' ဟု စီစီက ပြောကြားခဲ့သည်။
လွန်ခဲ့သည့် တစ်နှစ်က သမ္မတအဖြစ် ရွေးကောက်တင်မြှောက်ခံရသည့် အနောက်တိုင်း၌ ပညာသင်ကြားခဲ့သည့် အစ္စလာမ်ခေါင်းဆောင် မော်စီသည် ပြည်သူလူထု၏ ရည်မှန်းချက်များကို ဆောင်ကြဉ်းပေးနိုင်ခြင်း မရှိကြောင်းနှင့် အတိုက်အခံများနှင့် အာဏာခွဲဝေရေး အတွက် ဗိုလ်ချုပ်ကြီးများ၏ တောင်းဆိုချက်ကို ဆောင်ရွက်ပေးရန် ပျက်ကွက်ခဲ့ကြောင်း အယ်ဘ်ဒယ် အယ်လ်စီစီက ဇူလိုင် ၃ ရက်တွင် ရုပ်သံမှတစ်ဆင့် မိန့်ခွန်းပြောကြားခဲ့သည်။
အီဂျစ်တရားသူကြီးချုပ် အယ်လ်လီမန်ဆာ ကြားဖြတ်သမ္မတအဖြစ် ကျမ်းသစ္စာကျိန်ဆို
အီဂျစ်တရားသူကြီးချုပ် အယ်လ်လီမန်ဆာသည် ဇူလိုင် ၄ ရက်တွင် ကြားဖြတ် သမ္မတအဖြစ် ကျမ်းသစ္စာ ကျိန်ဆိုခဲ့ပြီး ရွေးကောက်ပွဲသစ် မတိုင်မီအထိ နိုင်ငံကို အုပ်ချုပ်သွားမည် ဖြစ်ကြောင်း သိရသည်။ ရွေးကောက်ပွဲ ကျင်းပမည့်နေ့ကိုမူ မသတ်မှတ်ရသေးပေ။ အသက် ၆၇ နှစ်အရွယ်ရှိ မန်ဆာသည် အီဂျစ်၏ အမြင့်ဆုံး တရားရုံးချုပ် အကြီးအကဲဖြစ်ပြီး အသွင်ကူးပြောင်းရေး အစီအစဉ်အရ ကြားဖြတ်သမ္မတ ရာထူးကို ရယူခဲ့ခြင်းဖြစ်သည်။ စစ်ဦးစီးချုပ် ဗိုလ်ချုပ်ကြီး အယ်လ်စီစီက ကြေညာခဲ့သော လမ်းညွှန်မြေပုံတွင် သမ္မတဟောင်း ဟိုစနီမူဘာရက် ပြုတ်ကျခဲ့ပြီးနောက်ပိုင်း ပြဌာန်းခဲ့သော ဖွဲ့စည်းပုံ အခြေခံဥပဒေကို ရပ်ဆိုင်းပြီး ပြန်လည်ရေးဆွဲသွားရန်နှင့် ပါလီမန်နှင့် သမ္မတ ရွေးကောက်ပွဲများကို ထပ်မံကျင်းပသွားရန်တို့ ပါဝင်ခဲ့သည်။
အီဂျစ်အာဏာသိမ်းမှုနှင့် ပတ်သက်၍ နိုင်ငံတကာ၏ တုံ့ပြန်မှုများ
အမေရိကန်
အမေရိကန်သမ္မတ ဘားရက်အိုဘားမားက မော်စီ ဖြုတ်ချခံရခြင်းအပေါ် လွန်စွာ စိုးရိမ်မကင်း ဖြစ်မိကြောင်း ပြောကြားခဲ့ပြီး အရပ်သား အစိုးရကို အလျင်အမြန် ပြန်လည် ရွေးကောက်တင်မြှောက်ရန် တောင်းဆိုလိုက်သည်။

ကိုင်ရိုတက္ကသိုလ်သို့ သွားရာလမ်းတွင် တပ်စွဲထားသော အီဂျစ်တင့်ကားများကို ဇူလိုင် ၃ ရက်က တွေ့ရစဉ်
''အီဂျစ်နိုင်ငံရဲ့ အနာဂတ် အလုံးစုံကို အီဂျစ်ပြည်သူတွေကသာ ဆုံးဖြတ်နိုင်လိမ့်မယ်လို့ ကျွန်တော်တို့ ယုံကြည်ပါတယ်။ ဘာပဲဖြစ်ဖြစ် သမ္မတမော်စီကို ဖယ်ရှားဖို့နဲ့ ဖွဲ့စည်းအုပ်ချုပ်ပုံ အခြေခံဥပဒေကို ရွှေ့ဆိုင်းဖို့ အီဂျစ်စစ်တပ်ရဲ့ ဆုံးဖြတ်ချက်အပေါ် အလွန်အမင်း စိုးရိမ်မကင်း ဖြစ်မိပါတယ်'' ဟု အိမ်ဖြူတော်အရေးပေါ် အစည်းအဝေးပြီးနောက် ထုတ်ပြန်သည့် ကြေညာချက် တစ်ရပ်တွင် အိုဘားမားက ပြောကြားခဲ့သည်။ စစ်တပ်က တရားဝင် ရွေးကောက် တင်မြှောက်ထားသော ခေါင်းဆောင်ကို ဖြုတ်ချခဲ့ခြင်းကြောင့် အမေရိကန် အနေဖြင့် အီဂျစ်အား အကူအညီပေးရေး ကိစ္စနှင့်ပတ်သက်၍ ဥပဒေရေးရာ အချက်အလက်များကို ပြန်လည်သုံးသပ်ရန် အိုဘားမားက အမိန့်ပေးလိုက်သည်။ အမေရိကန် အစိုးရသည် မေလက အီဂျစ်စစ်တပ်ကို နှစ်စဉ်ထောက်ပံ့ကြေး ဒေါ်လာ ၁ ဒသမ ၃ ဘီလျံပေးရေးကို ထပ်မံအတည် ပြုထားခဲ့သည်။
ဇူလိုင် ၃ ရက်တွင် အမေရိကန် အစိုးရက ကိုင်ရိုမြို့ရှိ သူ၏ သံရုံးမှ ၀န်ထမ်းအများစုကို ရွှေ့ပြောင်းထားရန် အမိန့်ထုတ်ပြန်ခဲ့သည်။
ဥရောပသမဂ္ဂ
ဥရောပသမဂ္ဂ နိုင်ငံခြားရေးမူဝါဒ အကြီးအကဲ ကက်သရင်းအက်ရှတန်က သွေးထွက်သံယိုမှုများကို ပြစ်တင်ရှုတ်ချခဲ့ပြီး ဒီမိုကရေစီစနစ်သို့ အလျင်အမြန် ပြန်လည်ကူးပြောင်းရန် တောင်းဆိုလိုက်သည်။
ကုလသမဂ္ဂ
ကုလသမဂ္ဂ အတွင်းရေးမှူးချုပ် ဘန်ကီမွန်က အီဂျစ်ပြည်သူများ၏ ခံစားချက်ကို နားလည်ပါကြောင်း၊ သို့သော် စစ်တပ်၏ ပါဝင်စွက်ဖက်မှုအပေါ် စိုးရိမ်မိကြောင်း ပြောကြားခဲ့သည်။ မည်သည့် နိုင်ငံတွင်မဆို စစ်တပ်က နိုင်ငံရေးတွင် ၀င်ရောက် စွက်ဖက်လာပါက စိုးရိမ်စရာကောင်းကြောင်း ဘန်ကီမွန် အနေဖြင့် ယုံကြည်ထားသည်ဟု သူ၏ ပြောရေးဆိုခွင့်ရှိသူ အီဒူရာ ဒိုဒယ်ဘေးက ပြောကြားခဲ့သည်။
ဂျာမနီ
ဂျာမနီနိုင်ငံခြားရေးဝန်ကြီး ဂွီဒိုဝက်စ် တာဝယ်လီက မော်စီကို ဖြုတ်ချခဲ့သည့် စစ်အာဏာသိမ်းမှုအား အီဂျစ်နိုင်ငံတွင် ဒီမိုကရေစီအတွက် အထင်ကရ နောက်ပြန်ဆုတ်သွားမှုကြီးဟု ခေါ်ဆိုခဲ့ပြီး ဆွေးနွေးညှိနှိုင်း မှုများနှင့် နိုင်ငံရေး အာမခံချက်များ ရရှိရေးကို ဆောင်ရွက်ကြရန် ပန်ကြားလိုက်သည်။ အေသင်မြို့သို့ ရောက်ရှိနေသော ဂျာမနီဝန်ကြီးက သတင်းထောက်များအား ပြောကြားရာတွင် ''ဒါဟာ အီဂျစ် ဒီမိုကရေစီ အတွက် အထင်ကရ နောက်ပြန်ဆုတ်မှုကြီးပါ။ အီဂျစ်နိုင်ငံ အနေနဲ့ ဖြစ်နိုင်သမျှ အမြန်ဆုံး ဖွဲ့စည်းအုပ်ချုပ်ပုံ အခြေခံဥပဒေအတိုင်း ပြန်သွားနိုင်ရေးဟာ အရေးကြီးဆုံးပါပဲ။ အီဂျစ်နိုင်ငံရဲ့ ဒီမိုကရေစီ အသွင်ကူးပြောင်းမှုဟာ ဆိုးဆိုးရွားရွား ထိခိုက်ခံရမယ်ဆိုရင် တကယ့်အန္တရာယ်ကြီး တစ်ရပ်ပါ'' ဟု ဆိုသည်။
ရုရှား
အီဂျစ်အာဏာသိမ်းမှု ဖြစ်ပွားပြီးနောက် ရုရှားနိုင်ငံက အီဂျစ်နိုင်ငံရေး အင်အားစုများ အားလုံးအား ထိန်းထိန်းသိမ်းသိမ်း လုပ်ကြရန်နှင့် အကြမ်းဖက်မှုများမှ ရှောင်ရှားရန် ဇူလိုင် ၄ ရက်က သတိပေးခဲ့သည်။ ရုရှား နိုင်ငံခြားရေး ၀န်ကြီးက ဒီမိုကရေစီ ဘောင်အတွင်း အကြမ်းမဖက်ဘဲ နိုင်ငံရေးနှင့် လူမှုစီးပွားရေး ပြဿနာများကို ဖြေရှင်းရေး ကြိုးပမ်းကြရန် ကြေညာချက်တစ်ရပ်၌ အီဂျစ်ပြည်သူများအား တိုက်တွန်းပြောကြားခဲ့သည်။
တရုတ်
အီဂျစ်အာဏာသိမ်းမှု ဖြစ်ပွားပြီးနောက် တရုတ်နိုင်ငံက အီဂျစ်ပြည်သူများ၏ ရွေးချယ်မှုကို ထောက်ခံကြောင်း ပြောကြားခဲ့ပြီး ဆွေးနွေးညှိနှိုင်းမှုများ အမြန်ဆုံးပြုလုပ်ကြရန် တိုက်တွန်းခဲ့သည်။ တရုတ်နိုင်ငံခြားရေး ၀န်ကြီးဌာနက အီဂျစ်နိုင်ငံအနေဖြင့် အကြမ်းဖက်မှုများကို ရှောင်ရှားလျက် အငြင်းပွားမှုများကို စနစ်တကျ စေ့စပ်ညှိနှိုင်း ဖြေရှင်းရန် တိုက်တွန်းခဲ့သည်။

Ref:AFP
From: EMG