ဟောင်ကောင်မင်းသမီး မေရီယန်း မုံရွာမှာ AIDS ပညာပေး ရုပ်ရှင်လာရိုက်

ပို့စ်တင်ချိန် - 7/08/2013 09:57:00 AM

ဟောင်ကောင် မင်းသမီး မေရီယန်းနဲ့ သရုပ်ဆောင်အဖွဲ့ဟာ မြန်မာနိုင်ငံမှာ ကျန်းမာရေး အသိပညာပေး ရုပ်ရှင် ရိုက်ကူးခဲ့တယ်လို့ သိရပါတယ်။ 
ကိုယ်ဝန်ဆောင်မိခင်တွေ AIDS ရောဂါ မကူးစက်စေရေး၊ မိခင်နဲ့ ကလေး ကျန်းမာရေး ပြည့်ဝစေရေး အတွက် မြန်မာ ကျန်း မာရေး ၀န်ကြီးဌာနနဲ့ ကုလသမဂ္ဂရဲ့ UNICEF ယူနီဆက် တို့ ပူးပေါင်းပြီး ပညာပေးရေး ဇာတ်လမ်းအတွက် စစ်ကိုင်းတိုင်း မုံရွာ၊ မုံရွှေး- ကြေးမုံရွာတွေမှာ ကမ္ဘာကျော် ဟောင်ကောင် မင်းသမီး မေရီယန်းနဲ့ ဟောင်ကောင်ကျန်းမာရေးဝန်ထမ်းတွေပါ ဆေးရုံတွေ၊ နေအိမ်တွေနဲ့ ရပ်ကွက် ကျေးရွာတွေမှာပါ ယခု ဇူလိုင်လ ၁ ရက်၊ ၂ ရက်နေ့နဲ့ ၃ ရက်နေ့တွေမှာ ရုပ်ရှင် ရိုက်ကူးတာဖြစ်တယ်လို့ ယနေ့ထုတ် နိုင်ငံပိုင် ကြေးမုံသတင်းစာမှာ ဖော်ပြထားပါတယ်။ 

ရိုက်ကွင်းမှာ ကျေးလက်အလှ၊ ကျေးလက်ဘ၀တွေလည်း ပါဝင်တယ်လို့ သိရပါတယ်။  

အဆိုပါ ရုပ်ရှင်ရိုက်ကူးပြီးစီးသွားပြီး ရရှိတဲ့ ငွေကြေးအားလုံးကို ကိုယ်ဝန်ဆောင်မိခင်တွေ AIDS မကူး စက်ရေး လုပ်ဆောင် တဲ့ လုပ်ငန်းတွေမှာ အသုံးပြုဖို့ လှူဒါန်းသွားမှာဖြစ်တယ်လို့ သိရပါတယ်။ 

ဧရာဝတီ