တရုတ်ဟက်ကာများ Android ကို ခိုးဖောက်မှုအတွက်သုံး

ပို့စ်တင်ချိန် - 7/26/2013 06:54:00 PM

ဝါရှင်တန်၊ ဇူလိုင် ၂၅

တရုတ်ဟက်ကာ များသည် အင်တာနက်နှင့် ကွန်ရက်ဆိုင်ရာ လုပ်ငန်းများတွင် မကောင်းမှုများ လုပ်ရန်အတွက် ခိုးဖောက် ဝင်ရောက်မှုများကို Android ဆော့ဖ်ဝဲများအား သုံးကာ အဓိက လုပ်ဆောင်နေ ကြကြောင်း ကွန်ပျူတာလုံခြုံရေး ဆိုင်ရာ ကုမ္ပဏီကြီးတစ်ခုဖြစ်သည့် Symantec ကပြောကြားသည်။

တရုတ်မှထွက်သည့် ဆော့ဖ်ဝဲနှစ်မျိုးကို လေ့လာသုံးသပ်ရာ၌ အခြား ကွန်ပျူတာ နှင့် မိုဘိုင်းလ်ပစ္စည်း များအား ကူးစက်ပြီး ခိုးဖောက် ဝင်ရောက်နိုင်ရန် စီစဉ်ထားသည် ကို တွေ့ရှိရကြောင်း ယင်းကုမ္ပဏီဝန်ထမ်း များက ဆိုသည်။

Google သည် ယင်းပြဿနာများကို ကြိုတင် သိရှိခဲ့သဖြင့် ဖယ်ရှားပေးခဲ့ပြီး ဖြစ်ကြောင်း၊ လွန်ခဲ့သည့် ရက်သတ္တ နှစ်ပတ်ခန့် ကတည်းက ယင်းဆော့ဖ်ဝဲများ မှတစ်ဆင့် လက်ကိုင်ဖုန်းများထံ ပျံ့နှံ့စေရန် စီစဉ်ထား သော်လည်း အကြံ မအောင်မြင်ခဲ့ကြောင်း Google က ထုတ်ဖော်ပြောကြားသည်။

မိမိတို့ပိုင် Google Play အွန်လိုင်း စတိုးမှတစ်ဆင့် ဆော့ဖ်ဝဲများကို Download ချယူပါက ခိုးဖောက်မှုများ ပြုလုပ်နိုင်သည့် ခြေရာခံမှု မလုပ်နိုင်ရန် ကာကွယ် တားဆီးနိုင် သော်လည်း အခြား Website များမှ Download ချယူခြင်းအတွက် အာမ မခံနိုင်ကြောင်း Google ကဆိုသည်။

Android ဆော့ဖ်ဝဲများတွင် Code များကို ဖြေနိုင်သည့် သင်္ကေတများ ပါနေသဖြင့် မိမိတို့ လုပ်ဆောင်ထားသည့် ဆော့ဖ်ဝဲ များကိုလည်း ဝင်ရောက်ကူးစက်မှု မရှိစေရန် သင်္ကေတ Code များကို ပြန်လည်ပြင်ဆင် ရေးသားခဲ့ရကြောင်း BlueBox အဖွဲ့က ထုတ်ဖော်ပြောကြားသည်။

ဟက်ကာများသည် Android အမည် တပ်ကာ Skullkey ဆိုသည့် ဗိုင်းရပ်စ် တစ်မျိုးကို ထုတ်လွှတ်နေကြောင်း၊ ယင်း ဗိုင်းရပ်စ်သည် ဖုန်းများအတွင်း ပျံ့နှံ့ဝင် ရောက်သွားပါက ဘာလုပ်လုပ် စောင့်ကြည့်နေကြောင်း၊ အထူးသဖြင့် စာပို့မှုများ၊ ဘဏ် လုံခြုံရေးဆိုင်ရာ နံပါတ်နှင့် Password များ ရိုက်ထည့်မှုကို ခြေရာခံနိုင်ကြောင်း Symantec အဖွဲ့က ထုတ်ပြန်ထားသည်။
The Voice Weekly